By Pastor Hangmuanlian, TBC (ABA)
LEITUNG a Pate Ni hung piang dan ahileh numei khat a min Sonora Louise Smart hanchiam na hangin hung piang hi. Amanu February 18,1882 kum in Lenny Lind, Sebastian, Arkansas ah piang hi.
Apa William Jackson Smart (1842-1919) leh anu Ellen Victoria Cheek Smart (1851-1898) te tapa nga leh tanu khat nei sun ahi hi. A sanggamte 1.Charles Pinkney Smart (1883–1974) 2. George Alfred Smart (1886–1931) 3. Henry Albert Smart (1886–1975) 4. Marshall Harrison Smart (1888–1975) 5. Thomas Fred Smart (1891–1963) te ahi hi.
Anu in apasal masa tawh ta thum nei a, hua atate amoutha na ah keng hi. Ata kengte 1. John Edmonston BILLINGSLEY, 2. James Jesse BILLINGSLEY, 3. Lieuary Louise BILLINGSLEY WIDBY te ahi uhi. A pian na apa in zi masa anei a, a zi min in Elizabeth Harris (1848-1878) hi in tanu li leh tapa nih agawm in guh a neih uh hi.
Atate 1.Mrs. Mary, 2.Mrs. Martha, 3.L.V. (who died in infancy), 4. William Joseph Smart ( 1872-1936). 5. Mrs. Susan Ida Smart (1873-1947). 6. Mrs. Anna A. Smart Glasgow (1878-1952) te ahi uhi.
William Jackson Smart in amatate leh azi keng tate a gawm in 14 pha a, hua teng ne ding dawn ding leh pilna siamna zilna ding mawpua na la ahiman in atanu Sonora Smart Dodd in apiang na pa thupi na mu zing hi. A piang na apa louhou mi hi in American Civil war lai in apa veteran ana hita hi.
1889 kum Sonora kum sagih ahi in Spokane Washington ah kisuan (pemlut) uhi. Sonora kum 16 ahi in anu si hi. Apa in asanggamte leh amanu enkol hi. 1870 kum in Sonora leh John Bruce Dodd kiteng hi. 1909 kum in tapa khat John Bruce Jack Dodd nei hi.
Apasal nei zawh nung in a min Sonora Louise Smart Dodd chi in kisam hi. Lai gelh pawl khat in amin apasal min in (John Bruce Dodd) chi'n na gelh zel uhi. Sonora Smart Dodd in ahi thei khamkham in apian na apa na panpi zel hi. Nute ni (Mother's Day) in Central Methodist Episcopal Church ah ava kikhop leh Pastor pa in Nute itna, Nute thupina leh paaktat ahuai dan agen chingin amanu lungtang ah apa itna hung kilang hi.
Amanu in zong Spokane Ministarial Alliance lamkai te kung ah kum teng in nute ni i bawl zing uh, Pate ni zong i bawl ding uh ahi chi'n agen leh lamkai ten zong lem sakpi uhi. Ama nu in 5june apa pian ni a bawl ding in a ngen aa, lamkai te kisak khol manlou ahiman in June khal thumna ah bawl ding in lem gel uhi. Pate ni kizang masak pen ni ahileh June19,1910 Spokane, Washington mun ah kizang hi.
1916 kum in President Woodrow Wilson in Spokane Saptuamte Pate ni a zak uh kipakpih na thu telegraph tung tawn in gen hi. William Jennings Bryan in National Holy day hihsak dingin phut hi. 1966 kum in President Lyndon B. Johnson in June kal thumna Pate ni a zak ding in phuang khiatna leh nam detna nei hi.
1972 kum in President Nixon in kum teng a June nipi kal thumna pen National holy day leh atawn tung a (permanant) Pate ni a zak zing dingin namdetna nei hi. Sonora Smart Dodd in 62 vei na tan Pate ni ahikeileh Pate zaktatna ni Spokane Saptuam ah 1972 kum tan na zang hi. Pate thupina leh itna tawi sang na lai 74 vei na gelh in na hawm hi. Huajawh kum li (4) tan dam lai in 22nd March,1978 kum in 96 achin in atang tawn mun ding a zuan ta hi. Amanu Greenwood Memorial Terrace Spokane ah kivui hi.
A dam lai in Woman's Christian Temperance Union ah pan lak na nei hi. 1920 tuam in pilna zilna in School of the Art Institute of Chicago ah painting, writting poetry leh Fashion a Hollywood te (designar) siamtu a pang in ahun zang hi. Sonora Loiues Smart Dodd hanchiamna hangin tuni tan in leitung ah Pate ni kum teng in na ki zang hi. Leitung buppi in a zak Pate ni ah koi zong Pa nei lai ten i pian na i Pate uh zakna leh paktawina in zang chiat ni chi'n i kichial uhi. Toupa'n i pian na Pate zatat thei chiat ding in thupha hung pia chiat ta hen. Amen.
PATE POIMOH NA
1. Pate Innkuan Lutang ahi hi: Eph. 5:23, Laisiangthou in Numei lutang Pasalte ahi na chi hi. Lutang kichi in thuneina sang pen leh makai ahihna tak lang hi. Nang leh kei inn sung ah PA pen in lamkai hinate i sem khak ei chi ki ngaih sun thak masa ni, Joshua 24:15 na ah Joshua in a mi Israelte kung ah, "kei leh ka innkuan te in Toupa naa ma kasem ding uhi," achi ma bang in Pate in Innkuan a Pasian i biak theina ding leh anaa isep theina ding a pan i lak ding uh poimoh mama hi. Eima inn sung chiat Biakna lam, Thumna lam, Silpiak lam leh Pasian naasep na lam ah makai hi ding a poimaw mamah hi. Kornelia: Acts 10:1-3 sung i et leh Kornelia kichipa in a innsung a ding pan alak na kimu thei hi. Ama Kaisaria khuami Italy Galkap hi in Pasian thu ah a innkuante makaih den khat ahi hi.Toupa'n Kornelia migentheite napanpihna thu kaja hi achi a Peter asamsak a, a inn ah thu agen sak hi. Kornelia bang a innsung mite hutdam a aom theina ding a Pa kichite in pan i lak ding poimoh mamah hi.
2. Pate Innsung Jawlnei ahi hi: Laisiangthou sung ah Pasian in Israelte kung ah KA thu piate natu natate uh hil sawn un chi'n thu na pia hi (Deut.6;4-9). Ei innsung a PA tampi ten innsung maitam bawl chihte makai ngailou in Numeite hung kitaaklah khajel hi. Paten innsung innkuan mailam hun ding thute igel khol a innsung mite i khamuan jel ding uh kisam mah mah hi. Numeite makaisaklou in Pasalte mah innsung a makai in pangden theileng Toupa deihna hung hipan ding hi.
APAKTAT HUAI PATE
Laisiangthou sung ah Pa muan huai apaktat huai Pa tampi om hi. Huate lak pan in hi anuai a Pa li (4) te panlak na tawh kihanthawn ni.
1. Job: Job ahileh Laisiangthou sung a Pa omte lak a apaktat huai pa khat ahi hi. Ama Uz gam a om mihausa mamah khat ahi hi. Aman tapa sagih leh tanu thum a nei hi. Atate in Pasian deihlou khat a theilou kal in sem khava chi'n zingkal sial in a tate a ding in Pasian kung ah maitam siam sak zel hi (Job 1:1-5). Atate in Pasian maipha amu theina ding a panla zing pa khat ahiman in apaktat huai mamah hi.
2. Abraham: Abraham ahileh Laisiangthou sung a Pa omte lak a apaktat huai pa khat ahi hi. Ama Ur gam ah om hi. Pasian in apu apa ten na gam nusia ding in thu apia hun in hoilam zuan ding chi zong theilou in a pai hi (Heb.11:8). Pasian in atek nung in tapa khat Isak apia hi. Hua atapa Pasian ah kithoina leh maitam abawl chiang in a zawhpi hi. Pasian in Abraham aginna apatep lai in sing leh mei keng in atapa tawh a pai chiang in atapa in Pa aw, "Sing leh mei i keng a, hoi e a Belam?" chi'n a dong hi. Isak dokna in Abraham in atapa maitam a bawl chiang in puizel ahi dan kimu thei hi. Atapa tang khat nei sunn Pasian thu ah pui ahiman in apaktat huai mamah hi.
3. Jacob: Jacob ahileh Laisiangthou sung a Pasal omte lak a apaktat huai pa khat ahi hi. Aman a zi ding in Rachel apu Laban kung ah kum sagih thalawh dingin ngen hi (Gen. 29:18). Khuavel ah koiman a zite uh a itna in thalawh ngai keimaleh Jacob in azi a it man in kum sagih thalawh ahiman in pasal paktat huai mamah khat ahi hi.
4. Elkanah: Elkanah ahileh Laisiangthou sung a Pasal omte lak a apaktat huai pa khat ahi hi. Aman azi Hannah athanem nate theisiam in hibang in thapia hi. Hannah, "Kei nang a ding in tapa sawm sang in kamanpha zaw hilou maw," chi'n thapia ahiman in pasal paktat huai mamah khat ahi hi (1Sam.1:8).
Hi atung a Pate in atate a ding leh azite a ding in theitop in panlak ahiman in paktat huai mamah hi. Koi zong Pa kichite in hi atung a Pate bang in panla chiat ni chi'n iki hanthawn nuam hi.Toupa'n PATE NI zang nuam chiat ding in thupha hung pia chiat ta hen. Amen.
~0~
LEITUNG a Pate Ni hung piang dan ahileh numei khat a min Sonora Louise Smart hanchiam na hangin hung piang hi. Amanu February 18,1882 kum in Lenny Lind, Sebastian, Arkansas ah piang hi.
Apa William Jackson Smart (1842-1919) leh anu Ellen Victoria Cheek Smart (1851-1898) te tapa nga leh tanu khat nei sun ahi hi. A sanggamte 1.Charles Pinkney Smart (1883–1974) 2. George Alfred Smart (1886–1931) 3. Henry Albert Smart (1886–1975) 4. Marshall Harrison Smart (1888–1975) 5. Thomas Fred Smart (1891–1963) te ahi hi.
Anu in apasal masa tawh ta thum nei a, hua atate amoutha na ah keng hi. Ata kengte 1. John Edmonston BILLINGSLEY, 2. James Jesse BILLINGSLEY, 3. Lieuary Louise BILLINGSLEY WIDBY te ahi uhi. A pian na apa in zi masa anei a, a zi min in Elizabeth Harris (1848-1878) hi in tanu li leh tapa nih agawm in guh a neih uh hi.
Atate 1.Mrs. Mary, 2.Mrs. Martha, 3.L.V. (who died in infancy), 4. William Joseph Smart ( 1872-1936). 5. Mrs. Susan Ida Smart (1873-1947). 6. Mrs. Anna A. Smart Glasgow (1878-1952) te ahi uhi.
William Jackson Smart in amatate leh azi keng tate a gawm in 14 pha a, hua teng ne ding dawn ding leh pilna siamna zilna ding mawpua na la ahiman in atanu Sonora Smart Dodd in apiang na pa thupi na mu zing hi. A piang na apa louhou mi hi in American Civil war lai in apa veteran ana hita hi.
1889 kum Sonora kum sagih ahi in Spokane Washington ah kisuan (pemlut) uhi. Sonora kum 16 ahi in anu si hi. Apa in asanggamte leh amanu enkol hi. 1870 kum in Sonora leh John Bruce Dodd kiteng hi. 1909 kum in tapa khat John Bruce Jack Dodd nei hi.
Apasal nei zawh nung in a min Sonora Louise Smart Dodd chi in kisam hi. Lai gelh pawl khat in amin apasal min in (John Bruce Dodd) chi'n na gelh zel uhi. Sonora Smart Dodd in ahi thei khamkham in apian na apa na panpi zel hi. Nute ni (Mother's Day) in Central Methodist Episcopal Church ah ava kikhop leh Pastor pa in Nute itna, Nute thupina leh paaktat ahuai dan agen chingin amanu lungtang ah apa itna hung kilang hi.
Amanu in zong Spokane Ministarial Alliance lamkai te kung ah kum teng in nute ni i bawl zing uh, Pate ni zong i bawl ding uh ahi chi'n agen leh lamkai ten zong lem sakpi uhi. Ama nu in 5june apa pian ni a bawl ding in a ngen aa, lamkai te kisak khol manlou ahiman in June khal thumna ah bawl ding in lem gel uhi. Pate ni kizang masak pen ni ahileh June19,1910 Spokane, Washington mun ah kizang hi.
1916 kum in President Woodrow Wilson in Spokane Saptuamte Pate ni a zak uh kipakpih na thu telegraph tung tawn in gen hi. William Jennings Bryan in National Holy day hihsak dingin phut hi. 1966 kum in President Lyndon B. Johnson in June kal thumna Pate ni a zak ding in phuang khiatna leh nam detna nei hi.
1972 kum in President Nixon in kum teng a June nipi kal thumna pen National holy day leh atawn tung a (permanant) Pate ni a zak zing dingin namdetna nei hi. Sonora Smart Dodd in 62 vei na tan Pate ni ahikeileh Pate zaktatna ni Spokane Saptuam ah 1972 kum tan na zang hi. Pate thupina leh itna tawi sang na lai 74 vei na gelh in na hawm hi. Huajawh kum li (4) tan dam lai in 22nd March,1978 kum in 96 achin in atang tawn mun ding a zuan ta hi. Amanu Greenwood Memorial Terrace Spokane ah kivui hi.
A dam lai in Woman's Christian Temperance Union ah pan lak na nei hi. 1920 tuam in pilna zilna in School of the Art Institute of Chicago ah painting, writting poetry leh Fashion a Hollywood te (designar) siamtu a pang in ahun zang hi. Sonora Loiues Smart Dodd hanchiamna hangin tuni tan in leitung ah Pate ni kum teng in na ki zang hi. Leitung buppi in a zak Pate ni ah koi zong Pa nei lai ten i pian na i Pate uh zakna leh paktawina in zang chiat ni chi'n i kichial uhi. Toupa'n i pian na Pate zatat thei chiat ding in thupha hung pia chiat ta hen. Amen.
PATE POIMOH NA
1. Pate Innkuan Lutang ahi hi: Eph. 5:23, Laisiangthou in Numei lutang Pasalte ahi na chi hi. Lutang kichi in thuneina sang pen leh makai ahihna tak lang hi. Nang leh kei inn sung ah PA pen in lamkai hinate i sem khak ei chi ki ngaih sun thak masa ni, Joshua 24:15 na ah Joshua in a mi Israelte kung ah, "kei leh ka innkuan te in Toupa naa ma kasem ding uhi," achi ma bang in Pate in Innkuan a Pasian i biak theina ding leh anaa isep theina ding a pan i lak ding uh poimoh mama hi. Eima inn sung chiat Biakna lam, Thumna lam, Silpiak lam leh Pasian naasep na lam ah makai hi ding a poimaw mamah hi. Kornelia: Acts 10:1-3 sung i et leh Kornelia kichipa in a innsung a ding pan alak na kimu thei hi. Ama Kaisaria khuami Italy Galkap hi in Pasian thu ah a innkuante makaih den khat ahi hi.Toupa'n Kornelia migentheite napanpihna thu kaja hi achi a Peter asamsak a, a inn ah thu agen sak hi. Kornelia bang a innsung mite hutdam a aom theina ding a Pa kichite in pan i lak ding poimoh mamah hi.
2. Pate Innsung Jawlnei ahi hi: Laisiangthou sung ah Pasian in Israelte kung ah KA thu piate natu natate uh hil sawn un chi'n thu na pia hi (Deut.6;4-9). Ei innsung a PA tampi ten innsung maitam bawl chihte makai ngailou in Numeite hung kitaaklah khajel hi. Paten innsung innkuan mailam hun ding thute igel khol a innsung mite i khamuan jel ding uh kisam mah mah hi. Numeite makaisaklou in Pasalte mah innsung a makai in pangden theileng Toupa deihna hung hipan ding hi.
APAKTAT HUAI PATE
Laisiangthou sung ah Pa muan huai apaktat huai Pa tampi om hi. Huate lak pan in hi anuai a Pa li (4) te panlak na tawh kihanthawn ni.
1. Job: Job ahileh Laisiangthou sung a Pa omte lak a apaktat huai pa khat ahi hi. Ama Uz gam a om mihausa mamah khat ahi hi. Aman tapa sagih leh tanu thum a nei hi. Atate in Pasian deihlou khat a theilou kal in sem khava chi'n zingkal sial in a tate a ding in Pasian kung ah maitam siam sak zel hi (Job 1:1-5). Atate in Pasian maipha amu theina ding a panla zing pa khat ahiman in apaktat huai mamah hi.
2. Abraham: Abraham ahileh Laisiangthou sung a Pa omte lak a apaktat huai pa khat ahi hi. Ama Ur gam ah om hi. Pasian in apu apa ten na gam nusia ding in thu apia hun in hoilam zuan ding chi zong theilou in a pai hi (Heb.11:8). Pasian in atek nung in tapa khat Isak apia hi. Hua atapa Pasian ah kithoina leh maitam abawl chiang in a zawhpi hi. Pasian in Abraham aginna apatep lai in sing leh mei keng in atapa tawh a pai chiang in atapa in Pa aw, "Sing leh mei i keng a, hoi e a Belam?" chi'n a dong hi. Isak dokna in Abraham in atapa maitam a bawl chiang in puizel ahi dan kimu thei hi. Atapa tang khat nei sunn Pasian thu ah pui ahiman in apaktat huai mamah hi.
3. Jacob: Jacob ahileh Laisiangthou sung a Pasal omte lak a apaktat huai pa khat ahi hi. Aman a zi ding in Rachel apu Laban kung ah kum sagih thalawh dingin ngen hi (Gen. 29:18). Khuavel ah koiman a zite uh a itna in thalawh ngai keimaleh Jacob in azi a it man in kum sagih thalawh ahiman in pasal paktat huai mamah khat ahi hi.
4. Elkanah: Elkanah ahileh Laisiangthou sung a Pasal omte lak a apaktat huai pa khat ahi hi. Aman azi Hannah athanem nate theisiam in hibang in thapia hi. Hannah, "Kei nang a ding in tapa sawm sang in kamanpha zaw hilou maw," chi'n thapia ahiman in pasal paktat huai mamah khat ahi hi (1Sam.1:8).
Hi atung a Pate in atate a ding leh azite a ding in theitop in panlak ahiman in paktat huai mamah hi. Koi zong Pa kichite in hi atung a Pate bang in panla chiat ni chi'n iki hanthawn nuam hi.Toupa'n PATE NI zang nuam chiat ding in thupha hung pia chiat ta hen. Amen.
~0~
.jpg)
.JPG)
No comments:
Post a Comment
Comments not related to the topic will be removed immediately.