From N Lhungdim, a Class mate of Hawlngam in 1957
Golpa Hawlngam kiti hen ajehchu kakimu til lhon in Rev jong ahipon 1956 kum a Middle School Competative Exam, Education Department a kumseh leh ana ki bol chu Songtal M E School min in NCC ME School ah January 2,1957 in Exam tua D Phailen kho a Pa Jamkhohem @ Kangkho te in ah ka nu in ei umpi in Exam kana bol in March 1957 inResult ahungsoh in vangphat umtah in thinglhang chong a School kai kahivang in First Division a 14thposition in kana pass in lachenna Tolphei kho a pat in April lha in Imphal a kachen chu phatlaina Govt High School umsun Johnstone HighSchool a admission ding in kache in vang phat umtah in U Thangdam masang a Class IV NCC ME SCHOOLa kakai lai a kakihetpi anaum inaman HeadMaster KalachandShastri Office eipui in ipi ding a hibang a hung geinahin atin ken jong dih beh seh lou thinglhang cheng result kamu muakahungahi kati keh ka Result a hoi jeh chu Admissiona bol in Class VII a Roll no 57 na kahin ahi.
1957 kum a Johnstone HighShool a kai Kuki chapa chu Section A ah Vumkhomang Haokip ahin Section B a chu kei leh Jangkholun Haokip [Majorpu] Section C a chu Shehjakhai Manlun chuleh Section D a kai chu Paokhokai Kipgen [Chief Engineer] leh Hawlngam Haokip ahi. 1957 April lha chu kagolpa Hawlngam toh kakimu masatnapen ahin ahi.
Loi ho lah a hin Hawlngam toh kanaha kivop pen lhon in ahi ipi jeh hiding ham vang kahepon ahi.
Class khat a kihi vang a Section chom chom a kium ahin Recess phat le bou kimuto jui ahi.
Nikhat chu Hawlngam in Recess kah a DC Office a Pa Mangkhothong Haokip Lamsubedar koma Gun licence application khat submit in gache te ati jeh in kache lhon leh Pu Mangkhothong chu deibang muthei ahilou jeh in apeh jou a kanung che lhon leh class anakipan tan HeadMaster pan eihinmu lhon in class a Bench chung ah eidindah lhon in HighSchool kakai a Bench chung a period khat kadin na amasapen ahi.
Hiche a pat a chu kahung kihahet lhon a kahung kingai lhon hiding in kaging chan ahi.
Ahinla 1958 kum in aman Airport ah tohmun neokhat amun keijong Churachandpur HighSchool ah kakison in kaki mukhalhon tapon ahi.
1959 inImphal ah Class IX ka chop kan in Class X kasim in kachop kan jeh in amasang a Matric pass masa jo kahiding kaging chan ahi .
Khonung un kajah leh Matric a pass jou inJorhat a Theological College a BTh jilding in ache ti kajan ahi.
Gandhi Memorial HighSchool a ka kaum lainin B Th ahin chai inkhatvai ahungdoh jou in M Songgel
Houbung a Pathen thu aseikhat a Houin kanakai khan ahi.
Chomkhat jou1971 in ji ahin nei in aji nu hi masang 1960 lai a Mata Lambulane kho a kana chen khom u ahin Hepu tia eikou jeh in kangailu cho in ahi.
Chomkhat jou a MissionCompound akichonlhah uva a Nungah lai a a kakho u MataLanbukane a Christmas phat leh a Golnu Kholpi toh lenkhom a ahung lhonleh Thongkhopao toh kaga nung thah jui lhon in ahi, kho kiveng kahijeh un kaki kakho lai len to jui un ahi.
Khatvei akum kahetapon Imphal a KBC Office ah Gereral Secretary ahilai in a Office ah kagache in kagakimuto lhon in ahi.
KBC sunga GambihParish ahin semdan leh Centre Church Scheme ahin sem dan kakom ah anasei in ahi.
Career Profession chom chom a na akitoh leh kivop khomna leh kitimat na alhom cheh cheh in ahinla Imphal a kache khat leh khatvei vei a in NewLambulane a *LAMNENGTE IN* ah kaga leng jui in ahi.
Ama hin Churachandpur a ahung phat leh khatvei beh eihung vil ding ham kati leh khatveicha eihung vil khapon ahi.
Human Relation hi bothway ahi angai in oneway chu hahsa ahi Reciprocal ahi angai in ahi.
2007 kum April lha chun kum 50 kigolkhatna kimuto a Anneh khomna leh taokhomna Thangting House, MolnomWest a ka nupao vin kana neiun kagolpa Dr Hawlngam in Holy Bible hoitah khat present eibol in group photo jong kana kila un ahi.
Hiche chungchun Molnom Houbung a Chairman kahilai ahin Pathen nin Houin a Pathen thu asei in SouthKorea gama taona mol aha bol dan u agamu thu ahasei in Kholep khokoma Bethel PrayerMount asem thu jong asei in ahi.
Khatvei 2007 kum chun keileh kainneipi jong Bethel Prayer Mount ve in kaga che lhon in ahi.
Aman aseilhih thim khat chu a thilhon phat amaleh aloinu jong hiche Bethel Prayer Mount a kivui ding tobang in asei in
Kaki mu nukhah nalho pen chu chu 2019 a ka Autobiography *SURVIVAL OF THE UNFIT* kasut chu NewLambulane First Street a *LAMNENG TE* in a kalekha Bu joh togom in ka in neipi Chochong nu toh kagache lhon in copy khat Rs1000 in eichoh pih in kakipah in ahi.
2020 la year of Corona leh Lockdown anahitan 2021 la phading hitam itileh khohse cheh ding in aum kit tan ahi.
Kagolpa Hawlngam in eida lhah hi kalung ahem in kakimu jing lhon a ki vop jui akihi louvang in kalha leng avai in ahi kakivop lai lhon1957 kuma Bench chung a 40 minutes kadinlailhon 2007 kuma 50 Years of Friendship Celebration kanei uva ka in a Bu kaneh khom hou kanung gel leh kalung ahel in imu theilou in jan in ka lup na chung a hiche ka MEMOIR kahinsut hi ana sim jouse chungah kipa thu kahin sei in ahi.
Golpa Hawlngam hi kumlang a hi keisang in Kum 1 leh lha 6 tobang in atahjep in kivopkhalou kihileh Heo tiding ahin ahi.
GOLPA HAWLNGAM NEIDA LHAH JENG HI KADA IN KA HIN NGAILHEH IN KALUNG AHEL TAH BEH IN AHI.
KUM TAMTAH LUNGNACHIMTAH A ANA NATOH PATHEN HENGA KICHOLDO A LEISET LUNGGIM LUNGDON NATNA SATNA JOUSE NANUSE AHITAN LUNGDAM SEL IN KICHOLDO MAITAN.
Nagolpa
NgulkholunLhungdim
ThangtingHouse,
Molnom West.
06-05-2021
.jpg)
.JPG)
No comments:
Post a Comment
Comments not related to the topic will be removed immediately.