Thangkhal Saptuam kiphu apat kum 40 chinna zang

Lamka 2020 April 4: Pasian ahih leh kha ahi a, abia mite'n kha leh thutak a abiak ding uh ahi. (Johan 4:24) chi thupi zangin Kum 1981 April date 4 in M. Tanglian khua a (L) Upa Gindal inn a Thangkhal Ham leh Pau zangte a dingin Biakna Pawlpi Thangkhal Christian Association (TCA) chi phu khiatin om a, Tukum April date 4th in kum 40 chinna Thangkhal Saptuam mun tuamtuam ah zakin om hi, Thangkhal Baptist Church Tangnuam in zong tukum in kum 40 chinna hun zang a, hih hun a MG Muanlal Finance Secretary TBC Tangnuam Mission Department in sun hunzakna lamkaih in Local Artiste tuamtuam te'n Pasian Phatna laa sa uhi, Thangkhal Saptuam a ding a Lamkai masa Rev. (retd) Khamchinhang Speaker in pang a, Thangkhal Saptuam History tanchin sutna leh Thangkhal gam a Pasian na sem dia akuan khiatlai a, a laa phuakte zong sak na nei hi, TBC Tangnuam Local Church Committee (LCC) apat in Upa Hangkhankhup Local Vice Chairman leh Pa Dalginsuan Local Secretary TBC Tangnuam in Rev.(retd) Khamchinhang pahtawina in Thangkhal Puanlaisan khat silsakna nei uhi. Nitak hun in itna Annkuang Saptuam mipi'n umm khawm pih uhi. April date 4 ahih leh Thangkhal minam a dinga Khalam a ama uh ham a Saptuam kiphu khiatni, Pawldang tawh kikop nawn lou a, adin ni uh ahih man in nipoimoawh ahihban a Thangkhal Minam sung apat Missionary 7 omte lak a, Thangkhal Baptist Church Pawlpi min a Missionary a kuan khia Evan. Eric Hanglamthang Birthday zong ahi hi. Thangkhal minam in ahih leh kum 1939 March 7 in Missionary Pastor Thawngluan Tombing EBCC apat in khalam suahtatna na ngah in, Thangkhal minam sung a Gospel lut zoh kum 42 pai nung kum 1981 in Saptuam din khia jou uhi, Saptuam din khiat zoh kum 40 bang chingta ahih na a Toupa Hoih Hi, Hun chinteng in, Hun Chin tengin Toupa Hoih hi, chih Slogan sapna zong nei uhi, Gospel Tangthupha pua luttu Missionary Pastor Thawngluan Innkuan te leh Thangkhal Saptuam lamkai Masate, Thangkhal Saptuam a dia  manghilh thei gual hilou ahi uhi. Rev (retd) Khamchinhang in Thangkhal Saptuam tangthu agenna a sil tampi thei ngailouh Thangkhal saptuam tawh kisai Saptuam mipi'n thei beh a, Saptuam mipite Rev (retd) Khamchinhang tung a kipak mahmah uhi, Hun zaksung mah in Nengmuanlal @MG Thangkhal Financial Secretary Mission Department TBC Tangnuam in agenna a Kum 40 ahihkei leh ni 40 ichih te Bible a dia sil lamdang tampi na tung ahihdan gen in Bible a kum 40 chih kammal zak na apat sil lam dang tuamtuam tungte sim khiatna nei in, Thangkhal Saptuam zong kum 40 chingta ahih na a Maban a Thangkhal Saptuam leh minam sung a kum paisa sangin khangletna Hong Tung ding ahi chin gen hi.

1. Noa hinkhua ni 40 guah zuk ziakin khek lamdang in om hi.

2. Sinai tang a ni 40 sungin Mousi hinkhua khek lamdang hi.

3. Enkhia tute gamchiam a ni 40 a om un khek lamdang in om hi.

4. Ni 40 sung Goliath in achou ziakin David hinkhua khek lamdang in om hi.

5. Ni 40 sung Ann khatvei chou nek ziakin , Eliji in hatna nei a, kikhek lamdang hi.

6. Ninevi khopi ni 40 sung hun piak ahih dungjui in, Pasian in kisikna dia hun apiak ziakin, kikhek lamdang uhi.

7. Jesu zong gam dai a ni 40 a om ziakin sil bawl thei hi.

8. Ni 40 sung Jesu leh a nungjuite gam dai a ki thuah khawm in kikhek lamdang na om hi.

Rev. (Retd) Khamchinhang laa phuak YouTube Click @ https://youtu.be/iIn0tYhmyz0

KHALVONTAWI

VOICE OF THANGKHAL

Share: