GS Haupu Zou in Zomi Bethel village suangphuh hongkhia

Lamka, 2021 April 14: Ginsuanhau Zou, MLA (60-Singngat A/C) & Chairman, MTDC/MANIREDA in tuni zinglam in Zomi Bethel Village suangphuh hongkhia a, Rev. Khamchinkhai, Sr. Executive Secretary, ZPCS in lan hi.

Hunzatna ah Chief Guest in Ginsuanhau Zou, MLA (60-Singngat A/C), Chairman, MTDC & MANIREDA pang a, Functional President in Pumtulthang Lianzaw, Ex-EM, 21-Sangaikot DCC & Chief of L. Alpha pang a, Guests of Honour in Kamkhanpau, Social Worker; Gouzalal Tungnung @ GL Tungnung, Social Worker; Minboi Vaiphei, Special Contractor leh Paokhomang Haokip, Intending Candidate 21- Sangaikot DCC pang uh a, Chief Host in John K. Ngaihte, Chairman, Zomi Council pang hi.

Hunzak sung in Upa  Goukhanthang, Chief of 

Zomi Bethel Village in thu gen a, a tapa Pro-Pastor Suanliankap in khua kisat tungtang agenna ah a khua mun uh Vungkhum' gam aleikhiak uh hi a, kum 2017 in khua gamgi dingte saifel ahih nungin kum 2018 apan tenglut uh a, tulel in inn 23 pha uh hi'n gen hi.

Chief Guest Ginsuanhau Zou in a genna ah, gamsung kivaihawmna ah politics lam a heutute'n panlak khawmna a neih uh poimawh mahmah a, huo dungzui in MDC intending candidate-te zong stage khat a tukhawm thei ahih uh poimawh chi hi. Non-Naga teng Zosuan-le-khakte hi un gen a, Zomi Bethel village ading a recognition tawh kisai panlakpih ding hi'n gen hi. 

Khua zotna lampi bawlna ding in CM leh Local MLA kianga proposal peding hi'n gen a, Zomi Bethel khua mipi tuinek lakna ding borewell bawlsak ding hi'n gen hi.

Programme sung in Rev. Khamchinkhai, Sr. Executive Secretary, ZPCS in Zomi Bethel khua ading leh khawsung mipi ading in thumsakna nei a, Zou Modern Traditional leh WeDance Academy apan in lam lahna om a, Khenkhanmang & party lamkaihna in Sannem Laa sakna om hi. 

Special Invitee-te banah Upa P.Ginsuankhai, Chief of Tuining in thu gen a, Upa TC Pau in kipahthu a gen zawh in Upa Kapkhanhau, Moderator MGP(ZPCS) in thumna in hunkhak a, huo zawh in mipi paikhawmte'n ankuang umkhawm uhi.

KHALVONTAWI

VOICE OF THANGKHAL

Share: