Teikot Hausa Thangkhanlam Thangngeo Ex President TYO & TPO Haan sung hon na nei

Lamka 2021 March 26: Singngat Sub Division sung aom Teikot khua ah tuni zingsang dak 10:30AM in teikot hausa ban ah Thangkhal Nam-te Zomi ah lutpih phamta Thangkhanlam Thangngeo han suang honna leh latna neih in om hi.  hih hun bialtu MLA Ginsuanhau Zou, Chairman, MENIREDA, Langkhanpau guite, Ex Chairman, ADC CCpur, G Suanchinpau, Ex MDC, Grace Zamnu Ex MDC, Zomi Youth Association ZYA GHQ, Zomi Mothers Association ZMA GHQ, Zomi Students Federation ZSF GHQ, khuo hausa, saptuam lamkai, Thangkhal Nam sung a pawl tuamtuam Thangkhal Tribe Organisation, Thangkhal Youth Organisation, Thangkhal Sinlai Pawlpi, Thangkhal Baptist Church, Thangkhal Bible Church leh Thangkhal khua Hausa Lamkai Upa vaihawm te'n a uap Banah Pu Thangkhanlam Ngaina tu mitampi in hunzakna uap uhi. Hih hun ah khosung lutna bul a Teikot Hausa Thangkhanlam theih gige na dia hansuang kibawlna mun ah hun saulou zatna om in, amah suunna in paikhawm mipi in second 30 sung dai dide a hun zatzoh in, Pastor Jangkholun Mangte in hansuang hongkhia in, Pasian kiang a lan hi.  Hunpi zatna hausa inn tual ah neih in om a, huo hun Lianzalal President ZYA GHQ in lamkaih in, Pauminlianthang Ex President TSP & TPO GHQs in vaidawnna thu gen a, THANGKHAL MALE VOICE apan lasakna om hi.  hun zat sung in MLA, Ex MDC, ZOMI leh THANGKHAL apan Lamkai-te ban ah inntek leh pu-te lam apan Thugenna om in, hun tawp ah Khupkhanpau in kipahthu gen in, Pastor T.Chinminlian Executive Director Thangkhal Baptist Church in hun khakna nei hi. Hihun ah MLA GS Haupu Zou in a genna a Contractor ahihlai apan phamta Thangkhanlam toh kithuah in, 2010 kum a United Zou Organisation (UZO) President apuaklai a Thangkhanlam in sisan ahihdan gen in, huo zoh nung kum 11 bang pailiam ta a, amah theih gige-na dia anawtsiat a innkuan te'n hih bang program asai hun ua, uap thei dinga  Pasian in damna apiakna tung ah kipahthu gen in, a pai masa it leh ngai bang a, a damlai-te ki-it tuah a, kituak tak a tengkhawm ding ahihdan gen in, phamta Teikot Hausa Thangkhanlam theih gige-na dia amah Local Area development fund apan Teikot playground adi'n lakh 5 peding ahihdan gen hi.  tuni a hansuang hongkhiak aom phamta Teikot Hausa Thangkhanlam Thangngeo ahihleh December 1, 1958 in M Tanglian khua ah piang in, 2005 in Teikot khua sat in, October 5, 2006 in government in theihpihna pia in, Singngat sub division sung adia khua 44-na in chiamteh aom in, April 6,2021 in mualliam hi. Aman damlai in Thangkhal minam leh Zomi sung ah dinmun poimoh tamtak na tu in, 1982 apan 1991 sung in Thangkhal Youth Organisation TYO ah President hihna len in, 1991-2000 sung in Thangkhal Peoples' Organisation TPO GHQ ah General Secretary, 2002-2005 sung member DRDA, 2001-2010 sung Thangkhal Peoples' Organisation TPO GHQ ah President, 2007-2010 sung Zomi Council ah Vice Chairman hihna len in, Zomi leh Thangkhal sung a mang ngei nonlou ding in TPO GHQ President ahih sung in, September 18, 2007 in Thangkhal Minam Zomi Council ah lutpih hi.

MG Thangkhal
Admin KHALVONTAWI

KHALVONTAWI
VOICE OF THANGKHAL

Share: