Hiangtam-V ah School leh Polling station hong

Lamka, 2021 March 19: Singngat sub-division sung a om Hiangtam (V) khua ah tuni'n Ginsuanhau Zou, MLA & Chairman, MANIREDA in Hiangtam Govt Aided Jr High School Building leh 36-Hiangtam Polling Station hongkhia a, Rev Dr Hangpi Manlun in Pasian khut ah lan hi. Hunzatna ah Thangboi Gangte, Addl DC/CCpur; Jameson Hangshing, 

MCS, BDO/SDO Singngat; N.Chingkhei Singh, ZEO/CCpur leh H.Kapneithang, DI, Singngat Block banah mi poimawh tuamtuam in zong uap uhi. Hunzat sungin Thangboi Gangte, Addl DC/CCpur in Hiangtam Govt Aided Jr High School ading in sports vanzat tuamtuam hawmkhia ah. School building ahih leh Hiangtam hausa Upa Thangchinmang Zomi, EE, PWD in MSDP 2015-2016 tungtawn a abawl hi a, Class-1 apan Class-8 tan aom banah tukum in student 15 om uh a, hua school a semtu headmaster leh primary teacher 1 asepna uapan a pension khit un tu in primary teacher 2 om uhi.

Honkhiak a om 36-Hiangtam Polling Station ah khua 4 -Tuinuam, Hiangtam, Hiangtam (K) leh Songjang om a, hih khuate'n maban a election om hun a polling station a zang in vote kheta ding uhi. Hiangtam Polling station ah tulaitak in voter 500 val 

om uh hi'n kigen hi.

KHALVONTAWI

VOICE OF THANGKHAL

Share: