Lamka 25th January 2021: Zomi te a diing a ZAILA KUMPIPA ahi, Pu Paukhansiam @V.Siampu pahtawina, Zomi Music Ministries in abawl MEMENTO leh Mi kiphal, iitna anei mite in honthawhkhawm uh, vehna Sum Rs. 11100 /- (Eleven Thousand, One Hundred) piakkhiak na , a omna RIMS HOSPITAL, IMPHAL ah va kineithei hi.
Hiaihun ah aman, alam-et phak hetlouh a mite in hunpaisa leh tunitan a awlmawhnatawh veh a, nek diing, sum-leh-pai, apiakte uh thupi salua leh kipaklua ahihdan agen ban ah, Pathian in amah awlmawhte tasam a koihlou a, ompih den diing in ngen hi.
Hiaihun ah B. Muan Ngaihte, Gousiam Guite, leh Lialian te'n piakkhiak na vanei uhhi.
Pathian in I Zaila Kumpipa sawtpitak damna honpiaksak henla, amah Laaphuahte leh phuahlai diing te tungtawn a kawlgam-Vaigam Zomite kigawmna omsa buhphuh a kigawm semsem na, ki iitna ahong omdiing deih in Toupa kiang ah Damsawtna ingetsak ahi.....
B. Muan Ngaihte
.jpg)
.JPG)
No comments:
Post a Comment
Comments not related to the topic will be removed immediately.