TBCWD 2020 Sermon Note.

Thupi: Nu Manpha (Rom. 16:1-2)

By: Pastor Thangdoulal Suantak

Ancient Mail Delivery

Roman Lenggam ah mi zousiah zaktheih diing in "Postal Service" a na omkei hi. Tuaziak in lai mi khat na khaak ut leh, a pua diing mi na zon poimawh hi. Paul in hihbang dinmun ah a seppihte a zang taangpi hi: a lai khaakte piaksak a, ama min a sem-le-bawl a, tua lai khaak ngahte a diing a, a lai khaak hilhchiantu masa pen a pang in a om uh hi.

Rome khua a Paul lai khaak pua a pang ahihleh, Phoibi  ahi a, amahnu pen Paul Lai Khaak tawh sawl in om hi. Tuachiin Korinth a kipan in Rome khopi ah Phoibi a hung zin a, Roman Christiante kiang ah Paul leh a tangthupha min in a va-ding hi. Hihbang lai khaak muh a, zaak masakna pen a ngaihdeuh a simkhiat ahihdante ngaihsun lechin, Roman community memberte'n simkhit ahih chiang in dokna ahau mahmah diing uh hi. A doknate uh dawng masa pen ahihleh Phoibi mah ahi diing a, tua laikhaak a Paul in a gen utte hilhchiantu in a pang masa pen diing in ka gingta hi. Aziak pen amahnu ahihleh "First hand knowledge of Paul's message" ahi a, Paul seppihtu a pang a, tangthupha phuanzaakna a a pangsa ahi. Phoibi ahihleh Romete kiang a Paul lai khaak letkhia masa pen nu zong ahi.

Ancient Travel And Hospitality

Tulai tawh the in taanglai in khualzinna a haksa a, tualeh suamhaatte, migiloute, gamsa giloute leh tui tung khalzinna ahihman in tuipi kinawng in long a suksiat diingte leh a dang tampoite ziak in, a laau-huai mahmah diing in ka gingta hi. Lamgei a tawl-ngakna diing a omlou in, a thoukang a thouvai tam diing tawh khosik a damlouh diing pen baihlam mahmah in a laau-huai mahmah maithei diing hi. Hihbang silte ziak in taanglai tawndan ah zin douna a poimawh mahmah hi. Tuaziak in khualzin mite a diing in a theih-ngai mite mah uh inn a zintun diing, ahihke'h zindou siam mite inn zintun diing a deih-huai pen hi. Phoibi zong a tun chiang a mun nuamtak a a tawldam a, a poimawh zousiah ngaihtuahsak diing in Paul in Rome a om Khristiante deih hi. Hibang in Paul in Rome 16na hihbang in pan hi.

"Kenkria khua a saptuam nasem i sanggamnu uh Phoibi, na kiang uah k'ung meltheihsak hi. Toupa min in misiangthoute bangin ana pom unla, panpih a ngaihna teng ah ana panpih un, amah mi tampi a dingin a phatuam a, kei a ding in zong a phatuam hi." (Romans 16:1-2 TNT)

Tuachiin Phoibi Rome khopi ah a vahawh a, Paul leh a taangthupha a vapuak hi. Hihbang ahihziak in Phoibi pen Nu Manpha ahi chih i muthei ua, tualeh amah tawh kisai a i muhbehtheih uh hih a nuai a bang ahi.

Sanggamnu (A Sister )

Matt. 12:46-50 a Jusu gen bang in Paul in zong a nna seppihte sanggam (pianpih sanggam) bang in a ngaihsun a, tuachiin sanggamnu/ sanggampa chih kammal zangh hi. Hibang a Paul in a kammal zakh in, ni danglai a Khristiante haatsak in hihna kichiantak pia hi. Ama'uhte pen innkuan khat bang a ki-ngaihsun diing chihna ahi. Eite lungsim ah bang a om a?

1. Chairperson Vs V/Chairperson???

2. TBCWD-EC Vs Local TBCWD Committee???

3. Nou khua Vs Kou khua???

4. Amah Vs Kei???

5. Oneness Mentality omlou ahita diam, ngaihdamna omlou???

6. Puakgik kidawn saang a, kigot behbeh???

7. Ama'uh haksatna ei haksatna hi chih lungsim pua omlou???

Saptuam Keemnu (A Deacon)

Paul in Phoibi genna a a kammal zak dang khat ahihleh Greek ah diakonos a kichi a, English in Deacon a chi hi. Mi khenkhat in Greek ham a Diakonos pen English ah Servant chiin zong a na letkhia uh hi.

LST A Deacon Muhtheihnate

1. Rom. 16:1. Phoebe (Gr: "διάκονον"; Tk: "nasem"; Eg: "deacon".

2. 1Tim. 4:6. Gr: διάκονος; Tk: Nasemtu; Eg: Servant.

3. 1Tim. 3:7. Gr: διάκονος; Tk: Upate; Eg: Deacon.

4. 1Tim. 3:10&13. Gk: διακονείτωσαν; Tk: upa nna sem uh hen; Eg: serve as deacon.

5. 1Tim. 3:12. Gk: διάκονοι; Tk: Upate; Eg: deacon.

6. Php 1:1. Gk: διακόνοις; Tk: deacon; Eg: deacon.

Hih tawh kisai a Paul in a gen ut pen ahihleh, Diakonos/ Deaconte pen Tanupi nna a semte ahi ua, Thu saite thugen bangbang bawl a, nna semte ahi deuh uh hi.

Etsakna: Hotel waiter mawhpuakna tawh kibang, nek bawlna a vaisai; belsawp, kuangsawp, meh huan, an huan. An duhte an pia, leh tui duhte tui pe diing a mansa a om diing ahi.

Tuaziak in, Saptuam kepna ah Nute a lian pente hikei lehang zong mawhpuakna liantak i nei uh hi. (see 1 Cor 3:5; 2 Cor 3:6, 6:4, 11:23; and Phil 1:1 for other examples).

Phoibi pen Kenkhreae Saptuam lamkai, Saptuamte leh Paul tawh taangthu a diing a nna semkhawm ahi. Nang na Saptuamte leh Thusaipa (Pastor) tawh Taangthupha nna na semkhawm diam?

Innpi-Nu or 'A Patron'

Phoibi tawh kisai a Paul in a kammal zak khat ahihleh Greek: 'prostatis' chih ahi a, English a a kilehkhiatna ah patron (Innteekpan a pangpa/nu), benefactor (Sil hoih a diing a Huhna/ panpihna dangka pia), guardian (Keembit/ching/Bittak a omsak), protector (Humbitnu/pa), sponsor (Vaaknu/pa or Chawm/ Taaksap zousiah pia), supporter (Gumnu/pa or amah lam a pang), or defender (vengbitnu/pa) chihte ahi. Hibangteng ahihziak in Phoibi in Christian movement a support a, Paul nna sepna ah a tha-le-zung, a sum-le-paai tawh pang hi chih kimuthei hi. Taanglai a pan tuni dong ah, numeite pen pasal tung ah ki-nga taangpi a, hilezong numei khenkhatte pen lamdang mahmah ua, Pasian leh a gam a diing ngaihsutna in a hinkhua uh a makaih a, ama'uhte muh diing tampi om a, tuate lak ah Lydia, Chloe, Nympha leh Prisca ahi. Eite bangchibang i hita ua le?  

Prostatis chih kammal pen numei lam genna deuh ahi a, Paul in a laikhakna dangte ah zong a na zanglou hi. 

Hih a tung a i muh uh kammalte ahihleh, Saptuam masate a diing a Phoibi panlakna kilatna leh Pasian leh a gam a diing a khualna kilatna ahi. Phoibi panlakna Paul in lawhchinpih hi chih theizing kawm leh Paul lawhchinna pen Pasian lawhchinna ahi chih theisiam a, ei nute panlakna tung tawn a pawlpi masawnna leh lawhchinna zong Pasian lawhchinna ahi chih theisiam ni.

Numei Chiamtehtham (A Remarkable Woman)

Phoibi pen numei chiamtehtham chingtak, mi lung chingh, ama mite lamkaihdan siam ahi. Rome khopi a Paul laikhaak a tuna diing a panla a vapuaknu ahi. Saptuam masate'n Pasian nna a sepna uah Phoibi mawhpuakna pen mawhpuakna haksa penpen hikha diing hi, chih Paul kammal a kipan in i muthei uh hi.

Phoibi tawh sim a, hih Bible taangte a i muh uh numeite ahihleh, Paul sepkhawmpih pasalte tawh kikhia or kilamdangtuam lou in a kibang chiat ua, a unpi ua Taangthupha nna sepkhawmte ahi uh hi (They are all co-workers in the gospel).

Share: