IAS Officer to Missionary: Rev Rothanglien Hmar

Rev. Rothanglien Hmar hih Pu Hluona leh Pi Sumkung chapa ahi. Vangai Tang a Phaibok khuo (Manipur) ah 1937 kum in ana pieng hi. 

1965  kum in Halflong Govt. High School ah Matric ana pass hi. 1961-64 sungin Gauhati University nuoi ah M.Sc. leh LLB ana zou hi. 

1962 kum in ana piengthak hi. 1966 kum in IRS ana mu a, 1967 kum mah in Income Tax officers Training, Nagpur ah ana bawl hi. 

A kumkit 1968 kum in IAS a hun zik dawk a, zie hunlai a ei thingtangmi te lak a IAS ana mumasa lawi a hi. IAS Training a zawh in Andhra Pradesh State ah Anantapur ah kum nih vel ana sem hi. 

Zie taka chun khatvei a DC pan an neding in a chiel a, an nek ding kuon in DC pa kawm ah " Kei Christian ka hi a an nek masang in pauchamna ka neithei dem? Tin a dawng a. DC chun kipak takin a phalsak hi. Zie apat chun annek khawmna a um cheng leh DC chun paucham din a guot sek hi.

Karbi nungak lak a MBBS masapen Dr Alice Enghipi tawh 1965 in ana kicheng ui. Mi ngaihsan um IAS musa lawi himahleh Pathien nasem din a hung kipie ta a , azin le a sepna Nagaland medical Service a Doctor sem lai a hun haihsan hi. 

Missionary a sepna masapen chu Burrows Memorial Christian Hospital, Alipur ah 1971-73 a hun sem ua, himahleh gamthim taktak a sep ding chuh amah kipiekna ahih ziekin Karbi Anglong lam ah DIPHU mun ah kichawn lut in missionary na taktak chuh a hun pau tau hi. 

Kum 22 sung Diphu ah Pastor mawh puokna puo kawmin a kimvel a Karbi lak a chanchinpha hun gen in gingtu a hung kibehlap zel ua, tuhin sapchuom 40 val a um tau hi. Thingtang nam niem te lak ah haksatna leh gentheihna tincheng tamtak thuok muolsuoh in, nuom tak leh hausa tak a um thei ding lai, Lal tak a hinkhuo mang thei ding lai a nupan ua mahni gimtheih khawksa lo a Lalna a sepnau hih ngaihsan umlo thei lo a hiu hi. Zie khawvel mitmuh a chun mi ngawl tak le hin au, ahin Pathien ngaih in vang mi pil a ngaih hin a. 

A thusim sau tak (mission field) a asepnau  gen ding um in a hilele zie chan hin ana sutawp phawt hitiu. A lawite hawn a muh phat u leh "What happened Rothanglien? tin mak sa mahmah in a na dawng sek ui". Aigupta a Pharoah din mun tu thei ding lai Mosi ngei le- Midian gam thip mun ah kum 40 sung a Pu Jethro belam ching a um mai khah min va muleu " Moses, what happened? Ti ngei in au maw!

Pu Rothanglien in ana dawnna ah chun hiti hi nana gen hi:-

"People ask me frequently, Why did you resign from IAS? They ask me the same question till today. There are other reasons why I have resigned from the Indian Administrative Service, but the main and overbearing reason was to avoid an IRREVERSIBLE REGRET on my deathbed. I could not think of dying without serving the Lord full time, however unprofitable it might be. I will not have that regret now. I praise the Lord for it."

via Zomi Times FB

30-12-2020

Share: