LAMKA, NOV 11, 2020: India Govt nuoi a NEET saina nuoi a MBBS ziltheina ding entrance exam a na lawching ZSP member mi 2 te ZSP GHQ in tuni'n kipahpina sangpen abawl ban ah atenna inn tuoh uah kipahpina leh hanthawn thugenna vanei uhi.
NEET saina a MBBS ziltheina entrance exam a hing lawching Mr T. Lunhaulian Zou s/o Upa T. Kaizalam of Zomi Colony 26th rank leh Ms. Uniky Kimneithem d/o Pu Lamkholal of Thingkangphai 31st rank ahing lawchinna tung uah ZSP GHQ President Pu P. Nengkhosoi lamkai in alawching tegel inn ah niengtui dawnkhawmna leh hanthawn thugenna vanei uhi.
Upa Rejoice Mangkhanlien, Secretary (Education) ZSP Ghq. in ama ua ding in thumsahna nei uhi.
Tam hun ah Upa Chinkhenpau, Gen. Secy. ZSP Ghq leh Pu S. Lianzagou Zou ten hanthawn thugenna nei ua, maban a nasa zawsem a hingpang a, hamsatte phulailet lou a, Specialist Doctor thamlou a Super Specialist Doctor tan hiding a pan hingla ding in hanthawn uhi.
Nikhat ni chia amin mai ua Dr. chi hingtuong a, ZSP member dangte hanthawntu leh lampi kawhmutu a ahing pan ngei uh alam et thu President pu in zong gen hi.
Via Social Media.
.jpg)
.JPG)
No comments:
Post a Comment
Comments not related to the topic will be removed immediately.