Pu Ginsuanhau in Chivu Park leh Pu Thangkhanlal Ex MLA hansuang veh na nei

LAMKA,  NOV 09, 2020 --- Tuni, 09 Nov 2020 Monday, ni in Singngat MLA Pu Ginsuanhau Zou in Chivu Park leh Pu (L) Thangkhanlal Ex MLA hansuang vehna nei hi.

Tualeh tuni nia Chivu Park ve na maban panlah dia MLA-pu in a mipite kunga achiamte en suh vai.

Manipur CM in pan la ding leh a mun mama a va en ding a sawl a om ahi bang a amun va en khie a hi dan gen in CM pu in tu december  ha sung ngei2 a inaugration bawl man ding in pan hing la in chi ahi dan gen a khum jieh in tammi toh ki sai i bial mipi ten bang lam pang a a phat tuam pi thei deai chi pen en kawmkawm in na sep na te ah mipi ten ki thuapi ding in chial na bawl hi.

Tua leh aman a gen jel na ah imphal ka tun hunhun in CM toh kang ki hou ding a na sep pat ahi pai ta ding chi jong gen kom in lampi jong L kanaan tan bawl ahi pai ding hi chin jong gen hi.

MLA-pu in a jatat huai Pu Thangkhanlal Ex MLA han suang ve na jong hing nei suah ngal in i gam i nam a dia lamkai muan huai te lung a mang hil ngai lou ding ahi dan gen komkom in hansuang khu na ding leh hansuang sim te khawl na ding a waiting shed khat jong a na bawl ngai ahi dan gen komkom in amun chet a lam ahi lou puah nat huai a sah dan jong gen hi waiting shed pen lampi gei ah ana ki lam ahi hi.

Tua leh MLA-pu in Singngat hausapu pu khupkhanhau jong hing ve malam in houlim na saulou jong hing nei suah ngal uhi.

Tua leh tuni  MLA-pu in Chivu Park ava ve  na ding a ZYO HQ-te jong ama va jui ding a ang chial ma bang in ZYO HQ Lamkai Benjamin Zou, General Secretary, ZYO HQ  lamkaina in a Cabinet-te leh Singngat Block ZYO lamkai Archie Muan, Secretary, ZYO Singngat Block ten jong va jui uhi.

Tua leh tuni MLA-pu va jinna ah Tuivai Block UZO te'n jong niangtui toh ana vai dawn un tutung by election a uncontest a ang lawchin kipahpina in i Zou puanlaisan khat ana sil sah un kipahpina Pu Kamkhan, President, Tuivai Block UZO inn ah hun sau lou ana man pi uhi.

Tua leh tunia MLA-pu jinna ah Manipur Arts & Culture Departmenr ten jong va jui un na sep pat ahi didan mipi te mai ah gen suah ngal uhi.

Pasian in MLA-pu na hoi tampi sem jou jel ding in hing mapui in ompi jing leh ichi uh ahi.

~ Zolengthe

Share: