Missional Message: Ginna Panglou Nnasep Asi Ahi. ~ Pastor Thangdoulal Suantak

Bible: Tuachimah bangin ginna ngeizong nasep panglou in asi ahi (Jakob 2:17).

Ginna kichi bang ahi? Chinjam Tombing's English Paite Dictionary in a gendan in Ginna pen 'Taksanna, Muan-ngamna chih leh Pasian gintakna ahi. Bible in, 'Tualeh ginnna pen sil kinepnate theihchianna, sil muhlouhte aom a theihna ahi,' (Heb. 11:1) a chi hi. Pastor Eager Lee Paschal in a genna khat ah, ginna pen step khat a pan li tan a omsak a, a lina pen ahihleh "Serving Faith" a chi a, ei haam in 'Ginna Nna Sep,' i chi diing ua, tuni a i kikup diing uh thute zungpi zong hih 'Ginna Nna Sep' ahi diing hi.  

1. Bible A Kimu Ginna Nna Septe.

I. Ahunloupi a kuang bawlna: Noah (Heb. 11:7)

Na ginna ziak in bang hiam khat, a hunloupi hilezong na bawl-ngam 

diam? 

II. A chiinglaipi ta nei: Sarah/ Elizabeth/ Hannah

Na ginna in a hung lawhchinsak diing ahi a, lungkiatna/ Tha-neemna a 

hung piak diing hilou hi. A tung a i muh uh numeite pen, a ginna un 

makaih hi. Na ginna in nang a hung makaih hiam? 

III. A tapa neihsun thahsawm: Abraham (Gen 22)

Abraham a diing a a manpha pen/ mantam pen a tapa ahi. Hilezong a tapa 

saang a manpha/ mantamzaw Pasian ahihna a theihsiamna diing in, 

Pasian in Abraham kiang ah a tapa ngen hi (Matt. 10:37).

2. The Empty Faith/ Easy Belivism:

Tualai in i Tualsung Biak-innte uah 'Easy Believism' i haau mahmahta uh hi. "Kei hundam ka hita," ka chih a, Baptisma ka tan pouhleh, Saptuam a full communicant member ka hihleh a hun mahmahta hi. Taangtawn hinna nei ka hita hi. Bangmah ka bawl a ngaikei, kipuahthakna diing zong omkei, ka neek leh ka dawnte ziak a vaangam ka taanna diing bangmah omkei, LST in zong "Jesu na gintat a, sihna a kipan in a thouta chih na kam a na phuan leh," a chih hi (Rom. 10:9-10), chi a khamuang bangzah i om ua?

I. Saptuam full communicant member chinna tawh vaangam kai sawm bangzah 

    i om ua? Heihei …. Matt. 7:21, Toupa hung chi zousiah vaangam……  

II. Saptuam full communicant member i hihna uh i nna sepna uh tawh phoukhia  lehang kilawm zaw diing hi. Mikaangte paunak in, 'Gentam saang in septam hoihzaw,' a na chi hi.

a. Taangthupha pen kilamdanna taangthupha ahi (2Kor. 5:17)

Taangthupha ziak a na kilamdanna bang a om a? I pu-le-pate uh  hunlai a pan a i na khanpih uh 'Zu, Za, Tuibuuk,' chihte na-ngawn zong Jesu min a nusia zouloute i hihlai mawk uhleh, i Missionary nna sepna uh bangsuakta diing la? Jesu min a Thesalonika khua a  Saptuamte kilamdanna pen tuni eite'n zong etton in nei ni (1Thess. 1:9).

III. Reality Check/ Ataktak Ki-etchianna.

Jesu lungsim i puakna diing ua, Jesu Khrist ginta a, amah lam a piangthakte i hi uh hi. Jesu Khrist lungsim leh deihnate na lungsung a a omtheih kei leh i pianthakna banglam e? chih enthak ngai maithei diing ahi. Cultural Anthropology  kichi laibu ka simkhaakna ah: "Mihing zousiah gamtatdan leh omdante pen a muhdan (world view) bangzel ahi a, tua a muhdan uh a gintat dan bang zel un gamta ua, ama'uh theihna leh ginna ah a omdante uh a dik hi." a chi hi. Tuabang in mihingte pen i ginna uh tawh kituak a gamta lou kuamah ki-omlou hi. Tuni a na gamtatna pen Jesu Khrist a phuhdet ginna tawh kituak ahi taktak na hiam? 

3. Ginna leh Nna Sepna Tup-le-ngim

Tuani a i ginna uh tupna leh ngimna, a paisawmna lampi khoilam zuan e? I ginna un a tup leh a ngim bang e? chiin khat khat in kidong lehang a dawngthei kitamlou maithei ahi. Ahihleh i nna senate uh kholiam zuan a pai e? chih dokna a dawngthei diing tamlou maithei i hi. Ataktak a chih in i Ginna uh leh i Nna senate uh tupna leh ngimna ahihleh Biakna ahi. Tualeh hih biakna pen secular world ah, khupdin/ khuttun/ khupbok chihte leh a dang tampi a om a, hihte pen physical expression ahi a, ataktak Biakna hilou hi. Ataktak biakna pen a kimutheilou lungtang sung a om ahi. Hih lungtang sung a om Pasian biakna a pulam a a kilatna pen i gamtatna tuamtuamte uh ahi.

Pasian nasepna tuam-tuamte (missions)  kuantoh, leh ngim pipen zong Biakpiakna mah ahi. Biakpiakna kichi, i ginna uh leh i missions uh tup leh ngim zong ahi. Aziak pen, Pasian thupina sung a nopsatak a Pasian biakna a Nam zousiah puaklut diing pen Mission deihna ahi hi. Tualeh Missions laigil penpen ahihleh Pasian thupina leh vaangletna sung a mihonpite lungdamna ahi hi. Laisiangthou in, "Toupa'n vaaihawm hi. Leitung nuam henla, tuikulh gam zousiah kipak hen" (Sam. 97:1) a chi a, "Pasian aw, mite'n nang hung phat hen la, nam zousiah in nang hung phat hen. Namte kipak henla, nuam in laa sa uh hen aw" (Sam. 67:3-4) a chi hi. 

Ginna tup pipen Biakna ahih a, Missions tupna zong Biakna ahihleh Mi zousiah in Pasian a biak chiat theihna diing ua mawhpuakna kipiate eite hilou maw? Matt. 28:19 following… Na ginna pen Ginna hing a kichithei taktak diam?

Share: