ZYO Ghq in Ambulance thaah sitsey lei

LAMKA, OCT 5, 2020 --- Hunsawtpi apat ZYO Ghq in Ambulance Project ana nei uh pen, tuni 5th October 2020, Monday ni in supiching theita uhi.

Tammi Ambulance lading a va kalsuon ZYO Ghq team te, ZYO Imphal Block te in nanuathuop in  Refreshment hoitah toh na vaidot uhi.

Tuachiin, tammi ZYO Ghq Ambulance UZO Ghq President Pu Chinlunthang inn, Zouveng, Lamka tut ahi hun in, ZSP Ghq team in singpi tuilum toh vaidotna nei in, tualeh, Pu Ginthang, Home Secretary, UZO Ghq in Pasien kung ah kipahthu tutna nei kom in, mabaan sawtlou a tammi ZYO ambulance hondohna/latna neipei hiding chi in phuong kia hi.

Tammi ZYO Ghq te AMBULANCE pen Tata  Winger latest model BS6 2020 model hi a, Manipur ading a CSOs te lah a ZYO Ghq te khu anei masapen hiding uhi. Tammi Winger BS 6 model Ambulance pen Manipur ading a unit 7 hingpei ahi a, unit 6 pen Manipur Health Department te in lakhie ua, ZYO Ghq in khat umsun pen tangpha uhi.

~ Zodawn Today

Share: