LAMKA, OCT 06, 2020 -- Paite Christian movie thak 'LAMETNA HING' kichi Oct. 6, 2020 nitak dak 7:00 in The Vine Restaurant, Hebron Veng, New Lamka ah Mannuamching IAS, DC/ Pherzawl in Chief Guest a pang in hong ding a, Rev. V Thangkhanmuan Youth Co-ordinator, EBC in Pathian min in lan ding hi.
Htp. C Lian Langel in programme makaih ding a, Pastor Minthang Mangte in thumna in hun pan ding a, Mary Naulak, Script writer in keynote address nei ding hi. Programme sung in Nunmawi Dousel, Muan Hangzo leh Mangnunmawi in la sa ding uh a, Chief Guest leh Youth Co-ordinator EBC apan thugenna saulou om ding hi. V. Vumkhansuan, Director in kipahthu a genzawh in S. Paukhanmung, Asst Director, Paite Kristian Movie in thumna in hun khak ding a, hunzat sung in trailer enkhawm ding uhi.
Lametna Hing movie ahihleh, atak a thiltung pansa a hong kibawl khia, tulai khangthakte lak a kithang mahmah, Depression, Abortion, Suicide, Drug Abuse etc. hoihlouh dan, huai bang haksatna kolbun a ana taang mite sukha ding a kibawl movie ahi.
Hiai movie apan in mihingte'n chimoh, mangbang tawpkhok leh lametna himhim nei nonlou a lungkhamtak a omte adia JESU KHRIST LAMETNA HING omlai ahihdan chiangtak in taklang hi.
via Social Media
.jpg)
.JPG)
No comments:
Post a Comment
Comments not related to the topic will be removed immediately.