Thangkhal Nam a ding a khovak puaktu suante pahtawina in silpiak pia

Lamka August 31, 2020: Nengmuanlal@MG Thangkhal Admin Khalvontawi Social Media Voice of Thangkhal leh alawmpa Amos Thangkhal in tuni zingsanglam dak 7: in New Lamka Dorcas veng aom, Thangkhal namte lak ah Gospel Tangthupha pawluttu Missionary Pastor (late) Thawngluan EBC tate kiangah Gospel Video Album piakna nei uhi. Hih hun MG Thangkhal in lamkaih in, Lianpu Thawngluan ta-te introduction bawl in, thugenna nei hi.  Hih hun ah MG Thangkhal in Thangkhal Namte lak ah Pasian thu pawlut tu Missionary Pastor (L) Thawngluan khangthu zuihna pailel ahi chi a, Tuitha dung leh guun lui kikal a Thangkhal Kual a Missionary Pastor Thawngluan EBCC in Gospel Tangthupha, March 7 1939 in Thangkhal te lak ah Mulam khua ah lut in, T. Khajang Thangkhal khua pansan in Thangkhal Nam te lak a Tangthupha gen a, Thawngluan nasepna te Pasian in lamkaih a Thangkhal miten khalam mit vakna tun in, Christian sahkhua suak ua, nidang hundang a Khuang, Zaam ban ah Bawng leh sial zang a daaktal tawh thuah a Saan nem la sa in ningzu ai-sa tawh kithoihna aknel ok a kithoihna te Thangkhal nam in nusia in, Khalam khanlawhna tun ahihdan gen hi.  Maban ah zong Rev. Dr. Pumzathang Tawmbing in Missionary Pastor Thawngluan tanchin gelh sawm in, tu leh tu in Thangkhal Kual ah Missionary Pastor Thawngluan tanchin kan zui lel a, Thangkhal Saptuam Thangkhal Baptist Church Pawlpi sung a Khaw  tuamtuam apat khanglai ten abawl uh Itna Sisan Phatna Laate Gospel Video Album Disc khat chiat Pastor Thawngluan suan adam lai teng Numei 3 leh Pasal 3 kiang ah present hi.  Hih Gospel video album ah ahih leh Laa masapen Vevo Tazen Lai A Na Sang E kichi Thawngluan Aw chih laa (L) Rev. (retd) Khaikhanthang in a Missionary Pastor Thawngluan aphuakna  laa hi a, Thangkhal namte lak ah March 7, 1939 in Gospel lut a, tuni August 31 ni a Kum 81 leh kha 5 leh ni 24 chingta ahihdan MG Thangkhal in gen hi.  Hih hun ah Lianpu Thawngluan tate lak ah Pasal upa pen in kipah thu genna nei in Thangkhal nam ading leh Saptuam ading in Thupha piakna nei in, singpi dawn khawmna hun zang in, huo hun zou uhi. Thangkhal Nam te lak a Gospel pualut tu Missionary Pastor Thawngluan ahih leh Rev. Dr. Pumzathang Tawmbing adia apa neu hi'n kigen hi.

KHALVONTAWI

VOICE OF THANGKHAL

Share: