TBC Mission Department saina in Ann ngol thumkhawmna om ding

Lamka September 17, 2020: Thangkhal Baptist Church (TBC) Central Mission Department saina in tukum sung adia a 2vei Annngol thumkhawmna hong tung ding date 18 September 2020 (Friday) in Singngat Sub Division M. Tanglian Thangkhal Baptist Church Biakinn a nei ding uhi, Hih hun zakna zingsanglam dak 7:00AM in kipan ding a, Pastor Genzatung Director Woman & Child TBC in hun patthumna nei ding a, Upa Chinkhankap S. Belbing Chairman TBC-Mission Department in paikhawm mipi te vaidawnna nei ding hi,  Items tuamtuam thumpih ding a ki gelh te, Mipi'n thumkhawmna hun zang ding uhi, Hih hun zak a Thangkhal Bible OT Translator Rev. Thangdoulal leh Thangkhal Nam sung apat Missionary tengteng banah, Thangkhal Ham leh Pau zang tengteng kikhaikhawmna leh Thangkhal Ham zangte a dia Vaihawmna sangpen (Thangkhal Parlament) Thangkhal Tribe Organisation, Philanthropic Organisation a Thangkhal Youth Organisation Students body a, Thangkhal Sinlai Pawlpi banah Thangkhal Nam sung adia poimoh penpen Government apat Thangkhal Tribe Recognize muthei na din in Toupa Pasian kiang thumna nei ding uhi. Thangkhal Nam in ahih leh Kum 40 val, 1978 apat Government Recognise na deih in tuni chiangtan in lawhching thei nailou hi, Mun tuamtuam a om te'n zong thumna a na phok chiat ni. Lungkia lou in thumtou jel ni Pasian in lem asak chiangin Kumpi ei hong deihsak ding hongpia ding hi.

Toupa Pasian nei Nam ahampha hi, Ama gouluah dinga atel mite (Sam 33:12)

Admin ~ KHALVONTAWI SOCIAL MEDIA

KHALVONTAWI

VOICE OF THANGKHAL

Share: