TBC in anngawl thumna nei

Lamka 28 September 2020: Thangkhal Baptist Church (TBC) Central Mission Department saina in tukum sung adia a 2-vei-na dingin Singngat Sub Division M. Tanglian Thangkhal Baptist Church Biakinn ah Annngol thumkhawmna nei uhi. Hih hun zingsanglam dak 7 in kipan a, Pastor Genzatung Director Woman & Child TBC in hun hongna nei in, Upa Chinkhankap S. Belbing Chairman TBC-Mission Department in paikhawm mipi te vaidawnna nei hi.  hun zat sung in Thangkhal Bible OT Translator Rev. Thangdoulal leh Thangkhal Nam sung apat Missionary Rev. Dalzakam Friends Missionary Prayer Band FMPB, Rev. Thanghaulian Director Northern interior Mission, Rev. Dr. Langkhanthang New Beginning Gospel Ministry of International, Rev. Thangsuanlam New Beginning Gospel Ministry of International, Rev. Dr. Khaizamuan Child Evangelist Fellowship Mizoram , Evan, Eric Hanglamthang NIM nuai a sem, TBC Sponsor, leh Rev. K. Ginkhankap ABA Missionary ama uteng ban ah TBC Tuibuang Local in Sponsor abawl Missionary Niangkhawlkim leh TBC in sponsor abawl Letkholun Baite-te innkuang leh Kovel pumpi adia missionary nasem teng adingin paikhawm ten ann-ngawl thumna nei uhi, Thangkhal Ham leh Pau zang tengteng kikhaikhawmna leh Thangkhal Ham zangte a dia Vaihawmna sangpen Thangkhal Parlament, Thangkhal Tribe Organisation a lamkai, Philanthropic Organisation a Thangkhal Youth Organisation a lamkai, Students body a lamkai Thangkhal Sinlai Pawlpi banah Thangkhal Nam sung adia poimoh penpen te lak a khat Government apat Thangkhal Tribe Recognize muthei na ding in Toupa Pathian kiang ann-ngawl in thumna nei uhi.  Ann-ngawl thumna neih hun ah Thangkhal Baptist Church Pawlpi mun tuamtuam apat mipi pai khawm ua, hun tawp ah Rev. T. Chinminlian Executive Director TBC in thumna nei in huai hun zou uhi.

KHALVONTAWI

VOICE OF THANGKHAL

Share: