Lamka September 21, 2020: Siamsinpawlpi (SSPP) GHQ nuai a Games & Sports department leh a 74-na SSPP Foundation Day Celebration Sub Committee 2021 saina in hongtung ding October 10, 2020 in 'Siamsin Machiang Suan" chih thupi a nei in, SSPP Member-te a ding in Siamsin Marathon om ding hi. Hih vai ding tawh kisai in, SSPP Ghq Office, Siloam Veng, Bungmual ah October 5, 2020 tan in registration bawl theih ding hi. Tua Siamsin Marathon ahihleh Category nih Pasal leh numei in kikhen ding a, Pasal category ah khatna in Rs 2000 + Certificate+ Medal + T Shirt ngahding a, nihna in Rs 1500 + Certificate+ Medal + T Shirt ngah in, thumna in Rs 1000 + Certificate+ Medal + T Shirt ngahding hi. Numei Category ah khatna in Rs 1500 + Certificate+ Medal + T Shirt ngahding a, nihna in Rs 1000 + Certificate+ Medal + T Shirt ngah in, thumna in Rs 800 + Certificate+ Medal + T Shirt ngahding hi. Consolation Prize zong piak hiding uah, 4na apan 8na tan kiang ah Siamsin T-Shirt piak ding uhi. Marathon om hun ah Marathon taidingte zingsanglam dak 5:30 in Lamka Public Ground Hiangtam Lamka ah kingak khawm ding ua, Buallian khawgei a Niangchiin Filling Station ah Marathon flag off a om ding a, hua mun apan hong taisuk ding ua, Pasal Category te'n Lamka Public Ground ah zou ding uah, numeite'n ahihleh Dawn School, Thingkangphai ah zouding uhi.
KHALVONTAWI
VOICE OF THANGKHAL
.JPG)
No comments:
Post a Comment
Comments not related to the topic will be removed immediately.