ILLUMINATI BANG A HIEI?

~ Pastor M. Thangboi Zou

Text: "Aziehpen Khrist tahlou leh guolnei tahlou a hing pawt ding ua, tuaten chiemtenate leh sillamdang te mite solna in a ensah ding uhi, hithei leh telte na ngawn asol ding uhi" (Mak 13:22).

Thumaipui
Tami Article khu iphattuompi thei kha uleh chia laibu tuomtuom apat ka hing kaikhawm a, na simsuo masang in phun pei sinlen, simsuo phot in, na phattuompi ngei ding ka lam en hi.

"Illuminati" kichi khu tomkim a gen ding hilei, "Khristian Sakhuo toh kikal a kiloikhawmna ahi" chilei chi khiel loupen ding ahi hi. Tami hing mukhepa/ pankhepa ahileh Johann Adam Weishaupt ahia, apeisa _6th February, 1748 kum in Ingolstadt (Bavaria)_ mun ah ana pieng hi. Aman 1768 kum in "University of Ingolstadt" mun ah ana graduate ahi. Tualeh Kum 20 apha in "Doctorate of Law" ana mu hi. Tualeh 1772 kum in University of Ongolstadt mun ah "Professor of Law" ana sem hi.

Johann Adam Weishaupt in tami "Illuminati" toh kisai laibu hunkhawp ana giel khie a, tuate ahileh:

(i) Illuminati in Bavaria, 1785

(ii) A Picture of Illuminati, 1786

(iii) An Apology for the illuminati, 1786 leh

(iv) An Improved system of Illuminati, 1787 chite ahi hi.

Ama khu 18th December, 1830 kum in Gotha (Saxe- Coburg-Gotha) mun ah a leitung hinkhuo ana beita hi.

ILLUMINATE ZAT SYMBOL:
Illuminati in a zat Symbol 10 te ahileh

(i) Sil zousie Muthei Mit (All seeing Eye),

(ii) Ningthum nei lim (Pyramid),

(iii) Sumbupi (Owl),

(iv) Mei (Fire),

(v) Pentagram

(vi) 666 (Kil. 13: 18),

(vii) Lugu (Skull),

(viii) Gul (Snake),

(ix) Obelisk leh

(x) Monarech Butterfly chite azang uhi.

25 RULES OF ILLUMINATI:
Illuminati in peipi tangpi 25 anei uhi. Tuate lah a theidie kilawm point 5te anuoi ah enkhawm nalai vai. Tuate ahileh:-

i) Mihingte khu hoina sangin sietna ah a lunglut zaw uhi (men are inclined to evil over good).

ii) I ut dandan a hinthei ahilou leh i ut dandan a hinkhuo zatthei ahi (preach liberalism),

iii) Na tup khu na dei dandan a na suh buching thei ahi (reach goal by using any means, they are all justified/ the end justify the means),

iv) Zudawn, Khamna thei lou-le-ai, negu taguleh hoilouna zousie bawlthei ahi (Using alcohol, drugs, moral curruption and all forms of vice) leh

v) Mi nei-le-gou lapia thei zing ahi (Seize property by any means) chite khu apeipi tangpi te lah a theituo dia hoi mama te ahi hi.

Tam Illuminati khu i tenna gam sung uah ahing tun nailou vangin i hinkhuo zatdan utoh kituo tampi aum tahi. Ut dandan a hing leh gamtang, khamthei bawl, mi nei-le-gou dihlou tah a lapia ngam, mi dangte thuhilna zui nuomlou, ama theina suonga kipilsa, a pienpi mihingte tha zong kho salou kitamta hi. Ki itna la kiem deudeu ta ahi man in, tami "illuminati" umzie thei a zat nonlou ding deina toh ka khing kaikhawm ahi hi.

--:(30-09-2020):--

Share: