LAMKA, SEPT 10, 2020 --- Thingkeu-Henglep lampi (31.5 kms) thua hilchetna: Tulah Kukite lah akon in sopi uleh nao mi tamtah in Henglep lampi ahin khosa je un alung lut jouse chunga kipa thu kahin phonge.
Tunia Manipur sunga cheng Kuki chate hetdinga ka tahlat nom chu ahileh 2017 Election jou jouva Assembly akitou lai in keiman Hiche Henglep lampi condition Assembly a ZERO Hour sungin kana podoh in ahi.
Che achun Pu O. Ibobi in hiti hin ana seiye "Kumsom le kumnga, tichu term 3, Manipur CM kahi sunga hiche Henglep lampi kana siemlou vang hi phamo kasa lheh e. Kanao TT Haokip mai a jachat um kasai. Ahinla keima kamo poi, ajechu kum 15 sunga hin koima khatbeh in (tichu amoputna popa pum in) eina seipe khapoi.
Khuti loule ibola kasiem lou diham, hiche sanga khojo leh mantam tah tah bon kana bol e. Tunia kanao TT Haokip in Assembly floor a asei bang tah in khat beh in eina seipe leu kana siem louta leh katinome" anatin ahi.
2000 April akipat February 2017 (tichu kum 17) sung laichun tuni phat a keima MLA kaki resign sunga Henglep lampi kho sah sopi ule nao hija hin kum 2000 to 2017 kahchun tua akhosah bang bang un ana khosah uhen lang Moldak to Kolhen, via D.Munlui and Leimatak kom/river (only 12 kms.), Rs.14 crores a estimate leh sanction NEC apat a ana kibola 2015 to 2017 sunga ana kisiem pan chu agam mipi holeh aphat laia moput na neihon ana vesui leu manta ta thei hintin Henglep hom sunga cheng sopi uleh nao dinga jong phalheh ding ahi.
Ahinla vangset umtah chu koimachan ana khosah lou leh anavetsui lou je un hiche NEC fund a kisiem lampi chu amun tamtah ah 4 x 4 gari tailou lhaitheina ahitapoi, akho lheh jengin agam mipi ading in vangset aum lheh e.
April 2017 in keima MLA kakai jou jou in na kitong kavetleh kamit alhung pon a Contractor teni kana kouvin ahi, hinlah veini zen kakou injong einasah lhon poi. Eina kimupi leu kasei got chu alampi aken behset namun ho siemphau vin tia kana seiguot ahi e. Chuphat in kenjong Manipur a NEC-in -charge, Joychandra (E.E.) kana kou in hiche lampi kana vetpin ahi, amajong kana housen haphoh in kana phoh in ahi. Amapa akon in hiche lampi siemna dinga sanction kibol Rs.14 crores apat in Rs.12 crores draw akibol dohtai ti thujong kana hedo tan ahi. Chuphat in 2015 toh 2017 ka a nakitongdoh jat toh asum kidraw dojat aki khet behset jeh in keiman jong NEC Secy. Shillong a kana hil e. Ama in jong a spot a verification bolding Khasi Engineer khat ahin sole ti thu Chief Engineer (PWD) akon in kana za e. Sum ala moh u Rs.2 crores umnalai pachu NEC te in hiche Khasi Engineer pa report dung jui achu ana khape u ahi, keiman kakha sah ahipoi. NEC te seidan kaja dungjui a vang Contractor teni in ana draw sau "Rs.12 crores akon chun ana ahiding bang tah leh akilom kham in tong un, ahilou leh Rs.2 crores bill bolthei pou in nate" tia ana seipeh uh ahi.
Chuban kit leh Manipur sunga um Kuki chate koma kahilchet nom khat kit chu Thingkeu-Henglep road/lamlen (31.5 kms.) kiti leh "the stretch of road between Moldak and Kolhen, via D.Munlui and Leimatak river, on Thingkeu-Henglep road" confuse bol hi uvin. Tuleh tua atha beh a Henglep lamlen khosah mama a atodiu leh abol diu dang umlou banga social media mangcha a kisalel ho jouse chunga kakipa thu kahin phong e.
Ahinla nahet diu khat chu Henglep lamlen/road kakho sah jal leh Henglep Hqtr. akhan tou di kakhosa vanga election vei 7 zen kana tet a by-election 1 vei (1998) toh General Election 1 vei(2017) kana Kai ahin, kanatoh in vote eiholpe hijong leh hiche "Thingkeu-Henglep Road (31.5 kms.)" kitipa vang hi kadam naleh kasiem thou thou ding ahi. Tabeh a kaseipeh nahiuve keima Thangzalam kitipan kasiemlou leh koima dang asiem ding naum pouve, keima demna dingleh suminset nadi mai mai a kisuboi mai mai mi atam e.
*via social media
.jpg)
.JPG)
No comments:
Post a Comment
Comments not related to the topic will be removed immediately.