Lamka September 11, 2020: Paite Veng, Imphal ah Global Zomi Idol (GZI), 2020 T. Shirt hon khiatna neih in om hi. Hih hun zatna ah Mr Biaklal Ngaihte, PRO, SSPP, General Headquarters in lamkaih a, Mr T. Thangthuam, President, ZAA in thu genna nei hi, Aman agenna a Pasian panpihna tawh GZI hoihtak in paitou thei a, tunitan in round-4 zoh hi ta chi hi, Maban November chiang in India level ah final round neih sawm a hih dan zong taklang hi. Hih hun ah Boipu Vaiphei, Marketing manager tomkim tak in T. Shirt a hongpiankhiat dan pulakna nei hi. Aman a gen dan in mabanah T. Shirt mipi lak ah Rs. 500/- a zuak hi ding a, mipi te'n ZAA panpihna ding a leisak chiat ding in ngetna nei hi. Paukhanmung Guite, MPS in T. Shirt honkhiatna nei hi. Mr Guite, MPS in a genna ah ZAA in global level a asilsai uh thupi sa mah mah a, a pianna pa (T. Guite, IPS) in Zomi ana ngainat mah mah bang in a mah mah in zong Zomi it in ngai na mah mah a, a lungtang a Zomi sisan belh den ahi chin gen hi.
KHALVONTAWI
VOICE OF THANGKHAL
.jpg)
.JPG)
No comments:
Post a Comment
Comments not related to the topic will be removed immediately.