U Pa Guite innpi Blessings on Pu PS Haokip President KNO

Ccpur 22 August, 2020 Kiginni : Pu P.S. Haokip President KNO lamkaina a Unau Haokip in apaisa kum 2010 August, 2 ni-a Upa Sating piakna Pu Pauminthang Guite Bulpipa/Lamjangpa kunga abawl uh akum 10 chinna Anniversary leh Pu P. S. Haokip adinga thumna vaiguan Guite Innpi vaisaina tawh Pu P. S. Haokip Inn, B. Aizalon Ccpur ah kinei hi. 

Hih hun Pu Xavier Nengkhanlam Gen. Secretary Phiamphu Phungpi Organisation in conduct hih na la a, Rev. Jangkholam Doungel Chief of Kotsohoi Village in hunpat thumna nei in, Pu Gougin Guite Chairman Guite Innpi in vaidawn thugenna nei in, Zalen'gam Choir lamkaina tawh "Chungmang Pathen in hamjang nei phat un... " chila Pu P. S. Haokip in ana phuo pen vaidawnna la in siemtakin sa uhi. 

Tuo jou in Pu Thangkhosei Guite, Secretary Guite Innpi in Keynote Address genna nei hi aman khangthu ithei chiat uo hoi ahidan agen banah, himi Khangthu theibehna in akuo akuo unau khat ihina uh hong theisak sensem ding ahihdan te ngainuam huaitakin hong gen hi. Tuochin Pu Paukhothang Guite, Finance Secretary Guite Innpi in hanthawn thugenna nei a, tuomi tawh kizawh in Pu Gougin Guite Chairman Guite Innpi leh Rev. P. Thangliankham in Pu P. S. Haokip Traditional Head Gear khuna/gahna nei uhi. 

Hihteng zou in Rev. P. Dousuanthang in Pu P. S. Haokip ading in Laisiangthou pansa a thugenna leh Vang Thumsakna hun zang a, tuo jou in Zalen'gam Choir apansan lapawl kilawmtak sakna hong neikik uhi. 

Hih teng zou in President PPO Ghqtr sik-le-tangin Upa P. Khupsuanmung Chief Adviser PPO Ghqtr in thugenna ngainuom huaitak genna nei hi. 

Tuoleh Conductor Pu Xavier Nengkhanlam in akuon lamteng mel laana/introduction anei zou in Pu P.S.Haokip President Kuki National Organisation in Guite Innpi tungah akipahna thu gen hi Tuoleh Unau khat ihidan kum 10 paisa a ama ma ngaikhawh na tawh Guite Innpi a Sating piakna vaiguon kibawl te banah khanggui thei dinga poimaw ngainuam huaitak genna nei hi. Unau Kachin te I Naupa te uh adidan nouneel takin hong gen a, amau te tawh unau sanggam laizom ihina uh kilatsakna a Chavang Kut vaiguan khata kisuktuo dante gen hi. Koima aki khenthei ihilou dan uleh Ipu Songthu akipan khanggui a kizom dinden ihi dante zong hong gen hi. U Pa Guite kipah taka alam dot leh a za dante la aphuak te zong hilchienna nei hi. 

Tuoleh Zalen'gam Choir a kipan san Pu  P. S. Haokip in ana phuk "Ka Chun Minngei  Vengdim.. " chila siamtak a asak uh ngaikhiatna kinei kik hi. 

Tuochin Pu Khaichinpau Guite in thugenna ngainou tak genna nei hi. 

Abanah Pu Songkip Hanghal Bulpipa Pu Lamkhosat in Guite pen Bulpipa ahidan te gen na neihi. 

Tuoleh Upa Paokho Lajangphai Hausapu in Chassad Hausapu Pu Thangzahao thakhel in Guinu-Guipa a ikizop matna uleh Guite Upa ahihdan tegenna nei hi. 

Aban ah Pu Haokip Bulpi, Pu Touthang Bulpi leh Pu Doungel Innpi apansa palai hong paiten thugenna ngainuam huaitak thalawp takin hong gen chiat uhi. 

Tuo zou in Pu Khupchinthang Guite, Asst. Secretary Guite Innpi in kipa thugenna aget banah mailam hun ah Innsung unau tengin ni 3 dai ding Unau Khawmpi kinei thei henlen hileh tu a sangin ki-ittna, kimel thei tuahna lian zawsem hong tun ding thanop huai ahihdan gen hi. 

Hih teng zou in Zalen'gam Choir mapuina tawh apaikhawm mipi tengin Konna Bullunmang lapi sakna nuamtak in track tumging kilawm tak tawh kisa khawm hi. 

Atawpna ah hunkhahna thumna leh annkuang latna Pu Thongjang Guite Chief of K. Nivangphai in anei zou in apai khawm tengin photo session kinei in annkuong limtak sok khawm in hun kizou hi. 

Tuni vaiguan bangkim TC Network in full coverage abawl ahi a, mailam hun ah YouTube te ah abul apat atawp tan etthei leh zak thei dingin hong upload ding uhi.

KHALVONTAWI

VOICE OF THANGKHAL

Share: