Let the train stop here!

-- Based on my true life experience --
        By: Rev. T. Suantak

JHARKHAND ka umlai July khatawp lam 1998 lai vel in ka tunu Mrs. Chichiin Simte (Now Mrs. Chiin Barla), w/o, Abhisek Barla, Bangalore a Bible jil lai a couse jong jou manlou in Dehradun a Presbyterian Theological Seminary (PTS) a kai dingin kasam Khia hi

Ama nu Bangalore apat hung pai tou ding, kei toh Calcutta Howrah Railway Station a ki sutuah dingin ka ki hou lem ta uhi.

Ka umna uh Bhagaiya apat Mirzachouki local railway station 8 kms a gamla lel ahi a. Tua Mirzachouki local railway station a pat Sahibganj Railway station a paiding in, Sahibganj apat Howrah (Calcutta) train kamat kik ngai ding chi ahi. Mirzachouki ah local train 4:30 pm lak a hung tungjel ahi a, tua train a Sahibganj tan tuang dingin Calcutta, Howrah kapai na ding train  Jamalpur - Howrah Express pen Sahibganj a mat ding chi ahi.

Mirzachouki pen Gwahati apat Delhi lam pai ten Brahmaputra Mail a na tuan uh leh Mirzachouki/Sahibganj tuan tou uhi.

A LAUHUAI MIZACHOUKI

Mirzachouki pen Bazar neukhat leh Railway Station mun khat ahi ban ah Bihar toh ki gamgi chet ahi hi. Tua hunlai in NAXALITE/ Singnuaimite training munpi leh ahatna munpi uh ana hi a migilou jong tan mama mai hi. Tua Mirzachouki station apat gamla lou ah 1994 lai vel in Catholic te Father khat jong  ana that ua rail lampi ah pai uhi. Nitak 5pm ahile kua kholai ah muh ding um nonlou uhi.

Tua ni in Local train man dingin  4pm in Mirzachouki railway station ka tungta hi. Ahin Train Master-pa'n announce ahung bawl a, "buaina a um jiakin Local train hung tun hun ding genthei hilou hi" ahung chi ta mai a, tua chi'n ka lung hung buai panta a,  local train ahung late leh Howrah kapai na ding train man theilou ding ka hi man in Mirzachouki apat Sahibganj jong 18 kms lel ahi a, Sahiganj pai ding bus, tracker leh private  gari te ka jon le kana ngak bol le jong zan 8 pm in khat bek kamu tuan kei hi.
Railway Station le platform ah kua mah la umlou, light la tanglou mial keikui in ka lungsim jong nakpi takin jingsak hi.

Tua lai lah Mobile phone ki nei lou ka buai se gopta hi. Mirzachouki a ka mok um jong Calcuuta ka pai na ding train la a hung khol lou ding, a station ahilou jiakin, kei lah Sahibganj ka tun thei na ding lampi khat bek um nonlou. Ka beidong ta mama mai hi.  Tua chi'n Station Master-pa kiang ah a landline phone kava ngen a Bhagaiya ka posting na mun ka sep khompi kei sang a upa zawpa kiang ah Sahibaganj tan bike in hung kha dinga ka chial le utlou in, na ut kei le hia Mirzachouki apat hung pui mai in kung ki le kik mai ding ka chi le "Station Master pa room ah zan um mai in, agam hoilou le migilou tam toh zan pot ding pen hithei nonlou" hung chi hi, nai noukhat hile jong amun Naxalite/ singnuaimi hatna le migilou tam seng a chia khomial nung kua mah pot ut ngailou uhi.

Station Master-pa kiang a ngetna
ka senior pan jong Station Master pa room a um khinkhian dingin hung gen a,  kei jong tua Station Master-pa room ah ka tou kawm in ka haksatna ka genta hi. Jamalpur Express ka kha sua khak le Howrah a ka tunu toh jing chianga kimu theilou ding ka hi ua, Culcutta a pat Dehradun tan train ticket jong kei kiang a um ahi na lai hi tuajiakin, hih station ah Express train te khawl lou hima leh "lungsiat takin hia train hung khol sak in" chi'n ka ngenta hi. Aman jong "tua dan um theilou ding hi, bang hiam chia buaina dang a umkei ngal leh hitheilou ahi" chi'n hung dawng hi. Ken jong ka dawng kik a  "awl awl bek a athai thei na ding lampi hung bawlsak inla ken ka delh dinga kaki luai mai ding hi" chia kan gen leh lungthak mel deuh mai in hung en phei hi.

Ngetna teng khat bek ki nep huai nonlou ahi man leh Station Master-pa hung etdan nop maw kasak jiak leh khasia kisa in station lak mial keikui le jong Station Master-pa room apat kapot khia ta hi. Station light umlou zan 9pm hita ka lungkham na lian deudeu a ka khuak sa deudeu ta mai hi. Train hung pai na ding 30 mins bekin samta, tua train la hih station a khawl lou ding. Tua chi'n Pasian kiangah ka thum pan ta hi. "Topa hi mun ah tua train (Jamalpur Express) khawl ngailou ahi chi na thei a, ken jong ka thei hi. Hinanleh, Nanga din bang mah ahi theilou umlou chi thumal pen tunin hung musak kik in, tua ahi kei le katunu jing chia bang suak ding? Ka ginna khatvei toh hung sukip kik in, tua chi'n na thil lamdang bawl keiman ka puangjak ding hi" chi in ka thumthum ta mai hi.

Tua station a train khawllou ding ahi jiakin  angak jong kei chilou kua mah umlou hi. Train khawl lou na ding mun a train mawk ngak pen a hai huai a bang hi. Khawl lou ding hima leh Station Master-pa'n train ahung phak na munte mike ah gen jeljel hi.

Kei ka pai theilou a jing chia katunu'n Howrah Station a, ahung zawn mawh dingdan leh amaban suh na ding aneilou dingdan te leh a ticket kei kianga um ahi ban a, alungkham dingdan ka ngaitua a ka khitui bang luang khiakhia mai hi.

Ka umna station a Train khawllou ding hima leh ka um na mun a hung tung na dingin 15 mins ki sam ta hi. Ahun ahung naih leh ka dipkuatna lian deudeu hi. Train hung paina dinglam nga/ en kawmin ka lungsim in ka thum den ta hi.

"THE TRAIN WILL STOP HERE" (TRAIN HUNG KHAWL DING HI)"

Tua jou 10 mins vel in ka thummna Pasian in hung dawnga "line a clear lou jiakin Jamalpur Express pen Mrizachouki ah khawl ding hi" chi station mike ah hung ki phuangkhia a, ka mang a bang hial a gingta thei lou  la hung ki phuang kik nonlou hi. Kipak la bang dah leh gingta khollou sim a Station Masterpa kava dot le nui sim hiuhiau in "yes, THE TRAIN WILL STOP HERE, board yourself soon," hung chi hi. Kei jong kipak seng in "Thank you, Sir" chi in platform ah kava ding ta hi.

Tua chin kipak sengseng in railway platform zan mial nuai a kei ngen ka hi toh Aw ngai takin Pasian kaki kou khia a Pasian ka phat ta hi.

Tua chi'n Train ahung khuangsuk vengvong a, ahung khawl petma ta hi. Kei jong ka tou na ding mun ka juan pai ngal a, ka touna mun ah ka kap khe ta hi. Ka gei a te'n  ahung en ua, bangchi e chi hung dong kei ma le uh, ken ka tuak le ka thumna Pasian in ahung dawng ahidan ka gen khia ta hi.

Train sung ah singpi hung juak uh a, ki pak seng ka hi chiangin ka tou khawmpi teng singpi ka khilai hi.

Aki pak huai kit khat ahi leh kha 3 jou in tua Mirzachouki station ah Jamalpur Express 2 mins khol gige ta a, Gwahati apat Delhi pai Brahmaputra Mail jong 2 mins khol sak ta uhi.

Simtu teng Pasian kha in hung pawl ta hen.

*Extracted from Facebook on 2020-08-12.

Share: