LAMKA, AUG 11, 2020 -- Social media khenkhat a covid-19 positive confirmed dan a thangsah a, ana um toh kisai in tuni, August 11, 2020 nitahlam dah 1:00 in Grace Zamnu, MDC Muallum in Women Police Station ah FIR khat pelut hi.
Thutut kimu dan in social media khenkhat ah khatveini in Grace
Zamnu, covid-19 positive confirmed ahi ban ah midang jong positive um dia gintat ban ah Imphal West District Administration in Lamphel a government quarter kimkot meter 500 sung Containment Zone a puang leh August 1,2020 nung a va hohkha teng jong ki report ding
leh test dia theisah a um chi'n thethang in um
hi.
Tamtoh kisai Grace Zamnu kung a dotna bawl ahi hun ah test jong bawl khalou ahidan gen in, tuami dia koima a pat jong confirmed chithei dia result jong ama tung
a suakhiat umlou ahidan gen hi.
Tam toh kisai in ama tung a demna leh minsiat sah sawmna a khatveina chou hinawnlou ahi chi a, tuami ahitoh kijui in Women Police Station ah OC Inspector Chinneilam kung ah siil umdan houlimpina vanei in,a geltho in FIR khat thelut hi.
Women Police OC Chinneilam in a genna ah, case pen tammun a
piahlut hinanleh Manipur Police nuai a Cyber Crime Branch khut ah
case piahlut hiding leh Cyber Crime Branch in a kituapi bang a IT Act
nuai a thubuai chiamteh a suizui ding uh hi'n gen hi.
Ngoh a um Grace Zamnu in khovel a natna hileng ziah a tamtah jauthawng a umlai a tambang ngohna pen ama mimal minsiatsah sawmna ahi chi a,tambang sil bawltute'n maban ah tawpsan dia ngetna bawl in, thuthang toh kisai a awlmawh teng tung ah kipahthu a gen ban ah koipou pangkhawm a
tambang sil gilou bolte matkhiat ahitheina ding ua pan lakhawm di'n ngetna bawl hi.
"Social media hina chia hina genngam lou le mi shuhminsiat na ding leh mi ki shutuah na jang te'n tawpsan ta un,Cyber crime apat hing ki sui khe le mukhiat a um veve ding na hi un.Jail bang jut thei nahi u".
~ Z⭕LENGTHE
Connecting The Zo People🦅
.JPG)
No comments:
Post a Comment
Comments not related to the topic will be removed immediately.