Gospel Music Video Album honkhiakna nei

Lamka 2020 August 12: Mr. Khamgoulian in a bawl Gospel Music Video Album "A lamdang ngei kei bang a hon it" kichi Khamgoulian Late Volume 1 honkhiakna zani August 09, 2020 sunnung dak 2 in Rayburn PCI Chapel ah neih in om hi. Hih hunzatna a N Khammuanthang in lamkaih in, Khamngaihniang in thumna in hunhong a, Album bawltu Khamgoulian in Album piankhiak dan tawh kisai Pulakna a neih khit in, tua "A lamdang ngei kei bang a hon it" kichi Gospel Music Video Album honkhiakna Rev Dr Khen P Tombing in nei hi. Hunzat sung in honkhiak a om album Pasian kiang ah latkhiakna Pastor G Paukhansiam in nei a, Khamgoulian apan presentation hun om banah Elder KP Vanlalsanga in thumna in khak a, hunzat ahihsung in Album a lasatu lasiam tuamtuam in lasa uh ah, "A lamdang ngei kei bang a hon it" kichi Album ah Pasian la 10 om in, huo ah lasatu in Joseph M Pakhuongte, Tracy Ngaihching, Mary Vaiphei, T Biaksang, C. Hingngaihlian, Roslyn Kimbuang Zou, Shalomi Donngaihlian, Mawia Guite leh Instrument for Christ in lasa uhi. Album ahihleh DVD leh pendrive in muhtheih tuaktuak ding a, DVD Disc khat Rs 150 in muhtheih ding a, Pendrive 16GB ahihleh Rs 500 in muhtheih ding hi. Album sung a la kiphuak teng Khamgoulian in a phuah vek hi a, recording leh Videography bangkim ahihleh 2019 apan shoot pat a om hi'n kigen a, Album sung a Motion tuamtuam omte ahihleh guite kual a Lungthul gam leh CCpur district sung a mun tuamtuam pansan a shooting bawl a om hi'n kigen hi.

DVD leh Pendrive a deih te'n Contact number +91 70851 81743 a thuzak thei ding hi.

KHALVONTAWI

VOICE OF THANGKHAL

Share: