Rev. Khaikhanthang pen ka nuphal le ka tu (anu hile apa hile ka innkuan) ahi jiak bek hilou in ka pianthak khit 1983 apat in ama toh kana ki ngai ma² ua, ka ki thua pan ngal uhi.
1984 in Grace Bible College, New Lamka ah kumkhat le alang kana kai khawm ua tua khit in ken muntuam lam ah kapotsan ta hi. Aman G.Th azawh in Kangpokpi lam ah B.Th va jil be hi.
Pawlpi vai le Pastor, khanglai bial fan na teng ah ka na kuan khawm gige uhi.
Ama mi hou nop nupi papi le khanglai pawl dan jong siam a, mi jousia in ki ngaina hi.
Nungak tangvalte khawm in Lapawl jil pih a Lamka khopi Biakinn mun tuam² ah lawpawl vasa uhi.
TANGLAI LEH TUHUN FILM (1988)
Khanglai lamkai ahi lai in Thangkhal kual a Missionary Pu Thawngluan ahung lut a Pasian thu ana deihlou jiak ua vok ann le Saili/gawphel a ana kap ua khosung apat ana delhkhiat dan te uh le Tulai hun a Khangthak te hinkhua Video Film ana bawl khia hi.
Thangkhal pawlpi dinga khanglai lamkai ahi lai in ki pawlnate nuam ma² a, manghilh theih ding hi nonlou hi.
Ama Thangkhal Pawlpi a dinga worker masapen ahi a, Evangelist a kum tam sim tak asep zawh in Pastor Khamchinhang khut apat in ordination ana nga hi.
A TAPA TE
Aman Pasian gualjawl na ta pasal 5 leh numei 1 nei hi.
A tate pasal upa pen in P.hD JNU Delhi ah (Russian Studies) ajoh khit in Pondicherry University ah Lectural na kum bangjah hiam asep nungin Pasian sapna za in asepna nusia in Tu in Evangelical Theological Seminary, Hosur ah MTh III yr asim laitak ahi.
A tapa 2na pen in jong Trinity Bible College & Seminary, Sielmat ah B.Th jou in inn ah um hi.
A tapa 3na pen Tu in Lamka ah gari Mechanic na sem in a zi ata toh Lamka ah um uhi.
A tapa 4na in jong P. hD in Korean Studies, JNU Delhi a jou a, Tu in Senior Advisor, Korean Language na sem lel hi.
Atapa 5na in jong B.A. Hons(German) jou in, Tu lel in German Languages Specialist, Amazon Company, Hyderabad ah sem lel hi.
NIM A DIA APAN LAKNA
Ka ki pakpi na ma² kit khat ahi le, Meghalaya a ministry kapat in eimi te lak a mission field hung tuan/visit masapen ahi
Ama jong missionary nasepna lunglut ma² mi khat ahi a, ama la kuanthei nonlou ahi chiangin moral support le thumna te banah ministry support in hung panga, tua thamlou in Pastor a pension nung in Lamka lam ah NIM Promotor in hun phabep khat hung sep sak hi.
Innlam ka pai khak tengin mission nasepna awl mawh ma² ahi chiangin kana sepna hung na dong gige hi.
Mun khenkhat a kava ki khop khawm chiangun ka thugen khit chiah aman hun la jel a, lunglut seng ahi chiangin miten kei thugen/report sangin ama gente ngainuam zaw uhi.
DELHI POSTING
Ama a pension zawhin, Tuibuang TBC Center Church ah Local Pastor na sem kit a, term 2vel asep jou in Thangkhal Baptist Church, Manipur in Delhi a TBC Church enkawl dingin la kik uhi.
A HUNG DAMLOU DAN
A neu apat khatvei bek ana damlou khalou a, hospital ah jong ana lut khalou hi. Hi hunlai in ata ten Tangnuam ah Inn thak khat lamsak ua, Delhi a Pastor na asep a term bei chianga tua inn thak lua ding chia a bawl uh pen jou ta ua, Delhi a Pastor asepna a term ahung bei le Corona Virus natna jiakin Lockdown in lap man a, tua ban a, amou uh (atapa takpen zi) in nau ahung neih kik le innlam pai theilou in um uhi.
Tua bang komkal ah tulai natna hi leng Covid 19 ding a aki ginmaw jiakin 25 June 2020 in RML Hospital Delhi a ava ki check le positive ans hinoetma a tuachin ana admit ta uhi.
Tua Hospital a damlou a tam jiakin ICU ah lupna awnglou in 28 June 2:30 am in St. Stephen Hospital ah ki transfer a tutan kho phawk lou in umden hi.
Pasian kianga ka thumna
Pasian I biak uh le i Pa ahi man in thilbawl thei Pasian ahi na muang takin, Toupa ka U Khai, atangval tunga apat nangma limsak leh nang ma nasem, na sila, tu in Covid 19 jiakin a chi na ngai lou tun kho phawk lou in umta hi. Tu Covid 19 jiaka Lockdown, khat le khat kiveh tua theilou le ki uap theilou hunlai in uap ding umlou leh aveh ding umthei lou lai in, mualliam mai ding leh uap ding umlou banga vuiliam din ka phal kei uhi. Tua ahi man in ahinna hung laksak nai kei in.
Mi hoih le mi nuam nangma nasem a ahinkhua kipe khia ahiman in Nangma zahtat na toh thupi taka khak khiat ahi na dingin hun lemchang zaw a dingin ahinna hung na kepsak lai in, tuachin damna na piak jiakin nangma techi in ka pang ding uhi. Jesu min leh Nangma a ginna lianpi toh a sisa hinna pethei Nangma ah kinem in kung thum hi. Amen.
Rev. T. Suantak
16 July 2020
.JPG)
Mi thupi leh ka ngaihsan mahmah,nidañgin Churachandpur Baptist Fellowship ah limtak ka kithuapih ngei a angaihhuai dan ka phawk semsem hi.Pammaih lua cih kan ka gen ding ka thei kei hi.Anusiat innkuanpihte Topa'n van khamuanna tawh ompih tawntung ta hen.Sia aw,hong it lua ing.
ReplyDelete