Rev. Khaikhanthang laa phuakte | KV Media

No.1 Khatvei Toupa Nichiam

 (By Rev. Khaikhanthang)

1.Khatvei Toupa nichiamni hungtung ngei ngei ding,

Vanlai ah sapna aw pengkul hung ging ding a;

Kimkhatte van ah leng kimkhat kinusia ding,

Tuani hung tung taleh, nang jong na lengtou diam;

Tu in ki enchian pha chiatni,

Leitung tuipi ki hot vun vun tung ah;

Noah te innkuan bang,

Long ah ituang kimna uhiam;

2. I Toupa Jesu in amite khom ding hi,

Zan a guta bangin amite gu ding a;

Leitung pumpi buai in miki zonna omding,

Tuani hung tung taleh nang khoi na omdiam leh;

3.Tuni'n Toupa nichiam ni hungtung hita leh,

Noumah innsung kuan zong nakimna ding uhhia;

Hoihtak ki enphani Lota te innkuan bang,

Manthanna khopi ah ki nusia omkhani.

No.2 KALEI LAWMGUAL NGAIH TENG

(By Rev. Khaikhanthang)

1. A ngaihnop huai pen pen tangthu khat

kunggen ding hi,

Sihna Jordan gal ah khopi nuam a om;

Jesu hinna tangten tua gam nuam

khuam bang luah ding,

Lawm aw nang zong na pang diam tua gamah.

Aw anuam gam minthang ka tenna ding,

Van khopi, Hundampa leh vanmite lenna mun;

Leihinkhua bei chianga tenna ding,

Van khopi ah Kalei lawm gual ngaih teng zong akim diam maw.

2. Kei aw gilou kahi tua gam nuam

tung zou keining,

 Nanleh Hundampa Jesu'n sisan in;

 Van lampi hung sial sak kalei hinkhua bei chiang in,

Pellou in keizong ka leng ngei ngei ding.

3. Khanei in lengthei leng, leng, leng nuam veng

Thangvan sang ah,

Hundampa melmuh kal haibang ngaklang e;

Nanleh amisangza kumtawn gawtmun lamjuan te,

Hambang huai in hundampa'n hungchi hi.

No.3 NANG KUANLOU DING MAW LAWM

(By Rev. Khaikhanthang)

1. Thangkhal gamsung pan nang hungkisap na aw gin,

Zanailou nahi hiam maw lawm aw;

Khamangthang panpih ngai mialnuai a omlai te,

Panpih din nang kuanlou ding maw lawm.

Kuan in Tangthupha gen di'n,

Naham kibakpih te kiang;

Tangthupha nagen kei leh,

Asisan phuba nangtung Toupan 

Hungsik dinghi.

2. Gupna ngahlou mitampi mawhna mial nuai ah,

Hunpa neilou in hambangvai uh;

Nunnuam lamtangkai in singbul suangbul bia uh,

Nang kitheihmoh bawl lai ding maw lawm.

3. Kei kuan ninge Toupa na Tangthupha gen din,

Tuana pupa lawm gual ngaihte kiang;

Kei leihinkhua bei a namai a kung din chiang,

Bang ka genta ding hiam Toupa aw.

No.4 PALLAINI TOM

(By Rev. Khaikhanthang)

1.Aw khangdawngte na khang dawn hoih lai un,

Hungsiampa Pasian thei gige un;

Nun nuam lim nga bang i bual kal un,

Lenmual khumzel a ipallai niten.   

Mizatan lenlaini ingai chiat,

Ipallai nite atom ngal a;

Sianmang ading a zang manlou in,

moknan beisak ding maw ipallaini.

2. Tullim a Sangmang Humpinelkai bawn,

A vanglai nite ahungbei a;

Sunggil kial hambang vai simlei,

Mihing hatlai zong mual aliamzel hi.

   

3. Piandang seng sang e simlei silsiamte,

Sing leh lou leh pak hoih chi chinte;

Sawlbang vul in a pulh simlei ah,

Mihing pallai zong pakbang vulzel hi.

4. Tomseng sang e maw Simlei hinkum te,

Tul lel leilengthe awisiam ten zong;

Zaideih awi uh zata sinlai phawng,

Awi chiim manlou in meibang thengjel uh.

No.5 NA HEHPIH NA TATE

(By Rev. Khaikhanthang)

1. Aw nahehpih ngut ngut natate,

Na nektang napiak jel na goulian pen;

Kumtawn hinna  natan hilh lou a,

Nangguak a van-gamkai nasawm maw.

2. I Toupa'n Gou achih bang ahiam,

Limtakin gelpha un, nu leh pa ten;

Sum leh pai hilou gil ah gah ta,

Goulian pen ahi Toupa'n achi.

3. Nu aw Pa aw keijong hungpui un,

Na zot uh kumsawt nopna gamnuam ah;

Nangzong na ngaplouh kumtawn meidil,

Kei guak in bang kasuak diam maw nu;

Hungpui in kumtawn nopna gam ah.

No.6 SANA DANGKA TE ENLAH KEN

(By Rev. Khaikhanthang)

1. Leitung mihing khial a mangsa,

Tankhia dingin Sianmang ahung tualkum;

Amizatan lambang in pak ni e,

Kumkhosot in itung lunmang;

limbangin beel ni e.

Sana dangka te enlahken sihna ahi,

Sana dangka sang a hoihzaw;

Itung lunmang limbang in beel ni e.

2. Envaw leh lawm hi nuaisimlei,

Athupi na leh ahoihna tengtawh;

Tul lel zouheisa pallun lai bangin,

Huihkhi sem in tomkal pallun; 

Sawlbang hei ding ahi.

No.7 JESU TUITUNG LAMPAI

(By Rev. Khaikhanthang)

1. Vantung lam zuan a keikapailai in,

Khemna huihpi ahung laang a;

Mualdawn a singte bang awn ngel ngel ing,

Kei mahatna'n douzou kei veng;

Van Laukhasiang hung tualkum in,

Launa huihpi lak ah kei hungsel aw.

2. Nungzuite Gunkuang a kihohlai un,

Huihpi laang in pingpei kipei;

Gunkuang tum dek dek in awn duai duai uh,

Toupa Jesu ahungpai a;

Gunkuang sung a ahung touleh,

Huihpi laang leh tuihual adaita hi.

2. Jesu tuitung a lam apai lai in,

Peter in Toupa chiin sam a;

Tuipi tung ah lam apai ziau ziau hi,

Tuipi a et leh lau in tum;

Toupa hung hun in chiin sam a,

Jesu'n aban ah akaitou ta hi.

No.8 EN IN BUHTE KUAI GAWPTA

(By Rev. Khaikhanthang)

1. I kiim i paam a buh lak ding tampi omhi,

A lakhawm ding mi kichinglou;

Louzau a buh lakhawm dingin,

Toupa'n nang leh kei hung sawl hi.

Hun leh nite mual liam jung jung,

Laukha simsenlouh amangzing ahun teng in;

Nou Buhlate nang khali in samlai nachi ua,

En un Buhte kuaigawp ta hi;

Sun ahihlai hung sawlpa naa nasep kei leh,

Na hun hoihte mual ah aliam ding hi.

2. Dakkhia inla enkawi kawi in mitultampi,

Kumtawm gawtmun lampizui uh;

Hinna lam a puikik ding in,

Toupan nang leh kei hung sawl hi.

No.9 KAP KAWM KAWM A BUH TUH TEN

(By Rev. Khaikhanthang)

1. Hungki khelding hih leitung hun,

Nakithoi hiam Toupa dawn ding;

Gin omtak a amah ngak ten,

Vantung gam nuam aluah ding uh.

   

Aw hung thou un tu'n kuan ni,

Toupa ading a naa sem in;

kap kawm kawm a Buh tuhte in,

Buhphaipua in hungkik ding uh;

Toupa kiang thaman sang ding in.

2. Envaw leh lawm tulai mite,

Zudawn phekap bek hilou in;

Kanza tepin number four jong,

Khat leh khat kisun lai lai uh.

3. Toupa nichiam hung tun chiang in,

Misia leh Mipha kikhen ding;

Misiangthou ten Lungdam lasa,

Mawh neite dah in kap ding uh.

No.10. NAZARET JESU APAIHI CHI UH

(By Rev. Khaikhanthang)

1. Khatvei i Toupa Jesu, Jerikoh juan apai lai in,

Mittaw khut dawh khat lamgei ah na om a;

Mipi thom ging azak in banghiam

Tua thom ging  chiin dong ,

Nazaret Jesu apai hi achi uh.

Aw Vazuan in tun vazuan mengin,

Nazaret Jesu nang hung ngak hi;

Aw kisan in tun kisan meng in,

Nazaret Jesu mual aliam ding hi.

2. Tuachin mittaw khutdohpa, Damna ding ngen in aki kou a,

Mipiten lah daiding in avau uhi;

Hihhang amah dai tuan lou

Ngaihzaw sem in kikou a,

David Tapa katung ah zahngai in chi.

3. Tua chin i Toupa Jesu, Lampailai adin kholta a,

Mittaw khut dawhpa kianglam ava juan a;

Timai tapa Bartimai,

Banghiam nadeih chi'n donga

Muhtheih ka uthi Toupa aw chi hi.

4. Amah iit a ngai mite,

I Toupa'n nusia ngailou in;

Adeih anget te uh anapejel hi,

Timai tapa Bartima tuin namuthei ta in;

Naginna nadampih ahi chi hi.

No.11 GALCHINTENG ZOHNA DING

(By Rev. Khaikhanthang)

Thum un ngen un Toupa kiang ah thum un,

Thumna hih gingtute adingin inakna ahi;

Thum un ngen un Toupa kiang ah thum un,

Galchinteng zohna di'n thumzing un.

1. Media Persia Lengnu Esther in zong,

Thahgam dinga omsa Judate hutkhiatna dingin;

An nelou tuidawnlou in athum a,

Galzohna thupi atang ta uh.

2. Babulon a saltang Daniel in zong,

Jerusalem lam nga in akawt taneu ahonga;

Nisial thumvei Toupa kiang ah thumjel,

Humpikulh sung ahjong laulou hi.

No.12  JESU'N MUNSANGPEN TANGDEN TAHEN

(By Rev. Khaikhanthang)

1. Tanglai ipu leh ipate'n,

Pasian Theilou zu leh sa ne in;

Khuang leh zamleh daktal tawh thuah in,

Phibiphu Phibiphu chi in;

Nuamin lam uhi ivangkhua ah.

Haleluizah chi'n zaila sa ni,

Pasian hehpihna ichiam panta;

Sagual pheikhai pheikhai e chi a,

Pu leh pate lam tual kaihna mun ah;

Jesu'n munsangpen tangden tahen,

Nuam in phatni Haleluizah chi in.

2. Tanglai ipu leh ipate in,

Pasian theilou gal leh sa ai in;

Dialvom dialsan leh dialkang khai in,

Kathang e vom muai e chi in;

Hanla sa in sawngloi phut uhi.

3. Tanglai ipu leh ipate in,

Pasian theilou dawi leh kau bia in;

vawk leh ak leh bawng leh sial zangin,

Phianem nem phia nem nem chi in;

Aknel awh in aki thoih uhi.

4. Tanglai ipu leh ipate in,

Pasian theilou tang leh sa ai in;

Dial khim tukpak leh sawnkai tuan in,

Luivazem nou tual tawn bangin;

Namsau lam in dailam kisuan uh.

No.13 VEVAW TAZEN LAIAH NA SANG

(By Rev. Khaikhanthang)

1. Zinmang henkol bulh salbang itanlai un,

Khaubang sutding ipu Thongluan;

Malgam kuamthuk vangla pan in,

Pheiphung hungsuan isiang hung tung;

Tunleh zua ten selung mawlman,

Sianmang simthu palbang nang uhi.

Hung ngaidam in aw ka Toupa,

Hung heisan ken;

Tun leh zua ten melhungma zong,

Tu in khangsawn mawm noute in;

Namin phatin zaila sata nung.

2. Tangtawn hinna simthupha tangkou ding a,

Mabang nungpat Thangkhal gam a;

Tuangna tunna ding omlou maw,

Sambang jalna ding omlou maw;

Houlung kuppih ding omlou maw,

vevaw tazen laiah na sang e.

3. Hambang huaizoh louh paibang kitem theilou,

Khaltui vontawi lungmawl te aw;

Selung tuaktui bang luangkhawm in,

Sianmang simthu paibang kuah in;

Pianna igam giabang zunlei,

Etlawm nibang tang tave maw lawm.

No.14  NA TUHGAH MAH NA AT DING

(By Rev. Khaikhanthang)

1. Khaichi theh pan khaichi theh hi,

Khenkhat lamsik lak ah akia hi;

Tungleng Vate ahung leng a,

Atom mangta atding omnawn lou.

Natuh gah mah na at ngei ding,

Natuh gah mah na at ngei ding ahi;

Laisiangthou sung ah Pasian in agen hi,

Aw-U-leh naute ki ngaihsun pha ni;

Na khaichi te enpha inla,

Natuh gah mah na at ngei ding ahi.

2. Khaichi theh pan khaichi theh hi,

Khenkhat Suang si lak ah akia hi;

Suang si lak ah ahung pou a,

Ni in kang gawp at ding omnawn lou. 

3. Khaichi theh pan khaichi theh hi,

Khen khat Louling lak ah akia hi;

Lou ling kawm ah ahung pou a,

Ling in dep gawp at ding omnawn lou.

4. Khaichi theh pan khaichi theh hi,

Khenkhat Leihoih mun ah akia hi;

Leihoih mun ah ahung pou a,

Gah tampi suang in aki at hi.

No. 15 THOU UN KHALVAWN TAWI TE

(By Rev. Khaikhanthang)

1. TBC Delhi te tung Pasian zal in,

Kumkhat ichin na ni mel muta hang e;

Tu chiang tan a hung makaih zing pa,

Tung Pasian amin thang denta hen.

Aw hung thou un Khalvontawi te aw,

Singdang te'n mual khumta e;

Aw hung thou un Toupa kiang juan in,

Amin thupi tawisang ni e;

Itung ua Toupa a lungkim nakleh;

Gampen ei a ahung hiding hi.

2. TBC Delhi te selung kituak in,

Toupa leh agam a ding in semkhawm ni;

Toupa lungtuak in ma pangkhawm lei,

Gualtoh tanbang in ikim ding hi.

3. Heh khuatuah siam Toupa aw hung ensuk in,

Nam genthei lungmawl te pakbang lunsak aw;

Leivui ninphual pan hung lamtou in,

Gualtung vabang tuang di'n hung siam aw.

4. Gam enkhia te lak a Joshua leh Kaleb,

Panpih tu ding neilou gual lel nanleh uh;

Hat leh hang tak in Toupa abeel ua,

Kanan gam nuam khuambang luah uhi.

A LAA PHUAKTE HIH A JAU NAILOU ZONG OM MAITHEI AHIH MAN IN KHALVONTAWI IN COLLECTION KIBAWL TOU JEL DING HI.

By MG Thangkhal Admin KHALVONTAWI

KHALVONTAWI

VOICE OF THANGKHAL

Share: