Rev Khaikhanthang Delhi ah Mualliam: A Tanchin Tomkim

A prominent Thangkhal pastor Rev Khaikhanthang passed away in New Delhi early this morning. He was 63.

The Thangkhals mourned his death.

NEW DELHI, JULY 24, 2020 -- THANGKHAL minamte a ding a Pasian nna sem leh lamkai it huai mahmah, Rev. Khaikhanthang (63) in tuzingkal dak 3 velin St Stephen's Hospital, New Delhi ah hung na mualliam santa hi.

Thangkhalte a ding a mi ithuai mahmah ahi. Thangkhal khantouhna ding a ana pannate bangma chi'n Thangkhal te'n manghilh louh ding hi.

KHALVONTAWI MEDIA (Voice of Thangkhal) in suunpih thu kiphuang hi. Toupa Pasian in a nusiat a inkuampihte khamuanna peta hen!

=================

TBC DELHI SUUNPIHNA

Late Rev. Khaikhanthang (Kum  63), Ex.Chairman,  Ex.Local Pastor, leh Founder TBC Delhi in tuzan dak 3 velin St Stephen's Hospital, New Delhi ah hung na mualliam santa hi. Amah ahih leh  June 28 nia pat ICU a ana om July 9 apat a ventilator a ana om ahita hi. Hun sot damlou a a'um sung in a health condition hoihzel-kezel in ana uma, Dr.ten atheih tawp suah in ana zen tou'ua hinan leh Pasian lemguat na toh hih alei hinkhua tunin anuseta hi.

Amah ahihleh Khalam leh taksa lamah Thangkhal Nam sunga dinga mikitak lang mikhat ahi hi. Pasian la phabep zong anaphuak a tualeh Thangkhal Nam lapi zong amah phuak ahi. Amah ahih leh i Nam sunga dinga 'Knowledge Bank' khata zong akithei mikhat ahi hi. 

Government protocol dungjui a Covid-19 thumvei ki test kit ding, huzoha negative ahih leh covid free a simdi chih ahi a, i Pastorpu upen nivei (twice) ana test man un result ana Negative a himah leh a thumveina (third) pen test manlou in hungna mualliamsan ta hi. A pawlpite leh anam miten ki khelah mah mah leh ki iit mah mah hi.

Aman anusiat te ahih leh Azi, Ta Pasal 5, Numei khat leh amou atute ahi uhi. Aluang damsa pen ahung khak khiat sak dingin Rev. M.C Tuang, CBA Church, New Delhi leh TBC(ABA), New Delhi Pawlpi in Alpha & Omega Christian Cemetery, Block, Near Sanjay Gandhi Hospital, Mongolpuri New Delhi ah hungneih sak ding hi.

Anusiat a innkuante a ding in lungmuanna leh khamuangna Pa Pasian kiangah ngetsak niu. Pasian in a Innkuan pihte khamuanna hung piaksak ta hen.

NAKHA MUANGTAK IN ITOUPA KIANGAH ANA TOLDADAM TAN PASTOR. KUNG IIT UHI.

Sd/-(KHAMKHOLIANTHANG)

Secretary,

Thangkhal Baptist Church (TBC)

New Delhi

===============

REV KHAIKHANTHANG TANGTHU TOMKIM

Rev Khaikhanthang pen,Pu Ginkhokam Thangniang leh Pi Chingzaniante tapa

tang neihsun ahia, 1957 kumin M. Tanglian khua ah apiang hi. Nu leh pa dam theihlouh ziakin Laisimna lamah a paisuak thei keia, ClassVIII tan a sim hi. Nu leh pate hawmthawh leh duat mahmahna innsung a hong khanglian ahihhang in, pianpih sanggam neilou ahihmanin Salam leh Khalamah lungsim thawmhau takin a hong khangkhia hi.

Pastor Ginzapau, MGP, khutah Baptisma atanga, Rev. Khaizakham, MCO, thugenna pan 1974 kumin piangthak hi.

Upa Gindal tanu taakpen Miss Donkhanngai toh 07-07-1976 kumin Pastor Mangkholam khutah Saptuam dan in ana kiteeng uhi.

M.Tanglian MCO Schoola Private Teacher a kum 2 a sep nungin

Thangkhal Christian Association phutkhetute laka, pannala masa khat ahihmanin TCA sunga Evanglist masa penpen dingin Date 04-04-1981in appointment piak ahi.

1983-85 sungteng Grace Bible College, New Lamka ah C.Th. zou a TCA sungah Youth Secretary naa sem hi. 1990-92 sungin Manipur Theological College, Kangpokpi ah B.Th. zou a, 1993-94 sung Executive Secretary asem hi. 1995-96 sung Youth & Mission Secretary a sem a,tua kumin Gideon Sepoy kiphut hi. 1997 in Bible Translator a sem a Gospel bu 4 teng zou man hi. 2000-01 in Superintendent a sem a, 2002-03 sung in

Executive Secretary a sem hi. 2004-06 sung Director of Ministry ah sem hi. 

Pasian nna asep a pension zawhin Tuibuang TBC ah Local Pastor in na panga huazawhin semtu dinga kitaaksap ziakin pawlpi in Delhi pastor ding in term khat a dingin lakik hi. 2nd September 2018 in Delhi ah saptuam na kiphutkhia uhi.

Vangsiat huaitak in 28June 2020 a patin ICU ah ana om a, July 9 apat in ventilator in om kik hi.

Hunsawtpi damlou a aom sung in a health condition hoihzel hoihlou zelhi.

Doctor te'n theihtawp a suahzou un damzou nawnlou in July24, 2020 zinglam dak 3:00 am vel in St. Stepehn's Hospital, New Delhi ah a taangtawn mun ding hung na zotsan ta hi.

Gilagah goutan ta pasal 5 leh numei khat a nei:

1. Dr. Kammuanmung (PhD, JNU) h/o Chingthianmawi.

2. Miss Chinglamniang

3. Mr Dalginsuan (B.Th, Trinity Sialmat) h/o Chingdeihlian.

4. Mr. Paulianmangh/oKimngaihmawi

5. Dr. Mangzamuan (PhD, JNU)

6. Mr. Kamsianmuang Amazon Company, Hyderabad a sem lel hi) h/o Kimngaihting.

Atute:

1.Thangkhanlun

2.Thangbiaklal

3. Ngailunching

4. Ngaisawmching

5. Munglianthang

6. Thangzakhup

Courtesy: ProgrammemakingcommitteeTBC Tangnuam LCC

================

Suunpihna thu: Rev. Khaikhanthang in hon paisan na tungtang ah ka thuakpihna leh suunpihna thu ka lungsim tawnga kipan in ka in phuang hi. Amah Thangkhal sunga laphuah siam leh laigelh siam ahi. Apostle Thawngluan film 1988 Director ahi. "Missionary Thawnluan vevaw tazen!" Chih phuaktu ahi. Ka itlua tel uh! Asihna ka thuakpih lua uh. " Apoi" chihin a gen ban kei hi ..A ma zi leh tate, a saptuamte Toupa'n makaih ta hen. RIP

~ Rev. Dr. Pum Za Thang Tombing

Compiled by KV MEDIA.

Share: