2 non-locals try to abduct one teenage boy in Ccpur town

Meltheilou pasal 2 in naupang khat puimang sawm; lawsam

Lamka, July 2, 2020 --- Meltheilou pasal 2 (Non local) in tunitah lam nai 4:00 ding vel in Rengkai Venglai ah naupang kum 13 mi khat thagum in man in Van (White) sung ah guonglut in Khuga Dam lam zuon in taipi ua, hinanleh vangphat huoitah in naupang pen lamkal ah suota thei chi'n report in gen hi.

Siltung toh kisai a report in agenna ah meltheilou pasal 2 (non local) in thagum a kidnaped abawl uh ahileh Eric Zohmaṭhuoi (13) s/o Stephan Vanlalrum, Rengkai Bridge street ahi'a, kidnaper te'n lamkal a zun (urinate) tha ding a akum kal in suota thei chi ahi.

Siltung jou sawtlou nung in Thingkangphai a hotel neitu tapa khat in tuami area a teng K. Laldawngliana theisah in ama panlana leh kithuopina toh naupang pen damtah in Rengkai khuo tung thei chi ahi.

Tami report kigel tan ah Women Police te'n naupangpa statement lalel uh chi ahi.

Tambang siltung pen Rengkai khuo a ding a khatveina hinawnlou ahina ah mipi leh Police in kintah a tambang a gamtangte a matkhiet ding uh chi'n report in genbe hi.

~ Zogam Today

Share: