Zogam Today: Ravi Zacharias Tanchin Sutna

MAY 19, 2020 ni'a Pasian thugen minthang mama, Canada aum India-tualkuon Ravi Kumar Zacharias (74) atenna Atlanta, Georgia ah cancer "sarcoba" natna ziehin Pasian angsung ana zuon ta hi. A pianthahna Bible taang: "Because I live, you also will live (John 14:19)" khu ahansuong a tuonsah hiding chi'n, ata upapen Mrs Sarah Zacharias Davis in apa shi nin gen hi.

ZACHARIAS KHANLETNA
Zacharias ahileh Tamil Nadu khawpi Madras (Chennai) ah 26 March 1946 in piang hi. Kum 5-mi ahin Delhi ah pem uhi. "Ka pa Defense Ministry a sem ahizieh in, kou atate din hun tam ape mansih hi. Ka pa'n ang mu masanga kum khat a upa kana himanta, azieh khu ka pa Nottingham, England a semdia sawllut in ana um hi," chi. 1966 in Canada ah pem uhi. Azi Magaret Reynolds toh amau hattuom khat ahi ua, khanglaite kipawlna Youth For Christ (YFC) apat hing kithei ua, tuachin 1972 in kiteng uhi. Atate uh: Sarah Zacharias Davis, Nathan Zacharias, leh Naomi Zacharias. A family uh tanchin mu ding vang mama, muh sunsun hite ahi. Reference: Wikipedia, chnvr.com, rzim.com.

ZACHARIAS LUNGLUTNA
Ravi Zacharias in kum 46 sung Pasian Thu gen in gam 70 val tuon pha hi. Leitung a "Apologetics" (Christian Faith defender) minthang mama khat, banah khawvel in abuoipi -- Origin, Meaning, Morality, Destiny, Eloquence, leh Grace -- tungtang mite hilchien siem mama khat a mi'n a tepteh uh ahi. A thugente in mibil taisah leh bunzou a, Pasian thu a buai theina tuomtuom tampite chiang tahin mite hilsiem zou hi, kichi.

ZACHARIAS HINKHUO
Ravi Zacharias khu aneulai apat mi chituom vilvel khat ahi. Kum 17 ahitan in 'athiest' dan in a kigen a, Pasian kichi apum gintatlou mihing khat ahi. Kou innkuan Anglical Church/Hattuom akai ka hi ua, amin maimai a Khristian ka hi uhi, chin gen hi. Ka nu leh ka pa'n Gospel thu ang genpi ngaisih a, ka kithei sun chu Hindu hilou, Muslim zong hilou, Christmas leh Good Friday chianga kikhom zel innkuon ka hi uhi. Ka nu leh ka pa "arranged marriage" a kiteng ahi uhi. Pasian thu kichi himhim ka innsung uah kihilna aum khasih, chileng genkhiel sih vang. Lailam pen ka lunglut sih a, kanu kapa mualphou sahtu in ka pang giap hi. India pen academic lamah competitive sang mama, mite nasahtah a kidemna gam ahi a, tuaziehin khanglai lahah suicide rate zong sang mama hi. Kei pen University ka lut tanin ka pa ka lungkham sah thei hi. Ni khat ka pa thangpai in, ka nu pumin ka sanggam mi 4 teng toh tangpuang sat in ang sat hi.

ZACHARIAS YFC RALLY AH
Ni khat ka sanggam numeite Youth for Christ (YFC) Rally ding thu kihou ka zakha a, ka lunglut tuon sih hi. Refreshment um ding achi ua, ken zong, "Bang kihawm ding?" chi'n ka dong vat hi. Amau'n, "Ahoi ahoi thei kihawm ding" chi'n ang dawng uhi. Nehthei lama kilop khat ka hia, tuachi'n Cricket kimawl di kisa khawlsan in, ka best friend leh ka makpa (bro-in-law) tetoh kuon ding ka chial ngal hi. Rally ah koi refresment kimu kha sih!

ZACHARIAS IN SAM MESSAGE NGAIKHA
Rally a YFC president Sam Wolgemuth thugen ka za a, ka hinkhuo hing henglam zou hi. John 3:16 pansana thugenna anei lai a Altar Call asam laiin mi khatin, "There is Balm in Gilead", chi laa ngai khat asasa hi. Sam message in ka lungtang a khoikha a, Pasian in a khut a ka lungtang a khoi bang phial ka kisa hi. Auditorium sung saleh zong mi 1000 val kitou dim mitmet lahah kei chauh ka hi amailam va zuan, tua zan a. Tua ka genpa toh Ben Wylie ana um ua, "Hia bang i bawl?" ichi a, "amapa nei bang ka dei hi (I want what that man has)" ka chi hi. Tua zan pen Khasiangthou silbawl theina ka tahsah tungah ka feel mama hi. Ka hinkhua a mawna toh kidim, mikhiel ka hidan ang kiphaw sah hi.

SUICIDE ATTEMPT
Kha bangzat ehkhat beizaw in, ka lungsim a nuam theisih hi. Ka pa lah ka tungah gumtat deudeu. Ka hinkhuo ning kitel leh hopeless tahin ka kingaisie hi. Ka kaina University Lab ah "chemicals poison" chia kigelh a bawm neu nounou bangzat hiei khat, kava la hi. Azingnin ka inn ua kei leh ka nasemtu (sila) uh ka um uhi. Bathroom ah kikal khum in poison pen glass khat ah tuitoh halin ka dawnta hi. Sawtlou in ka tha ka zungte ang chau a, ka khup zong ang kon a, ding zoulou kipua di ka kisah a, thakhat in ka kikou khie a, ka silapa un ang del a, kawt tuansia in ang lakhia hi. Kang khaloh leh hospital aum, ka tahsah tung teng phin (needles) kiphut liulieu in ana dim hi.

Ka nu dinna lam ka enphei a, ka pa kot a ang lut di kisa chet ka mu a, ka pa lunggel ding khu ka theisiem pai hi. Ka inkuanpite tungah maizumna tuntu, hin dan theilou shi dan theilou-pa ka suo hi. Doctor-pa'n lah ka tungah kinepna neilou - dam leh damlou kikal gen theilou. Ka gilsunga organs-te tampi kisia achi a, adam zoulou dia lupna tunga um kana hikhin khien hi.

ZACHARIAS BIBLE VERSE DEIPEN
Ka nu ka etleh a dinna mah dinglai, agei a agammi Khristian worker khat in, "There is Balm of Gilead," kichi laa sa'n a ding hi. Kanu'n "hia bang bawl a ilut?" chin a dong a, amapa'n, "Pasian nna sem ka hi". Ka nun zong, "Ka tapa agimsie ahi. Houpi theisih vateh," chin ahil hi. Tuachin amapa'n, "Tami Bible ka pe ut ahi" chi'n John 14 phensa'n, ka nu kungah "na tapa azaa din simsah in chi hi. John 14:19 "Because I live, you also will live," in ka lungtang khoi kha hi. Tami khu kinep thei umsun chi'n ka ngaisun ta hi. Mangpa Jesu aw, na genbang a hinna petu na hileh, tami ka umna hospital lupna apat damtahin hing pawtsah in. Ka damleh ka hinkhuo pumpi nang adin ka pe ding chi'n Pasien kichiempih hi. Ni 5 zaw'n Wellington Hospital, Delhi apat dam in apawt ta ngei mai. Pasian ang sui chienta a, Pasian Thu ah ang kibulphu a, Bible ang zil a, azilzaw in Gospel tangkou in kidieng kawikawi hi.

SOUTH VIETNAM AH
1971 Summer sung teng South Vietnam a US Army leh Viet Cong member jail tangte lahah Pasian thu gen in va um hi.

ZACHARIAS BIBLE TRAINING NAMUN
1972 in Ontario Bible College (now, Tyndale Univetsity) apat under-graduate degree (Bible) azaw in Christian and Missionary Alliance (C&MA) ah sem in, Cambodia (Thailand) ah sawtlou va sem hi. 1977 in Trinity International University apat M.Div azaw in, C&MA in Worldwide Preacher (leitungbup a thugen) din la ua, thugen in zinkawi lele hi.

ZACHARIAS PASIAN MIZAT AHIHDAN
Pasian mizat Zacharias pen "preaching" lamah min nei mama hi. Kum 19 ahi'n International Youth Congress, Hyderabad (India) ah Asian Youth Preacher Award piehin um hi. Billy Graham Evangelistic Association inzong Zacharias khu khawvel Christian khawmpi thupipen akigen, "International Conference for Itinerant Evangelists" ("Amsterdam '93") tunkimni/kipatni'a thugen di'n seh in um hi. Mi tuomtuom Speaker ding a kihan 4000 valte mai ah thu genna nei. Tami khawmpi ah Christiante "apologetics" lamah chau mama in khawvel pilna/siemna (intellectual) neite sawisel/gensiatnate (attacks) uh "defend" zoulou uhi, chi ang mukhia a, tuachi'n apologetics lam ang buoipi pan ta hi. India khawpi tuomtuom ah Pasian thu tangkou inzong kidieng koikoi hi.

ZACHARIAS LAIBU KITHANG KHENKHAT
A laibu gelh masapen "A Shattered Visage: The Real Face of Atheism (1990)" in ahing minthang sah hi. "Can Man Live Without God?(1994)" in Evangelical Christian Publishers Association's Gold Medallion Book Award mu a, tualeh "Light in the Shadow of Jihad (2002)" leh "The Grand Weaver (2007)" tegel khu Christian Bestsellers ah pang pha hi. Adolf Hitler, Jesu leh Dietrich Bonhoffer-te kihoulimna graphic novel: "The Lamb and the Fuhrer (2014)" zong simnop huoi mama hi. Denchiang tam laibu sungah tomkhat iva lenglut ding uhi. A laibu bawl nukhia pen "The Logic of God: 52 Christian Essentials for the Heart & the Mind (2019)" ahi. Ama khutsuo laibu 29 pha hi.

HITLER  LEH JESU KIHOUNA AH VA LUT ZUOL VAI
The Lamb and the Fuhrer ah mi thum --- Adolf Hitler (Bonhoeffen thattu, Jews thattu, Pasian thu awilou), Jesu Khrist (khawvel mite dia hinna pia) leh Dietrich Bonhoeffen (German pastor hangsan taha Hitler ana sawiseltu) kihoulimna thu ahi. Tami novel sim suhsuh lei nuom deudeu hi.

Hitler in ama angma sialna'n shisan naisan million tampi suo/luongsah hi, ahin Jesu'n khawvel mite adin a "shi" luong hi. Hitler pen kithupisah tahin PASIAN bangin a kikoih a, mipi atul atul in shilaw hi. Jesu pen Pasian kingaineu taha MIHING a ang piang, mihing ten hinlaw uhi. Hitler in mihing adin "Meidil" (Hell)  a siem a, Jesu'n "Vangam" siam hi. Hitler min akigen kha chieng "Power, Evil, & Genocide" toh kitepteh a, Jesu min khu "Love,  Peace, & Life" toh kitepteh hi. Amau gel room khat ah umkhom sahlei bangthu a gen ding uai? Na bil a
na zahte na gingta sih ding!

Tami Jesu toh Hitler kihouna ah,  Bonhoeffer zong apang sah a, azieh mihoih tampi'n Hitler vaihawmna nuoi a genthei tah a shina leh suh gentheina bangzieh a atuo uh, chih Bonhoeffer buoipi pen ahi. Bonhoeffer meel pe'n thangpaina (anger), beidawnna (helplessness),  leh silhoilou (evil) khu silhoi (good) a bawldia douzaw ding chi khu ama apat muthei in um hi.

Hitler pen mi lungtang khau, mi lungkhaw, mi lungpheng leh thukhel vivel ahi a, a ki-suicide (pistol a kikap lum) zaw in Jesu Khrist leh Bonhoeffer khu a maituo (kimu) a, amau tegel mai ah siam kitansah sawm teitei a, hinanleh Khrist leh Bonhoeffer in "shina" maituo din deisah zaw uhi. Azieh (i) Jews million 6 val banah ami-asa leh midang sim senglou tungah itna beihial a ana ngongtat zieh, leh (ii) Pasian itna a sang nuomlou zieh. Ahin, Hitler pen Pasian tungah ana kikoih khinkhien hi! Himi novel pen Sunday School class-te a tawi/kihil dia hoih ahi, chi pawl Mangkangte phabeppi um vayia ei. Tami novel apat World War II thu, Hitler thu chiangtah in kimuthei a, mihing ngaisutna zong saupi peitou sah zou hi.

ZACHARIAS IN DEISAHNA TANG
2016 kumin USA Republican Presidential candidate Marco Rubio in Zacharias pen "Dignity of Life" Advisory Panel lahah mi poimaw khat in pang sah hi.

ZACHARIAS IN RZIM MINISTRY PANKHIE
Ravi Zacharias International Minstries (RZIM) 1984 in US ah pankhia a, tutan in gam 16 ah office nei hi. Office umnate: US, Canada, Peru, Kenya, South Africa, UK, Ausria, Spain, Romania, Macedonia, Turkey, Singapore, Hong Kong, India, leh Middle East. RZIM a sem mi 200 val um a, khualzin theipai dia amansa um full-time speaker  mi 60 val leh apoimaw hun a semdia speaker mi 20 val um hi. RZIM in Radio/TV Program leh Humanitarian Work tungtawn in Pasian Thu (Gospel) khawvel ah thedarh hi.

RADIO PROGRAM
1) LET MY PEOPLE THINK kichi weekly radio program khu station (outlets) 2,000 val apatin gam 32 ah kikha khie hi. Tam program khu Spanish-ham a kibawl "Pensemos" chi'n mun 200 val apat kikha khie khu'n gam 23 sung zelsuo hi. 2) JUST THINKING kichi weekday ah 15-minute radio program, station 650 val a kikha khie in gam 19 zelsuo hi. 3) JUST A THOUGHT, one-minute radio program, khu station 500 val apat kikha khie in gam 6 huop pha hi.

TV PROGRAM
LET MY PEOPLE THINK, TV Program, ahileh station 31 -- US,
Canada, leh Belize pansan in Africa, China, leh Europe khu global coverage sah uhi. Tami version khu India ah zong kikha khie hi.

ZACHARIAS INSTITUTE PHUT
Ana lunggul mama apologetics center khat, "Zacharias Institute" kichi Atlanta ah 2017 in pan hi. Khawvel mun tuomtuom apan mi asing asang in training bawl uhi.

WELLSPRING INTERNATIONAL PANKHIE
Wellspring International kichi RZIM in "humanitarian support" nalam a zatdin 2004 in bawlkhie hi. Tamin organisation koitohbang numei-naupang (women & children) lam buoipi/panpihte support banuah mimal laisimna lamah zong support, leh healthcare lamleh, niteng neh-le-dawn apoimaw-te ah kiphaltahin support ana pe gige hi. 2016 kumin innkuon (family) genthei leh numei-naupang genthei 3,500 val panpihna pie hi. Tualeh human trafficking, natural disaster, leh poverty toh kisai in project 16 adin panpihna gam 13 ah pie uhi.

ZACHARIAS TATE
Atahpennu, apa ministry RZIM adia CEO (Chief Executive Officer) dinmun pawtu Sarah Davis ahileh BA (Edn) Covenant College a zou khie ahi a, laigelh siam, thugen zong siam leh mi tei mama khat ahi. A laibu gelhte: Confessions from an Honest Wife, Transparent: Getting Honest About Who We Are and Who We Want to Be, leh The Friends We Keep: A Woman's Quest for the Soul of Friendship. Radio leh TV Program ah Women & Children toh kisai thu tamveipi anagen ngai hi. Pepperdine University Graduate School of Education & Psychology ah Senior Advancement Officer ah a sepkhit in RZIM join kia hi. Tuaban ah Vice President (Marketing & Development), RZIM leh Vice President (Strategic Marketing), CNN ahilai in a semhoi chi'n President's Award for Excellence ana mu hi. Apasal toh tun Roswell, GA ah khawsa uhi.

Amilaipa, Nathan Zacharias (39 yrs) media lam lunglut ahi dungzui in tulelin apa ministry RZIM ah Video Producer/Editor in sem hi. "Good Word, Good Music Can Help People Think, Feel and Change," chi ngaihdan neimi khat ahi. 2011 a kitenpi, azi Sarah Parkar Zacharias ahileh Wellspring International ah Marketing & Development Associate in pang a,  Atlanta, GA ah khawsa uhi.

Atumpenu, Naomi Zacharias ahileh Wheaton College apat BA (Business/Economics) zou ahi a, Wellspring International pe'n ama etkawl dieh ahi. White House ah zong Public Liaison toh kisai in full-time internship ana bawl ngai hi. A laibu gelh masapen ahileh "The Scent of Water: Grace for Every Kind of Broken (2011), Essay nih NIV Bible for Women: Fresh Insights for Thriving in Today's World (2015) kichi leh Children Book "Little Prince, Little Prince What Will You Be? (2021)" kichi abuoipi laitah ahi. Women & Children lamah lunglut mi ahi, himi toh kisai in chapter khat,  "Zealoys Love: A Painful Guide to Social Justice (2004)", kichi khat zong gelh hi. Apasal toh Atlanta ah khawsa uhi.

RAVI ZACHARIAS LAA DEIPEN
A laa deihpen Sweden-mi, Carl Boberg in 1885 a Pasian phatna'h aphuo, "How Great Thou Art," ahi.

ZACHARIAS KAMMAL
Ravi Zacharias in kum 46 sung ving veng gam 70 val ah Pasian Thu ana tangkou hi. University leh Bible Seminary tuomtuom ah zong speaker/teaching din ana kisam gige mithupi khat ahi. Leitungah Pasian Thu dindetpih (defend) zou a minthang khat ahi. "Jesu thugen thutah te'n khawvel a demsietna hasah tawpkhok leh mihing pilna tungtawn a Christian gindan diklou chia attack bawlte dawzou tahin thuozou hi," chi.
----------------

ZACHARIAS IN ORDINATION A TANGTE
1. Ordained by The Christian and Missionary Alliance, 1980.

2. Licensed as a National Evangelist by The Christian and Missionary Alliance in the United States,1977-present.

3. Licensed by The Christian and Missionary Alliance of Canada, 1972-77.

RAVI ZACHARIAS LAIBU BAWLTE
1. The Logic of God: 52 Christian Essentials for the Heart and the Mind (Zondervan, 2019).

2. Jesus Among Secular Gods, coauthored with Vince Vitale (FaithWords, 2017).

3. Why Suffering: Finding Meaning and Comfort When Life Doesn't Make Sense, coauthored with Vince Vitale (FaithWords, 2014).

4. The Lamb and the Fuhrer, graphic novel edition, with Jeff Slemons (Kingstone Comics, 2014).

5. The Merchant and the Thief: A Folktale from India, reprint edition illustrated by Laure Fournier (Zondervan, 2012).

6. Why Jesus: Rediscovering His Truth in an Age of Mass Marketed Spirituality (FaithWords, 2012).

7. Has Christianity Failed You?(Zondervan, 2010).

8. There Is a Plan (Zondervan, 2009).

9. The End of Reason: A Response to the New Atheists (Zondervan, 2008).

10. New Birth or Rebirth: Jesus Talks to Krishna (Multnomah, 2008).

11. Beyond Opinion: Living the Faith We Defend, author and general editor (Thomas Nelson, 2007).

12. The Grand Weaver: How God Shapes Us through the Events of Our Lives (Zondervan, 2007).

13. Walking From East to West: God in the Shadows (with R.S.B. Sawyer) (Zondervan, 2006).

14. The Lamb and the Fuhrer: Jesus Talks with Hitler (Multnomah Publishing, 2005).

15. The Real Face of Atheism, revised and expanded edition of A Shattered Visage (Baker Book House, 2004).

16. I, Isaac, Take Thee, Rebekah (Word Publishing, 2004).

17. Recapture the Wonder (Integrity Publishers, 2003).

18. Who Made God? And Answers to Over 100 Other Tough Questions of Faith, co-editor with Norman Geisler (Zondervan, 2003).

19. Is Your Church Ready? Motivating Leaders To Live an Apologetic Life, coeditor with Norman Geisler (Zondervan, 2003).

20. Sense and Sensuality: Jesus Talks with Oscar Wilde (Multnomah Publishing, 2002).

21. Light in the Shadow of Jihad: The Struggle for Truth (Multnomah Publishing, 2002).

22. The Lotus and the Cross: Jesus Talks with Buddha (Multnomah Publishing, 2001)

23. The Broken Promise, illustrated by Lad Odell (Chariot Victor Publishing, 2000).

24. Jesus Among Other Gods: The Absolute Claims of the Christian Message (Word Publishing, 2000).

25. The Merchant and the Thief: A Folktale of Godly Wisdom, illustrated by Lad Odell (Chariot Victor Publishing, 1999).

26. Cries of the Heart: Bringing God Near When He Feels So Far (Word Publishing, 1998).

27. Deliver Us From Evil: Restoring the Soul in a Disintegrating Culture (Word Publishing, 1996).

28. Can Man Live Without God (Word Publishing, 1994).

29. A Shattered Visage: The Real Face of Atheism (Wolgemuth & Hyatt, 1990).

ZACHARIAS IN EDUCATION / TEACHING ANA BAWLNATE
1. Senior Research Fellow (Honorary) at Wycliffe Hall, a Permanent Private Hall of
the University of Oxford (Oxford, England), 2007-2015.

2. Guided study at Ridley Hall, an independent theological college affiliated with the University of Cambridge (Cambridge, England), 1990.

3. Chair and Associate Professor of Evangelism and Associate Professor of Evangelism and Contemporary Thought, Alliance Theological Seminary (Nyack, New York), 1980-1984.

4. Master of Divinity, Trinity Evangelical Divinity School (Deerfield, Illinois), 1976.

5. Bachelor of Theology, Ontario Bible College (Tyndale College and Seminary, Toronto, Ontario), 1972.

ZACHARIAS HONORARY DOCTORATE DEGREE MUTENG
1. Doctor of Letters, Patrick Henry College, 2017 (Purcellville, VA)

2. Doctor of Public Service, Gordon College, 2016 (Wenham, MA)

3. Doctor Honoris Causa, University of San Marcos, 2016 (Lima, Peru)

4. Doctor of Humane Letters, Indiana Wesleyan University, 2016 (Marion, IN)

5. Doctor of Divinity, Trinity College of Florida, 2014 (Trinity, FL)

6. Doctor of Sacred Theology, Liberty University, 2013 (Lynchburg, VA)

7. Doctor of Divinity, McMaster Divinity College, 2012 (Hamilton, Ontario)

8. Doctor of Divinity, Tyndale College and Seminary, 1998 (Toronto, Ontario)

9. Doctor of Laws, Asbury College (now University), 1990 (Wilmore, KY)

10. Doctor of Divinity, Houghton College, 1980 (Houghton, NY)

~ Bruce K. Thangkhal
Joint Editor, Zogam Today [31-05-2020]

-:(0):-

Share: