PATENII THUPUAK | Pastor Chinminlian Executive Director TBC(ABA)

Amasain munchin a om Thangkhal Baptist Church Saptuamte PATENII chibai kung buk masa hi.Tukum 2020 sung ideih bang in Biakinn kaitheikei mah lehang ibiak Pasianin tuni chiangtan hinna damna toh ahung umpih lai manin Toupa min iphat uh hi.

PATENII HUNG PIAN KHIATDAN;

Patenii pen NUTENII Sermon ngaikhiat na apan a hung piang khia ahi.Kum 1909 in Washington a Spokane mun a Mrs,Sonora Smart Dodd in Nutenii a Pastorpa thugen angaihlaiin alungtang asukha mah mah mai a,a unau uh mi 6 ahi ua aneulaiun anun na sihsan a, apan amaute ZI dang zong neingam lou in genthei takin nakem tou den hi.Apa kepdante Mrs,Smart Dodd in angaihsut chiangin Nute Nii chauh zak lou a Pate Ni zong zak a,apa lungsiat dante leh Pate pahtawina piak tak ahidan te lungsimah hung gelkhia in,apa piannii June 5nii hung zang pan hi.Tuakhit sot louin mitampiten  Dodd ngaihsunna hoisa mah mah uh a,News Paper vel ah ahoidan te hung suah khia zung zung ta uh hi.Kum 1916 in USA President Woodrow Wilson  leh a innkuanpih ten zong Pate Nii hung zang pan uh hi.Hun hung pai jel in Kum 1924 in  US President Calvin Coolidge in gamsung pumpi a Governorte Pate nii man di toh kisaiin thu pia hi,tuachin amau un zong state pumpi a hung mang pan ta uh hi.Hun hung pai jel in 1972 in US President Richard Nixon in June Niipi kal 3na a zak dingin thuphuan hung bawl a tunii chiang tannin kijui den hi. 

PATE POIMOHNA TUAM TUAM TE;

PATE INNKUAN LUTANG AHI;Eph.5;23,

Bible in Numei lutang Pasalte ahi na chi hi.Lungtangin thuneina sangpen leh makai pipen ahihna gen hi.Nangh leh kei innsung a PA pen in ilamkaih hinate isem khana hiam ki ngaihsun thak nii,Joshua24;15 Innkuan a Pasian ibiak theina ding leh ana isep theina ding a ilamkaih ngam ding uh ahi.Thumna ah,Biakinnkai lamah,Piakkhiatna lamah,Innsung Maitam bolna lam leh Thuhilna lam a imakaih den ding uh ahi.Acts10;1-3Kaisaria khuami Italy Galkap Kornelia inzong Pasian thu ah a innkuante makaih den hi.Toupan Kornelia migentheite napanpihna thu kaja hi achi a Peter asamsak a, a inn athu agensak a,tuachin Jentelte kiang ah zong khasiangthou piakin hung umta hi Halleluijah Toupa minthang tahen.

  PATE INSUNG JAWLNEI AHI;Deut.6;4-9.Prov.6;20

 Pasian in Israel Pate kiang a atate uh Mosi Danthute hoitak a hilh dingin thu apia hi.Ei innsung a PA tampiten innsung maitam bawl chihte makai ngailou zong umjel hang a Numeite hung kitaaklah khajel hi.Paten innsung innkuan mailam hun ding thute igel khol a innsung mite ikhamuan jel ding uh kisam mah mah hi.Numeite makaisaklou in Pasalte mah innsung a makaiin pangden theileng Toupa deihna hung hipan ding hi.

THUKHITNA; Innsungpa khat hingal a Biakinnkai, Bible sim,Thumnaneih chite bawlpih ngailou pate pen Prov.11;29 na bang a 'A innsung avaihawmkhial mite hamsia thuak ding uhi'.achi bangin um ding uh hi.PATE aw tate jahtat thei dingin umtanii chiin ikichial uhi.Simtute Toupan thupha hung peta hen Amen.

KHALVONTAWI

VOICE OF THANGKHAL

Share: