PATE NIKHO SERMON | Paten Ji leh Chate ngailut ding | Rev. Thanglet

PATE NIKHO SERMON

Them :-

Paten Ji leh Chate ngailut ding

_____________________________

Thu makai :-

2019 Pate ni manga 2020 Pate ni mu talou a ana mollem mitam tah umjong leh, eihon kipah tah a imu thei jeh un Pathen chu thangvah in um jingta hen, nabon un Pate ni chibai kahin boh uve.

Tunia isei nom uh chu

1. NA A PATE'N JITE NGAILUT DING:-

Speaker khenkhat in Numei ho thudoh anei jingu khat chu, Thah nungah kit hile chun tua najipa/ Na pasal hi nakichenpi kit dem? tia adoh ji nao achun, Nupi hochun kichenpi kit taponge atijiuve.

Nuijat umkhat chu Khokhat a nupi khat vang chun kichenpi kit inge atie. Ajeh chu ama nu chu ajipan twi akhai, Bu ahon, Pon asop, Thing apoh, bol lding jouse abol ji jih ahi atiuve 😁😁😁

Tunia iseinomu chu, pasal hohin numei khat jia ikipuiyu le thilpha tah khat bolpeh dana ikigel vangun iji te houvin avela kichenpi kit dingin ei ngapcha pouve tihi isuh mil loudiu dei aume. 

Numeiyin ain ahin dalhah a hinkhoa dinga eihin belu, aphung min adalhah a eiho phung min a kikou, chule hahsa tah a cha aneijong ajipa tea ding, atoh jouse ama ding mong mong umlou, ajinei masanga atoh doh ho ainkote ding, ajinei jouva atoh doh ho ajipa ding, aji umlou nunga atoh doh aum jongle achate ding, ahivanga athi  masang sea akida na  ding phat kile /pel tai ti um lou hinkho hi numei khat hinkho ahi ihet u angaiye. 

Hijeh chun chubang tah a ahinna pumpi phal'a eihinbelu ijiteu chu Paul'in eihilna bangin ngailu tahbeh uhite. Amaa (Paul) in iji chu aphat le ngailut a aphat loule muda din aseipoi. Ji ngailut ding hi thupeh ahijoi. Tujinga pat in pate jouse athah beh in kisemphau hitin ijiteu ngailun dam sungin Christian insung khat sem piute tia iki tem u ahi.

2. NA. PATE'N CHATE NGAILUT DING :-

Pasal khat hin Car thah khat akichoh in, nikhat hi a Car chu asuhtheng pettah hin achapa kum4 velbeh khat hin Song alan apa Car thah lihleh chu ajih pol tan ahi. Apa alunghang val in, akom a um thil amatkhah khat in achapa khut chu tamvei tah ajep in ahileh chapang khut nem dihdeh chu akhutjung jouse anajep tantai. Hospital a apo un Doctor hon akhuipih un, chu in achapa chun apa kom ah "Hepa kakhut jung hohi itih leh hungsao kit dingham?" Tia adoh chun apa akisih val in ain langah achen a Car chu akengin adungpeh avaipeh in a Car kom achun atouden tai. Hichun achapa chun Car bangachu ipi pentah ajih pol ham tia avet le *LOVE YOU DAD* (Hepa ka ngaije) ti hi ana jih ahi. Apachu iti akisih vangin aphachom tapoi. Sopi te tulai hin Paten chate sangin Jep le Car, Inmun leh Building, chule thildang ingailu jotaove. Nuten jong chate sanga Mobile khohsah chuleh insung thil/von khoh sah itam un, chate Houin kaija puiding golou tampi ium da tapouve.

THUCHAI NA:-

Pa kachan khompi ngaitah teho achesa kumle nikho a Pate ni inaman uchu phatchom na neijin mangdoh hih jongleu hen akhohpoi chuti tahen, tukum vang Jite Chate ngailut thah kit nan Pateni hi mangdin kipan taote. Asim jousen aphat chompi nading leh vangboh achan nadingin Pathen henga katao/ kathum pih cheh ahi.

By :- Rev. T. Mate,

Local Pastor Thangkhal Baptist Church, Delhi.

KHALVONTAWI

VOICE OF THANGKHAL

Share: