INDIA-CHINA BUSINESS: India in Chinese Products Boycott Zou Diai!?

~ Mingling Suantak
New Delhi

India leh China gam 2 sepaih te  Galwan, Eastern Ladakh lak ah Kungfu v/s Yoga show nei in ana ki lawital jial ziakun boruak a sousang ngala, a hin Sunny Deol vs Jackie Chan lam sangin Mukesh Ambani v/s Jack Ma lam toh kisai, ki sumdawn tuahna lam leh a kipoi mawh tuak ahih dan uh saulou enni. India-China kisumdawn tuahna hi kum 2019-20 ah $87.07 billion lai ahi a, (India-US $ 87.95 billion ban chet ahi) tem-le-pai banga kikhen theilou, ki poimoh tuak ahi ua, gamgi lam sipai kingiik lam hilou, sumdawnna lam Zee news-te analyse ensuk ni.

Zee Media Bureau in a zil chiandan in kum 2014 ah Chinese company te'n India gam'a investment a neih zat uh Rs 12,000 crore ahia, tuchiangin aleh nga (five fold) Rs 60,000 crore in a pung tou ta hi.

India leh China gam sipai te hi gam gi (boundary) ah May kha apan in sousang panta ua, June 15 zan'ah ana kikhuaithum jial nasa man ua, alang langin si leh liam ana nei tuak uhi. Ningani (June 17) in India gam External Affairs Minister S. Jaishankar leh Chinese Foreign Minister Mr Wang Yi te telephone tungtawn in gamgi buaina tungtang ana genkhawm ua, ham khauh leh hiam (strong words and sharp) zetzet leh meinei deudeu in ana  kigal giik den uhi. Ham hiam leh awmzia nei thu thuk leh point to point a ana kihoutou uh himah leh buaina tunitan in suk daih theih in om hi.

Hichi bang hi gam 2  foreign Minister te kal thu omdan himah leh a leh lam tuak ah lungkimna taktak omthei tuam lou hi. Sipai leh galvan a kibeina ana tung hial kei ta maleh hichi tuk'a gam sung hotling nasa thei dang sumdawnna kawng ah nasa takin a ngong ngei di (impact) chih hi a lang chiang ta hi. Zani lak apan tuni chiangin India gam khawpi lian deuh deuh ah China khutsuak (products) huatna leh muhdahna etsakna tuamtuam ana om hi.

India leh China gam 2 kikal sumdawnna value hi Rs 6 lakh crore lai ahia, India gam in China gam a athil thot khiat (export) value hi Rs 1.17 lakh crore ahi. China apan a thil lak lut (import) value chu Rs 4.9 lakh crore lai apha hi. China gam a thot khiat sangin a laklut hih a leh li (four fold) val a tamjo tazen hi.

Kum 2014 in India gam a Chinese company te sum invest bawl Rs 12, 000 crore chauh pen, tuhun in Rs 60,000 crore lai ahita chih official estimate in gen hi. Himi ban'ah China hi India gam sunga private sector tam takah gam danga apan company through in (third country participation)  investment ahah bawl  nasa kit hi. Etsakna:Chinese mobile company te'n Rs 3500 crore India gamah  Singapore a a company te uh through in a invest uhi. Hichi bang business model hi India gam sungah tam tak a om a,  Chinese company ten investment India gam sunga aneih hi Rs 2 lakh crore lak val dia tuat (estimate) ahi. China in Center Solkal ma lakna poimawh tak Indian Start-ups te ah sum a lom lian tham takin tu kum 2 sung in "Start-up" company dang dang ah zong investment ana bawl uhi.

Kum 2019 sung chouh ah zong Indian Start-up a Chinese investment punna 94% lak ahi. Kum 2018 Rs 15,000 crore Chinese investment pen kum 2019 ahih in Rs 29,000 crore lam ana tungtou manta a, hia data leh figures te apan Chinese investment khan hatdan a genchiang mai hi. India gam a company lian Start-up paipih tu 30 lak ah 18 te'n Chinese te a kipan investment amu uhi. Nial gual louh in, China gam hi India gam sunga investment bawl nasa pen te ahi ua, a bik takin Start-up company ten investment amu tam deuh jel uhi. India company lam tuamtuam a sumdawng company 75 te chu:  e-commerce, financial technology, media, social media, aggregation services  logistics te ah Chinese major investment te ahi uhi.

Hia sumdawng: OLA, Hike, Big Basket, Byju, Delhivery, Dream 11, Hike, Oyo, Paytm, Snapdeal and Zomato a popular deudeu te pawl, Chinese investor ten company khat chouh ah zong Rs 4,000 crore lamlam investment abawlna te uh ahi.

India gam smartphone sumdawnna value Rs 2 lakh crore lak ah Chinese mobile phone brands, OPPO leh Xiaomi te'n 72 % lai hih sumdawnna ah vaihawm uhi. Himai hilou electronics sector –telecom equipment sumdawnna value Rs 12,000 crore te ah Chinese company te'n 25% lak control pha uhi.

India gamsung Television Market ah Smart TV ah 42-45% leh Non-Smart TVs ah 7-9% tang pha uh. Hichibang thou in insung van zak tuamtuam (home appliances sector ) sumdawnna value Rs 50,000 crore lak ah  Chinese made 10-12% ana hipha hi.

Motor bawlna khutlai tuamtuam (Auto Components) sumdawnna value Rs 43.1 lakh crore lak ah Chinese made 26% ahia. India gamsunga 37,916 MW Solar Power market lam ah ana nep teuhlouh uh. China made leh control 90% lai ana hi pha hial hi. Steel market  108.5 metric tonne kum khat a zuak khiat lak ah zong Chinese te bawl   18-20% market share ana hi lel dan ahi. Damdawi leh a siamna (Pharma/API) sumdawnna value Rs 1.5 lakh crore lak ah 60% lai China te a ki depend kihi top dan ahi.

Hia a tunga kigente ahi leh a lom lian deuhte mai ahia, tools neu leh components poimoh a neu tham te pawl tam tak Army canteen supply, army & civil zu man tam apan torchlight, lighter leh cosmetic products chihte leh thil dang tampi ah India te China huak leh khutsiam a kinga ahi.

Tua a tunga kigen zozai te hileh a brief theipen a kigen ahia, gamsunga thil bawl khe tuten hichibang thil te thakhat thu a mawk bawlkhiat di gual hilou ahi chi theitham diu ahi. Huajiaka gam mapuitu leader 2 te'n ki poimoh tuah ahidan theikawma mipi lungnatna te thawi didan lampi a zon ngaita hi.

Thukhitna
India-China ki sumdawn tuahna hi tunai ah nasa takin a khanga, a lang alang ah stake asan tuak jiakin China gam thil bawlte zankhat thu leh laa a nawl leh deih louh ngal top ( boycott) hi India gam a dingin thil chin louh tawpkhawk leh bawl louh dia hoih ahi. Khawvel gam tam tak leh India ngei zong lockdown khah kol in thilsiam khiat (manufacturing) kipan dia pan a lak thak laia Chinese thil siamna equipment and tools, leh components chi tuamtuam te hi a poimoh masak (immediate needs) ngal ahia, China a din zong a thil siam leh bawlsa zuakna (consumer) gam hi gam gi-ah sipai leh sipai kikal boruak sosang viau taleh zong huochi taka va kinelhsiah hi a solution hituanlou ding hi.

Source:
ZEE RESEARCH GROUP
ECONOMIC TIMES

Share: