Delhi: A nurse family overcome Covid-19

Covid-19" The way I overcome from and how I took preventive measures for myself and my beloved family

By ~ Margreth Haokip

Introduction:-
Keihi Margaret Haokip (Hangmi Chanu) kahin Kantohna ahileh  Sardar Vallabh Bhai Patel Hospital, East Patel Nagar. NCT Govt. New Delhi ahi.
Designation:- Nursing Officer kahiye.

Keihi insung hi kabon uva Covid-19 positive kahiuvin, tua Pathen lungset a kahung damdoh thei tah jeh uva, kahung kijen dan uleh kahung kisinsah dan u chomcham kanam mipite dinga kahin share ahi.

Brief History:
Delhia Khopia um kahiuvin, keima jong 17 May 2020 apat highly suspected (Directly contact with a positive covid patients) in 14 days adin home Quarantine kana um in ahi. 18 May 2020 nichun Covid Test kana kibol in hichun Negative kana hi in hinlah highly suspected kahi jeh chun ka Hospital uva Higher Authority hon Join kabol ding anop lou jeh un home Isolation din eisei un kana um tan ahi. Chujou hapta khat jouvin re-test din eihin kou un 2nd test chu Nism 28 May 2020 michun kaga kibol kitan ahi.

Amasa Test chu Negative kahi vang in ka 2nd test reports hi deilou umtah Covid Positive chu kahung hitai. Keiseh hilou vin Ka inn neipu leh kachapa Lenjopa kum 4 bou hinalai jong Positive kahung hikhom tau vin ahi. Kabon un Home Isolation/Quarantine din eihin koi tau vin mihem hinan lungthim nopmo naleh ilungneo kom jong a umda pon ahi. Hichun alen (adult) hi akijen dan ahah beh pon kachapa hi kana lung gim kei in ahin Pathen lungset najal leh kaum nau Houbung KWS-Delhi Pastor te ho Family leh Houbung mi leh engailu chenghon tanglou hel a etaoeih jing jal'un inmun ah ol ol in kahung kijen thei tauvin ahi. Kei leh kaji kacha kahung kijen nau chungchang thu hi kanam mipite kom'a kahin share nom jeh a tunia nakom uva kiphalam louhel a kahin share jeng ding ahi. Ajeh chu ijem atileh hiche Covid-19 dammo nahin ichen nau leiset hi ahindalhah tah lou mai thei ahi. Tuchan a damdoi kisemdoh loulai ahijeh a natna a kon'a kivenjouna ineitah lou ujongleh dammona ichunga a umkhah jengle iti kijen a pha ham tihi ihet diu kadeipen ahi. Hiche dammona neiho kiven ding dan chomcha kahin sei ho noiuja bang hi aban ban in anasim cheh uhite.

1. Twisa sapet (Boiling water) hi each and every 30 minutes jou cheng in kadon jiuvin.

2. Steam Inhalation (Twisa hu kilhut khum sah) enah a kihiplut chuleh ekam a jong kihiplut ji ahin hichu  every 30 Minutes joucheng or kiman phat chan in kabol jiuvin ahi.

3. Immune system tahsa hatsah din Homoeopathy lou Alfalfa Tonic 1 tea spoon chu nikhat in nivei kadon jiuvin ahi.

4. Arsenicum Album 30C hi 5-7drops half glass of water hi ni khatna nivei kadon jiu ahi.

6. Ann tui na din Multi vitamin nikhat na Khatvei kaneh jiu ahi.

7. Luchang nat na Plain Paracetamol jong kane jiu ve.
Hiche hi kei le kaloipa kijen dan lhangpi chu ahin chule kacha iti kajen e mama kajen dan jong chomcha kahin sei nom kit e.
Ka chapa hi Kum 4 ahi nalaije.
Mipilhing banga kisisah theilou ahijeh in amahi:-
1. Multi vitamin AtoZ jingkah bunehjou in kadon sah ji e.

2.Vitamin B-Complex nilhah buneh jou vin kadon sah in

3. Glucon D orange leh Bongnoi hi aman adon jing naban in every 2hrs jouchan in kadon sah jin ahi.

4. Azithromycin Syrup 5ml nikhat in khatvei kadonsah in hichu ninga ( 5 days) kahin donsah jing in ahi e.
Chuleh insung kaum khom nau va adang Kachapa neopa kum 2 jong um ahin amajong a upa don bang bangin  abon in kadonsah jin chuleh ka sopinu kaumpi in ama jong keiho neh neh leh keiho don don chu kadonsah a kanehsah jing ahi. Chule insung jenga jong kabon chauva Facemask kamansoh keiju ahin hitia chu ni som kahung umu ahi.

Nisom jou hin symptoms kiti leh neo cha cha kanei ji hou ahung mang pan pan tan.. Bu leh Me ineh jong anam kahin ja pan pan tau vin ahije.

Ni som leh ni li (14 days) Home Isolation/quarantine chu ima boina um lou vin kahin gaal kai thei tah jeh un Test ima bol ding jong Govt. In eiphal tapou vin ahi. Adam kahi tau ve ti chu kahin phongdoh nom ahije.

Pathen Lungset najal in Ka tohna Hospital a Higher Authority ho lungset kachan leh Ka Houbung mite KWS- Delhi Pastor ho Family sese leh KWS-D Nuteho sese leh Insungmi te leh eingailu jousen mimal hihen insung maicham a taona a neihin kop jingjig jeh uva tua damtheija um kahi tau ve. Facebook hihen WhatsAap a loi le pai ule nao ten jong neihin khoh sah nau neihin support nau chunga kakipana alenin kipa thu seijou lou kahin phongin ahi.

Tutu a ii Thinglhangmi tampi Delhi a um adeh a Nursing Office ho leh Aji acha Positive hi ka-um sao sao nalaijun hijeh chun mitin in taonan nei hin jui jing uvin tia temna toh taona kahin nei kit ahi. Ajeh chu Pathen pan nalouvin mihem in ijat kingaito jongleh imacha lolhin na umlou ahi tihi keima tahsan khat ahi.

Hiche Nat phalou tah Covid-19 hi kijenseh hilou vin Pathen in eikou nau khat ahi tin kagel in Pathen kom inai cheh nadiu vin kagel in hijeh chun sopi uleh Nao ho taonan lhasam hih hel ute. Taona jal la keiho jong hungdam doh kahiu ve. Chuleh kasei be nim khat chu hiche dammona veiho itha ijung hatsah nading phat tamjo ihmut (sleep) bolding ngai ahi.

Kaji kacha te ihmut nung teng keijong kakigel ji in, minu khat kahin ijem tin himona nei leng amaho hi ipi ti ding ham tia kagel ji a jalna khun chunga kho helouva lum amahocheng kavet jiteng kaji kacha te kangailut naleh kalungsetna akhangtul tul jengin, chuteng mitlhi pumin Pathen hengah taona kamang jin, hagel a kigel jong aphalou ahi ti a kagel ji vangin mihem hina kigel lou thei akihi ji lou jeh in minu khat din hahsat na tampi akito dapon ahi. Hiti chun ahithei chan invang ha ihmut ding ngaitonan kakilhim lhim jin imut nading phat kanei kom chun ka ihmu jing thouvin ahi. Hijeh chun Covid-19 Positive kahi e tia vang lungneo nading hagel lou beh ding ahi.

Ahoipen vang chu hiche Natna hi veilou natei dinga kiven doh chu aphapen ahoi pen ahitai. Hijeh chun kanam mite, totnan gel louvin, kiven bit pa hi hagel cheh u hite, Ijem tia vangset pia hetman louva ihung positive khah tah jongleh lungneo louhel a kijen dan vang thase louhel'a kahin seiho chungvum'a aphajo cheh a kijen thei ahi tihi tunia kanam mipi te kom'a keiho insung kijen dan chungchang kahi share ahi. Asim jouse din manchah pha hitei tei hen. Kakipah e.

Share: