ST Hau Go tanchin tomkim

Sangmang Hau Go zong kici hi

ST Hau Go in 1946 kum in B.A (Hons) leh 1948 kum in India gam Madras pan M.A (Philosophy) tawh na zo hi.

1950 kum in USA pan Laisiangtho lam tawh kisai MRE degree na zo in, 1953 kum in HBA, FBA leh TBA teng gawmkhawm in, ZBC kici ZOMI BAPTIST CONVENTION na phut khia in General Secretary na sem hi.

Tua ban ah Mandalay University leh Yangon University te ah zong Lecturer na sem kawi kawi hi. March 1,1996 ni in leitung nuasia hi.

Ama phusa ZBC zong, Tedim kampau Zomi teng in taisan ta ahiman in, 2013 kum in CBC (Chin Baptist Convention ) tawh kilaih hi.

Chin kici khempeuh Zomi ah gawm in ZBC a phut zo Mipil, mi muanhuai Pasal tahtah kicipa ahihi.

Hau Go muanhuai dan pen India Paite makai Pu Neng Za Cin in agen na ah, "Ih sanggam Tedim mite in Kahpa sik tawh kibawl Heipi hoih mahmah khat om napi zatloh in koih mawk uhi," naci kici hi.

"Zuangtho dih aw Sangmang Hau Go
Zo gam lei leh ih ZBC
Zuun lo tulpan kai ninel ee
Gamhe zong kaai pan ta lawm aw."

~ Sie Mungsen
19-05-2020

Share: