Phullen Vengthar Kohhran chuan May 6-9, 2020 chhung khan an Kohhran mi, Pi Vanlalchhuangi te chenna in Assam type-in an sak thar sak.
Pi Vanlalchhuangi hi a fate 3 nena chêng an ni a, an in hmasa hi ft.18x12 niin a têt mai bakah a chhe tawh hle ani. Tin, veng mawng ber, daikil kara awm a ni a. An kawmchhak lane-ah, chhungkaw dangte pawh an intlarna hmunah ft.21x15, bathroom/toilet leh tapchhakte nam pûkin Kohhran hian ṭha takin an sak sak ta a ni.
He in sakna tur atan hian mi inphalten thilpek chi hrang hrang an pe a, sum thawh tlingkhawm hi ₹ 65200 zet a ni a, Kohhran Tualchhung sum ₹ 40000 vel an hmang bawk.
In sakna hmanraw chi hrang hrang te, ei leh in turte mi inphalten an thawh khawm a, a ṭulna apianga hman tura khâwl leh motor phal taka thawhchhuahpui an awm reng bawk a, bialtu MLA Pu Lalrinliana Sailo chuan hnatlang ei leh in senso atan ₹ 5000 a pe bawk.
Hetianga Phullen Vengthar Kohhran huang chhung leh pawnlam aṭanga thilpek hrang hrang petu mi inphalte chungah leh hnatlanga thawk chhuak zawng zawngte chungah Phullen Vengthar Kohhran chuan lawmthu an sawi a ni.
Phullen Vengthar Kohhran hian nikum 2019 October thla khan mi harsa, chhungkaw 1 in an lo sak sak tawh bawk a ni.
-Ms dawngliana
via Social Media
.png)
.JPG)
No comments:
Post a Comment
Comments not related to the topic will be removed immediately.