MAY SUNGIN MIZO NUNGAK TUIKIA 4 PHA

MIZORAM, MAY 27, 2020:  Tukha sung in Mizoram mun tuam tuamah nungak lai ngen tuikia 4 (li) tak om pha hi.

A nunungpen Nora Lalnunpuii (26), Dawrpui West, Aizawl  zan sunnung dak 2:30 velin Tuivai ah kia a, zankhua a zon ahih nungin tuzing dak 3 velin a kiakna li a kilamkhia a muhin om hi.

Tu May 2020 sung a  Mizo nungak tuike masapen Lia Malsawmkimi (30)  d/o LH Lianzuali, Hnahthial, Electric Veng hi a, May 7 sun in  Tuichang luiah kelum a, a luang mu ngal uhi. Hnahthial nungak fel leh suanhuai mahmah ahi.

A nihna tuh Lia Lalnunfeli (20) d/o Lalrindika, Khatla Section-II, Aizawl ahi. May 18 sunnung dak 5 velin Serlui ah kia a, a luang kimu ngalin, May 19 sunma dak 10 in vui uhi. Amah a lawmte 2 toh kia ua, tui a san deuh ziakin mu hak deuh ua, dam zoulou hi. Amah tanu neihsun hi a, Govt Aizawl College a BA (English core) zirlai ahi.

A thumna tuh Vaivakawn nungak fel Lia Esther Lalramchhani ahi. Esther Lalramchhani (33) d/o Lalzawmliana May 19 sunnung dak 3:30 vel in Tuithum Khawhpawp a a lawmte toh kipawllim ding a hoh Sabe Khuangkai in la a, Lawipu Branch YMA member te'n panla pah ngalin luidung a zonh ngal ua, a kiakna apan Km 2 vel, Tuithum ngakik khen phakma deuhah a luang va mu uhi. Amah Oxford Higher Secondary School a semlai hi a, Central KTP  in Kumpuan film a bawl, 'Hnehtu' chingtu leng hi kha in, a sih tanin KTP Vaivakawn Branch Sh Group Leader leng ahi.

~ T⭕NGSUAH NEWS 📡

Share: