KA GEN BANGIN GAMTA IN

🍉KA GEN BANGIN GAMTA IN LA KEI GAMTAT BANG IN GAMTA KEN🍉

🙏Na nu a damlai in a thupha dawh meng2 in la na mawhna te thuum kik meng2 in.

A sih khit teh bangmah sem thei nawn lo hi teh.

🙏Na nu pau te dawng kik2 in, na nu khasia sak kei in.

Na nu khasiatna in nang aa dig na khan tawn cih mawhna ahi hi.

🙏Na nu damlai in, an lim tui lim pia in la nikten puansilh guan in.

A nek zawh nawn loh hun hong tung pel mawh ding hi.

🙏Na nu a si thei lo ding sa in, awl mawh lo in om kei in.

Hong si leh a si hi ziau hi.

🙏Na nu in ngap keng, ka ci nuam kei a cih ciang in za to ah puak pah in, na hih theih zah in bawl pah in.

Na neu tung pan a man hong bawl, hong khoi khin hi.

🙏Na nu kem man lo, khoi man lo, vak man lo liang in sum zong paai zong in na zin suk, na zin to kei in.

Na nu na lung kimtak in kem in khoi masa zaw in, na kep kei leh ki sik ding hi teh.

Na nu lungdam sak in la, a lungkim na ding in gamta in.

Na nu na lungkim sak leh na thupha lian ding hi.

🙏Na nu a dam loh ciang in za tui, za ha tawh bawl pah pah in.

A sih khit teh na bawl nop hang, ki bawl thei nawn lo hi.

🙏Na nu in duh a neih leh sum leitawi in lei sak in.

A duh zawh nawn loh hun, a nek zawh nawn loh hun hong tunma in.

🙏Na nu damlai in ama' tangthu leh ama' om ziate theih sawm meng2 in.

Hong si khin leh na dot ding om nawn lo ding hi.

🙏Na nu damlai in thu dong2 in la vai khempeuh thei sak in.

Hong si khin leh na dot nop hang na khasia lel ding hi.

🙏Na nu damlai in na khasiat sakna, na heh sakna te amai ah thuum tek2 in.

A sih khit teh na thuum nop hang, na lungso lel ding hi.

🙏Na nu damlai in, na khangthu na neulai thu na nu hong itna thu te dong2 in.

Na dot kei leh a sih khit ciang kisik ding hi teh.

🙏Na nu a na thei lo ding, asi thei lo ding sa in khual gamla ah zinsan kei in.

Zing ciang thu ding ki thei lo hi.

🙏Na nu si pak ken teh ci in lung muang in hopih lo in om mai mai kei in.

Na kisik lel ding hi.

🙏Na nu tawh na ki ho ciang sum tam bei lua ci in phone khia pah pah kei in.

A sih khit teh phone sum tampi bei in na honop hang hong dawng nawn lo ding hi.

🙏Na nu a dam loh a sawt ciang in cimtaak in kih huai sa in, pam paih kei in.

A sih khit teh na nu khoi nuam in na kah2 hang, na nu hong tho kik lo ding hi.

Na zi hang in na nu mudah in na nu nawlkhin kei in.

Na nu hong it zah, na nu hong kep zah, na nu hong bawl zah in na zi in hong bawl lo ding cih phawk in.

via WhatsApp
13-05-2020

Share: