Eimi lakah Covid-19 vei masapen thugen

KEI leh ka innkuanpih te covid-19 positive in, ka inkuan un  ni bangzah hiam hospital ah ka om uh hi.

Hih ka om sung un treatment bang mah hong ki hih tuan lo hi, Asymtomatic treatment ci in khosik I neih leh PCM, gawl a nat leh Azithral N, gawl a thak leh Cetrizine cih bang in hong ki pia leh hi.

Kua peuh mah covid -19, hi ding a iki upmoh leh zong  ki test sak pah ngai se se lo in, ei inn chiat mah ah  ki quarantine in, tuilum dawn tam, chi (salt toh tuilum a gawl khuah mun ding, hitang pian a iki theih leh steam (tui hu dik) ding.

Na khat peuh peuh nek le dawn te a vot  lam peuh mah ki deek ding,  dawn loh ding hi pen phatuam sa ing. Ka cih na in hospital sang in inn ah na teng om kim zaw a, a ki sap le zong va leitheih hi zaw lai hi.

Hospital sung a, mi mul lit leh ten  luat a va om pen anop pen hi hetlou hi. Tua sang in ei inn sung tek chiat mah ah  ki isolate in nek le taak hoih tak in ne in dawn peuh le hang hoih zaw tham ding hi.

A kul nawn khat ahih leh ihmu  kham ding nikhat a naikal 7/8 bang ihmu le hang i  immune system hong hat in ki negative pah lel ding hi ni 14 (days) khit ciang in.

Tuaciang  in va mok lauh luat ding zong  hi sam lou hi. Ei India te pen nat na dou nalam ah ki hat bil bel ana hi dan hi, za (medicine) bang zong hat sim pi pi ana ne khin te a ding in va lauh luat zezen louh hoih kha ding hi.

Ko zong ka innkuan un hospital ah ni somnih (20 days) val bang ka omna uah treatment bang mah pi hong ki pe lo hi.

Ken ka khuh cia ka gen leh Cough Syrup khat hong pia tua bek hi mai. Ei singtangpa/ nu theihdan in tuilum lam hah dawn  ding hua pen a za (medicine) hoih pen hi sa mai ing.

Kei experienced dan in hih virus pen in ipumpi ah i immune system, a hoih nak leh i taksa tung apan in ni sawm (10 days) sung lel in zong bei thei hi ding in um ingh.

Kou zong ka innkuan un mi nga (5 persons) bang test nihvei/ thumvei bang  ong hih chiang un negative vek in, inn ah chiah kik thei vek ta ung.

Hih kong gelhna hang pen a panic lua bang I om khak uleh, mok panic luat kullo ahi. Alau lawzen ten alauh luat man un gimse ut zo se uh hi.

Akimuangmoh leh a lau lua bang  iom khak zenzen leh cia kng gelh ahi.

Hih pen kei mimal experience apat kong gelh pong hin ahi. Ana phattuampih thei bang i om khak leh lungdam, Topa thupha, Topa jehorafa ahi

~ H. Kikim

(A gelhtu ahileh Charapalika Hospital, Motibagh, New Delhi ah Staff Nurse ahi.)

Share: