CORONAVIRUS zieh a khovel pumpi in lockdown akibawl lai in Shillong aum Pi Manpi w/o Upa Khamzalam Manlun in Pasian kunga kilan in ka bawl theipen chi'n Laisiengthou simna anei hi.
Dt. 20/04/2020 apat 30/04/2020 (Ni 11) sung in khatvei a simsuo a, tualeh a nivei na dingin Dt. 2/5/2020 apat 13/05/2020 (Ni 12) sung in asim zou kia hi.
Ama hi diabetes natna nei ahia, mit hatlou ahiban ah natna ziehin gilkial bai, tha chau bai hinanleh Pasian min in ama leh ama kihambawl in ni 23 sungin Laisiengthou bu nivei busuo hi.
Tambang Upanu MELC (Manipur Evangelical Lutheran Church) sunga inei kha uh Pasian guolzawlna ahia, ikipahpi mama hi. Upanu Manpi in Laisiengthou asim dan Hattuom mite etton dingin hoi mama hi. Lockdown hun sunga Pasian thu Laisiengthou a Hagau Ann kivah zing ding khu gingtu hina ah poimaw mama hi.
Pasian in Upanu Manpi guolzawl in um tahen. Mailam hun ah Laisiengthou simzou zel ding leh etton tah hizou dingin Mangpan umpi tahen. Ama leh a innsung mite'n guolzawlna atan na uh hing hita hen chin deisahna lianpi ka pie hi.
~ Bishop, MELC
-:(24-05-2020):-
.jpg)
.JPG)
No comments:
Post a Comment
Comments not related to the topic will be removed immediately.