NAUPANG NIPI-SAANG SIATE LAMHILHNA By: Pastor Thangdoulal

NAUPANG NIPI-SAANG SIATE  LAMHILHNA

By: Pastor Thangdoulal

A Sunga Thu Omte:

1. Thupatna

2. TheihMasak Ding

3. Zilsakmite a diing a poimawh sil thumte.

4. Tup Leh Ngimte Genna

5. Na zillaitethei in. (Know  your students)

5. S/S Oja A diing a Theih Diingte

7. Thukhumsin: Self-check

THUPATNA

Thuhilhna a Theih Diingte 

A. Na thuhilh pen, nang mahmah in limtak in theichian in.

B. Na naupangte hinkhua bangchibang a na kheek-sawm e chih theichian inla, hilh in.

C. Naupangte'n a zillai ua a lungsim uh a piakna diing un panla in. 

D. Nang leh na naupangte a diing a theihbaihlam diing kammalte, leh hilhchetnate zakdaan siam in. 

E. Naupangte'n a theihsa uh thute a kipan a, a theihngailouh uh thute a na lamkaih diing ahi. 

F. Na naupangte'n a lungsim ua om thute a tak a a hinpihna diing un kilawpsak or thanuamsak in. 

G. A zillai uah, naupangte kihelsak or pangsak gige in. 

H.  Naupangte'n a zillai ua kipan a ngaihdaan thak, thu muh thak a neih uh leh a neihlouhi uh theichian gige in. 

I. Hilh thak-thak inla, na zillai etchetpih inla, na zillai ua kipan in zillai dangkhat piansak sawm teitei in. 

1: Theih Masak Diing:

'A chiil in thu a om a, tua thu Pasian tawh a omkhawm a, thu pen Pasian ahi' Jn.1:1.. Pasian neiloute'n tua thu a neikei ua, tualeh thu neiloute'n mite kiang ah, a hilh diing uh thu a neikeiuhi. Thu tawh na omkhawmnai le??? 

"Pasian pen kha ahi a, Amah bete'n kha leh thutak a a biak teitei diing uh ahi" Jn.4:24.

2: Zilsakmite (Teacher) A Diing Apoimawh Sil Thumte

2.1: Lungluutna lam ah:

2.1: A. Ginna lam thu a mi kilawp. 

2.1: B. Pasian it mi (a hinkhua a khagahte kilangkhesak) 

2.1: C. Mipite it kipaakpih.Mipite tawh omkhawm nopsa leh hanthawnna lam thu kipaakpih ahih diing ahi. 

Hih a tung a sil thumte a lungluutlou Zilsakmi pen naupangte'n poimawhlou uh hi.

2.2: Hahkatna lam ah:

2.2: A. Thuakzou/ Dawhthei.

2.2: B. Midangte sil bawlkhelhna pen kei a hung kipan hikha ding hi chia simdaan siam.

2.2: C. Detdou leh ki-ngaisanglou. 

2.3: Suangtuahdan Siamna lam ah:

2.3: A. Damsunga Zilkhemi / Naupangte tawh zilkhawm.

2.3: B. Gen nop or chihnuam… 

2.3: C. Silthak entawntung… 

3: Tup Leh Ngimte Genna

I tup leh ngim pipen uh ahihleh, thupina/ biakna zousiahte Pasian piak diing ahi.

Midangte it a, Pasian nna sep diing leh mi dangte zong Pasian a diing a chial diing chih ahi. Hua diing in hih a nuai a thute (Bible taangte) i theihsiam masak diing uh ahi.

3.1: Naupan hunlai a pan a Pasian itna neih ding:

"…tualeh nang pen na naupanglai a pat Khrist Jesu a ginna ziak a hundamna mukhop a nang hung hilhpilthei, Laisiangthou thei na hita hi. " 2 Timothy 3:15

3.2: Suul Sung Ah:

"Kapian chiil a kipan in na tung a ngak ka nahi a, ka nu gil sung a kipan a ka Pasian mawng na hi hi." Psalm22:10

3.3: Naupang, Nausen leh Skul kai nailoute

"Melma leh phubala mite daihsakna diing in naupang leh nausente kam a kipan in, gaalte ziak in kulhpi na tungding hi." Psalm 8:2

3.4: Skul Kai TheiPanpante

"Pasian aw, ka naupanlai a pan a nung na hilh zelziak in, tuni tan in zong na sil lamdangbawlte ka phuangzaak zeel hi." Psalm 71:17

3.5: Naupangkum 13 chingnailoute(Preteens)

"Tualeh amah kum 12 ahih in daan dungzui in ankuang luina ah a hawhtou ua.Tuatak in aman a kiang uah, "Bang diing a hung zong na hi ua? Ka Pa inn a omka hi chih theilou nahi uh hiam?" achi hi.Luke 2:42, 49

3.6: Naupang kum 13-19 (Teenagers)

"Khanglai aw, na khanglai nite in nuam in,na khanglai nite in na hinkhua ah nopna hung pia hen. Na lungtang deihlam-lam zui inla, na mitmuhna lam-lamzui in. Hilehzong sil zousiah ah Pasian in na tung ah vai a hawm diing chih mangngilh ken." Ecclesiastes 11:9

Hih a tung a Bible taangte tawh kituak a i tupna uh ahihleh, Naupangte'n Pasian a ittheihna diing ua panlak diing, thupina leh biakna zousiah Pasian piak ahihna diing a panlaak diing, Pasian itna tawh mi dangte it a, a nna sep diing ahi.

4. Na Zillai Naupangte Thei In.

Zilsakmi khat in lohchingtak a a zillaite thu-le-laa a zilsak ut a ahihleh, a zillaite kichiantak leh mimaltak a a theih a ngai a, hua diing in, a zillai naupangte thanopna lam leh ahihtheihdan uh leh hihtheihlouh dante a theih a poimawh hi. Zillai naupangte mizia tangpite hih anuai ah i ensuk ding uhi.

4.1: Beginarte Or Naupang Kum 6 Nuailamte.

4.1: A. MiziaTangpi: Tang hiit-haat, Ham ut/ Ham kizil, i bawl-bawl bawl ut uh. Laubaih leh Gimbaihte ahi uhi.

4.1: B. Apoimoh Uh:Activities kheng thimthem diing (A tuamtuam bawlpih gige diing). 

4.1: C. A Theihna Uh Sandan: Ahou-ahou…. Taangthu i genkhat gen dendon ngai….

4.2: Primarite or Naupang Kum 6-8 kikaalte:

4.2: A. MiziaTangpi– Thathou or kilawp, Kamtam or hamham, group activities nopsa, dokna dok haat, zilsakmite'n gaihsakna zong, gelh leh sim kizil, taksa a pichinglou leh a dang tampite ahi.

4.2: B. Apoimoh uh– Zilsakmite gaihsakna, activities tuamtuam, haam hunneihsak, chihte ahi. 

4.2: C. A Theihna uh sandan–Laisiangthou pen laibu manpha ahi chia phatthei, Pasian leh Jesu Khrist itna diktak neithei, theihna lam a khangtou in khelhna kichi bang ahihlam thei panpanta uh hi.

4.2: D. Kilopna- Thangthu gen, Bible games, Lemchiing a kimolna (Dramatic play), Music leh laisim chihte ahi.

4.3. Juniorte Or Naupang Kum 9-11 Kikaalte: 

4.3: A. MiziaTangpi–Thathou/ hat, diktak a ngaihtuah, group activities deih, dokna dok-haat, ama ngaihdan nopsa, hoihna or dikna theitheita, zil-ut, awlsamtak thei, panpih diing a mansa a om, hilezong bangchi panpih diing chih theiloute a hi taang hi.

4.3: B. Apoimoh uh– Thilkhat zilkhiatna diing a activities tuamtuam poimawh, Ngaihsaktu zilsakmi, leh ama'uh thalopna gensak zeel diing, chihte ahi taangpi hi.

4.3: C. A Theihna uh sandan– Thului leh khangthute theisiamta, hinkhua haksatna a laisiangthou vohdan theisiamta, Jesus hundampa ahihna theisiamta, khelhna, leh hutdamna poimawh daan theisiamta.

4.3: D. Kilopna- Drama, projects, field trips, role play, puppets, Bible games, bible research, art activities, music, reading, listening, memory work, leh ama'uh Bible kizak utta chihte ahi taangpi hi.

7

4.4: Intermediate Or Kum 12 Tunglamte

4.4: A. MiziaTangpi–Kizenlou (Awkward), khang huut-huut, mahni a pilvang kisa, buai chiaichuai (boisterous), zalen, peer approval more important than adult approval, interested in the opposite sex, capable of abstract thinking, able to reason, developing his own faith and value system.

4.4: B. Apoimoh uh–Gawtna omlou a lamkaihna, mimal deihteelna neihsak, consistent strong adult models of Christianity, challenging material, social activities in a Christian environment.

4.4: C. A Theihna uh sandan- Understanding and application of Biblical principles in life, what sin is, Jesus as Savior, interrelationships in Biblical material.

4.4: D. Kilopna- Field trips, Bible games, music, discussion, Bible research, role playing.

5. Naupang Nipi-Saang Siate Theih Diing

5.5: A. Naupang S/S klass a diing a thu-ngetna neih gige ding ahi. Adiak a klass kipat masang leh tawp chiang a thu-ngetna neih diing ahi. 

5.5: B. Kipat hun a tun masang minute 30 vel a, tun masak diing in, lungme-khaumok apan a bitna diing a klass room tengcheck-in hoihtak a bawl diing ahi.

5.5: C. I zillai pen ban a i zilkik diing pen gen a, i naupangte theihsak or kilopsak diing ahi.

5.5: D. Pasian nisial a Zillai tawh kituak a Bible story laak a, zillaite tawh drama type or genthoh a hoihtak a bawl ding ahi.

5.5: E. Group a thu-ngetna hun neih diingdaan plan bawl a, zillaite kiang a, tuni Pasian kiang a kipak thu na gen utna bang e, chihte dok diing in a hoih hi.

5.5: F. Zillaite laa thak hilh zeel-zeel diingdaan zong suangtuah diing ahi.

5.5: G. Zillaite lautheih diing bangmah bawllou a, kheem zong kheem khaklouh diing ahi.

5.5: H. Zillaite lak a mimaltak a neektheih neek chihte phal mawngmawng louh diing ahi.

6. Thu khumsin

Self-Check- Mahni Ki-etchianna

S/Skulpu na hih daan dungzui in, limtak in ki-ngaihsun inla, hih a nuai a doknate khat-khat in dawng in: 

1. Sunday Skulpu (Sundat School Teacher) na hihna ah, nang leh nang bangchibang in na kimu a?

2. Na naupangte na itdaan, na ngaihnat daante leh na kigawppih daante a kibang chiat ei? Khentuam na nei ama?

3. Na naupangte'n na thu gen or na houlimnate a ningtel-huai a sakha uh maw?

4. Nipi kaal simsial a, na hilh ngai pen mah na hilh zeel maw?

5. Na naupangte kineppihtak in Pasian thu na hilh ei?

6. Na naupangte na hilhna diing in kisak-kholhna hun hoihtak in na nei ei?

7. Na naupangte'n na zillai uh, lungluuttak in a zil un na thei ei?

S/Skulpu zousiah (Sunday School Teacher) Toupa'n Thupha Hung Pia Henla, Naupangte Na Lamkaihna Uah Hung Lawhchingsakta Hen

Share: