KHRIST THOUTA HI, EITE ZONG THOU NI

- By: Pastor Thangdoulal Thangkhal

Jesu Khrist nung ka zuihkhawmpih saptuamte, i Pa Pasian, Tapa Pasian, Kha Siangthou Pasian min in, kei leh ka innkuante'n lung kituaktak in, Innmun pan in chibai ka hung buk hi.

Khrist a thouta, leitung mite mawhna zousiah pua a A sihna a kipan in thouta hi. Nang na mawhna teng sipihden-mai diing maw? Zu dawn or zu nete aw, zu neek mawhnate a kipan a i thohkhiatna diing ua Khristian kichi a Jesu nungzuite hilou i ma? Teep-le-muam edict (zongsang) mite aw, i teep-le-muamte nusia a, Jesu a diing a kipia a Khristian kichi hilou i hi hiam? Khamtheih-guihtheih zongsanghte aw, i zongsat uh silte tawh bangchidaan a Pasian mi siangthoute tawh lungluuttak a Pasian bethei diing i hi ua? Mi gensiat, lungsim sia, mi dangte siatna diing a kilawp, ham-huai, ang-huam leh sil zousiah a gongsante aw, i hihna bangbang ua kipan a thoukhia a Jesu nung zuita diing a kipia a, Khristiante hilou i hi hiam? Leitung mite mawhna Jesu tung a a tuk ziak in a si a, (Jesu sihna pen, mawhnate pan a i thohkhiatna diing uh ahi) tuapen thouta hi, nang bangchih na sawm a? Na mawhna na tung a omsakden sawm na hihkei leh, tu in na mawhnate nusia in, na mawhna a kipan in thouta in. Khrist thouta hi, eite zong thouta ni aw…. I thohna diing ua eite hung panpih diing a i lam-et uh hih a nuai a thute i en diing uh hi.

 BIBLE: Rom. 6:10, Ama sihna pen, khatvei-a ngamden diing a khelhna sihsanna ahi. Hilezong ahinna pen Pasian lam ah hinna ahi.

1Pet. 2:21-25: 21 Huachibang bawl ding a sap nahi ua, aziak Khrist in zong akhap a najuih ding uh, na etton ding uh hung nutsiat in eite tangin a nathuakta hi. 22 Aman khialhna mawng mawng abawl kei a, tualeh akam ah zong khemna thu apawt kei hi. 23 Enghou a a omlai in a thukkei a; athuaklai in zong, a vaukei hi; hinanleh diktattak a ngaihtuahpa kiangah akikemsak jawhi. 24 Eite khialhna lam a si a, hinanleh diktatna lam a i hintheihna dingin aman ama pumpi ah i khialhnate kross dawn ah apua a, amah kivuakna hualte ah sukdam in na omta uhi. 25 Aziak belam bangin na na lammangta uh a, hinanleh tuinjaw Belampu leh nakha uh vengtu kiangah na hung kikkikta uhi (Thangkhal NT).

JESU KHRIST THOHNA THEI A THOH SAWMLOUTE

"Ka mawhna pua in Jesu Khrist a, Pasian mai a siam or dik ka tanna diing in, sihna a pan in  thouta hi. Jesu Khrist sihna, Kaihthoh a A omna, leh Jesu Pasian tapa ahi chih ka gingta a, hih ka ginna ziak a siamtansak a om diing ka hi a, ka nna septe or sil bawlte ziak a siamtang diing ka hikei hi. Tuaziak in ka innsung a ka mawhpuaknate, ka bawl diing a lawmte ka bawltheih pouh leh, ka tate ka kep a, ka innsung mite a diing ka khual pouh leh kei mimal hinkhua a ka sil bawl, ka teep, ka muamte a khawkna bang e? Leltak. Bible in a deih lungsim a siangthouna ahi," chih ngaihdaan neite pen, a mawhnate a khailupna diing singlamteh paw lou a Jesu nungzui kineihte ahi uh hi. Aziak pen, Matt. 10:38 in hibang in a hin hi: "Ama khros pawlou a hung zuite pen, ka mi hitaak ahi kei."

Tualeh Kilaakna bung nihna a Ephesa saptuamte bang a, Khrist itna panglou a Khrist nungzuite, Pergamos saptuamte bang a Pasian bia hinapi, Pasian deihbang a nna semlou leh sil bawlloute ahi diing in ka gingta hi. Pasian theihna in eite Pasian kiang hung tutlou diing a, Pasian neihna in eite Pasian tawh hung omkhawmsak diing hi. Khrist in a keengkhaap i zuih diing ua a hung nusiat ziak in, ki-ngaihsut thak ni hang in, KHRIST BANG A MAWHNA A SI A, PASIAN LAM A HING DIING IN JESU MIN IN I KI-NGEN UH HI.

JESU KHRIST A KIKHEELNA NEILOUTE KIKHEEL DIING A NGETNA

Pianthakna kichi pen kikheelna ahi a, a kikheellou a piangthak kichi i gam a adim-aha in omta hi. Matt. 16:24, _"Jesu`n a nungzuite kiangah, 'Mi khatpeuh in ka nung azuih-utleh amah ki manghilh in a Singlamteh pua in hungjui hen,' achi hi."_ Eite pen ei-le-ei ki-mangngilh lou i hihman un, i pianthak masang a i hindaan lui teng zousiah uh i nuse-thei kei uh hi. Pianthak masang a khaini muamte'n a pianthak khit chiang un zong muam veve ua, tualeh saptuam a dinmun saangzaw a kipiak chiang in zong muamlai veve uh hi. Hibang mite hinkhua kumpipa ahihleh Jesu hilou a khaini ahi. Piangthak kichi napi a, a hindaan luite nuse-lou mi pen a piangthak a hikei. 2Kor 5:17, "Tuaziak in, mi kuapeuh Khrist a a om leh, silsiamthak ahita hi, silluite abeita a, ngai un, sil zousiah ahung thaksiangta hi." Nang a na sil luite a beiloupi, na sil luite a beilouhlai siah, a piangthaklou na hi. Jesu Khrist a kikheelna neilou na hi. Tuaziak in na mawhnate Jesu tung ah aap inla, Amah a diing in kipia in, Ama'n na mabaan diing a ngaihtuah na diing hi. Laate 37: 5 "Na lampi diing Toupa tung ah nga inla; amah muang in, ama'n a hung sem diing hi." Na hindaan luite nusia a Jesu a diing a hinna thak tawh kipan diing in Jesu min in ka hung ngen hi.

TOUPA'N THUPHA HUNG PETA HEN

KHALVONTAWI

VOICE OF THANGKHAL

Share: