Ginsuanhau in Chitui mun enkhie

"Zomi Chief Association in Manipur Chief Minister lungtang dengkha"

LAMKA,  2020 APRIL 27: Pu Ginsuanhau Zou @ GS Haupu, MLA & Chairman, MANIREDA in tuni sunmasang dah 9:00 in Singngat leh Behiang pha in COVID-19 tungtang a security leh medical lamte panlahna amun ah va-enkhia hi.

Aman Behiang Police Station a security-te panlah dan enkhia a,Tam hun ah SDP/CCPur leh Behiang Police Station OC te kimupi in hahsatna a neite uh genkhawm uhi. Behiang ah Police leh IRB-te a tuam chiat a, a um theina ding ua panla ding ahidan gen hi. Behiang Police station ah tuihasatna tungtang a ama boltheitan a panla ding in gen hi.

Tuazoh in Tonjang khua a Chandrakirti Park (Chiru)jong vapha in etkhiatna vanei hi. Aman agenna ah, Tonjang a Chandrakirti park tungtang ah Zomi Chief Association (ZCA) pawl in zania thusuah a nei uh Manipur Chief Minister lungtang dengkha chithu gen a, tampen a hunlai a sawisel lou a,tu a kikhelnua a sawisel kichi sil hithei hilou ahidan gen hi.

Gam 4.6 acres a lian tami mun ahileh Government gam hiding a, Manipur Art & Culture etkaina nuai a Tourist Resort bawl hi ding a, tuami  ding injong Government in Rs. 22 Crores val sehkheta chi'n gen hi.

Tami kibawl leh a hamphatpi ding a bial sung mite ma hiding ua, Tourist Resort mun ah khualzin mite tungding ua, a kim ah hotel leh
a tuamtuam summu theina um ding chi'n gen a, a hamphatpi ding a kim leh kiang a tengte ma hiding uh chi'n gen hi.

ZCA in tami a theisiamlou zia uh
ahiban ah member tamtah um nanleh member tamzaw theipi hilou a, mi bangzah ekhat thupuhna hizaw dan in gen hi.

Tuajou in Behiang PHC mun vapha in doctor leh nurse duty-te kimupi a, COVID-19 tungtang a amun a duty te tung ah kipahthu gen a, PPE set 10 Surgical Mask 50 leh Sanitizer 1 pia hi.

Behiang apat ag hing kinuale in Singngat Police Station pha in buildingte etkhiatna nei a, main building kibawl tha luamanlou a kisia etna leh adang tuamtuam kisete bawltha ding dan enkhia hi.

Tuazou in Singngat CHC mun vapha in doctor leh nurse duty-te kimupi kia a, amau kung ah kipahthu gen hi.

MLA pu in a vaphahna munte lah a,Singngat Police Station leh Behiang Police Stationa ah louthulsan half bag 1 tuah pia a, Singngat CHC leh Behiang PHC ah jong louthulsan half bag 1 tuah a piah ban ah, a duty na uah a poimona bangbang ua zatding in Rs. 1 Lakh tuah peding hi'n chiam
hi.

Tuaban a MLA PU GINSUANHAU ZOU in Phamsa UZO EX President Pu Thangkhanlal haan a zaahna jong pia hi.

~ Zolengthe
============

GS Haupu in Chitui mun enkhie

LAMKA,  2020 APRIL 27: Tonjang-Behiang Gam a um Chikhuh (Chivu) mun tuni'n Singngat MLA Pu Ginsuanhau Zou, Chairman MANIREDA in etkhietna va nei hi.

COVIT-19 Lockdown kilahkhiet hun hun in Manipur CM Pu Biren Singh in honkhietna nei ding a, Tourist Spots mun khat a bawl hiding chi hi.

A veng/a ennkai ding in IRB Battalion khat a gei a ki koiding ahi chi'n MLA Pu in Press-te mai a gen hi.

A Gamkai mipite a dia phat tuomna tampi hing umding a, tualeh, Singngat to L. Kanaan tan lampi zong Black Topping hing kibol pei tading chi in zong gen hi.

~ Zodawn Today

Share: