Mangminkhup Memorial Football 2020 kipan

Lamka 2020 January 15: M. Tanglian Youth Club saina in the 2nd (L) Mangminkhup Memorial Football Tournament 2020 tuni M. Tanglian khua a Mangminkhup Ground a kipan hi, Hih hun a Thangkhanlum Phiamphu Social Worker in Chief Guest hih na tawh uap a, Guest of Honour in T. Khaikhanhau Chief of M. Tanglian pang hi, Programme hun sungin Dalginsuan in lamkaih a, Upa Hangsuanpau in patna thumna nei in, Pu Soimuanzakap Chief of T. Kotlian in vaidawn thugenna nei in, M. Tanglian Youth Club in Guest te-kia Piakkhai awh sakna leh Memento piakna nei in, Guest of Honour T. Khaikhanhau Chief of M. Tanglian in thugenna nei hi, Aman agenna a kum 2018 in Mangminkhup theih gige na din akhat veina The 1st Mangminkhup Memorial Football Tournament 2018 kipan a, tutawh anih veina hin gen hi, (L) Mangminkhup ahih aleh Thangkhal Minam te kipat khiatna mun Mulam khua sat tu hi a, Mangminkhup Tapa Mangzachin tapa Khupchinkhai tapa Chinzapau tapa Khaikhanhau hi'n gen hi, Mulam khua apat M. Tanglian khua kum 1948 in Mangzachin in nasat suk a, Tuching in Mulam khua pen M. Tanglian kichi ta hin gen a, Mulam khua ahih aleh Thangkhal minam sung a khua masapen leh kum lui pen in gen a, kum 1882 a Mulam khua na sat uh ahih dan gen hi, Huo banah Chief Guest Pu Thangkhanlun in agenna nei a, Khualui lai 1985 lai in Haupi Area a khua omte a Ground hoih tampi a, Tuitha kichin zoh apat Ground hoih taktak om nawn lou ahihdan gen in, Puannat huai asak thu gen hi, Himah leh Tangval Games lam a lunglut te lungkia mailou a neu noukhat apat lianpi tungthei ahih dan gen a, kum paisa in gam leh nam ngaihnat na tawh MDC Muallum a Candidate ahih dan gen a, Khovel pilna siamna neikei mah leh Gam leh nam itna ziak leh a bial mite a itna ziak a Candidate ahih dan gen hi, igam ilei a lamkai ding abial mi leh sa mah ahih kei a leh Khantouna leh mason na taktak omlou ahih dan gen a, imi isa te haksatna abial sung a omte leh muntuam aomte theih dan kibanglou ahih dan gen in, muntuam apan miten ka it ka ngaina chi mah leh a sung a omte itna zah a it zoulou ahih den gen in, ei leh kivai hawn thei hunta ahih dan gen hi, Hun tawp a Upa Zalianpau Local Chairman M. Tanglian TBC in kipahthugenna leh Player te adin Thumsakna nei a, Chief Guest in March Kick-of na nei in, Match 2  neih in om a, Match masa a Khaltal FC leh Thongzachin MT kimawl uah, Full Time a Khaltal FC 1-0 in Thongzachin MT te zou uhi, Match nih na a Kanan FC leh Jalda FC kimawl uhi.

MG Thangkhal

Admin KHALVONTAWI

KHALVONTAWI

VOICE OF THANGKHAL

Share: