Khallai FC in I-Day Tourney ah Champion la

Lamka 2019 August 15: Singngat Sub-Divisional Sports Association (SISDISA) saina in MK Thomas Stadium (Singngat Standard High School Compound)  a 1st Independence Day Football Tournament 2019 a Closing Ceremony leh Final kimawlna om a, Chief Guest in Ginsuanhau @GS Haupu MLA (Singngat) & Chairman MANIREDA pang hi. Functional President in Jameson Hangshing,  SDO/Singngat leh Guest of Honour in Khamthang Special Contractor pang a, Seiminlen Doungel (ISL Player) in zong uap a program hun sungin Thugenna nei hi. Seiminlen Doungel in agenna a Football pek mi in tup leh ngim nei a 100% a lung lutna nei a, sangpi a kimawlna tan tun theina dia pan lak ding poi moh ahih Dan gen ah,  Ama zong a neu lai a Company bawl Football lei jou lou in om a, Plastic a kibawl tom Football tawh kimawl a huo apat khanglian mi ahih Dan gen hi. Chief Guest in agenna a Sil khat pue a lawhching thei na dingin Muhtheilou Pasian leh muthei Pasian Nu leh Pa zah tak poi moh mahmah a, Sports lam a lunglut Khanglai et ton tak huai ei sung a tampi omta ahih Dan gen hi, a diak a Mary Kom leh ISL Player omte tungtawn in nasatak Mai a pan lak ding poi moh ahih Dan gen hi. Games tung tawn a imi nam minthang sak ding ahi a, Gam dang lak US Malaysia UK Japan Korean lak a Kom te aki nal leh Indian mi ahih Dan thei uhi. Mary Kom Dan a mi minthang hi sawm a pan la dingin kimawl mite hasotna nei hi. MK Thomas Stadium puahphatna ding a Kum 2017 in Centre ah Rs 1.5 Cr Proposal piak lut a om pen Process pai lel-lel hin gen a, Thomas Stadium approach road zong tuk-leh-khal a gari nuamtak a alut theina ding banah Singngat Standard H/S a kai Naupangte a ding a nuam jokna dingin tuktui a luanlou hun chiang a bawl hiding in gen a, Tournament Board te kithuahpihna in Rs 1 lakh pia hi. 

Final a Khallai FC leh Hih Hiau Hiau team kimawl uh a, Full time a Khallai FC in 4-2 a zou in Independence tournament 2019 a Champion hihna tang a, ama uh kiangah SDO/Singngat in Rs 50000 leh Trophy pia khia hi. Hih Tournament a mun tuamtuam apan team 14 kimawl uhi. 

Singngat Independence Football Tournament 2019

1st Khallai FC

2nd Hih Hiau Hiau

3rd Singngat Youth Club

Khallai FC in ahih leh kum 2016 in 2nd Prize la a,  Kum 2017 in Independence Tournament mah a 1st la a tukum 2019 in Champion hihna la kik uhi. 

KHALVONTAWI

Information For All Thangkhal

Share: