Kawlgam a ZBCM ( Zomi Baptist Convention of Myanmar) pen Asia gambup kipawlna APBF( Asia Pacific Baptist Federation) in asanna uh April 3,2019 ni-in tangkona neikhia ta uh hi. Asia gambup sanna tungtawn in hongtungding July 11-12,2019 ni ciangin Leitungbup kipawlna BWA( Baptist World Alliance) in sanna nei topah ding uh a, tuasanna ah Kum 2017 lai in ZBCA in Full membership ngahkhin ahihmanin tun ZBCM pen BWA ah kipsakna. dingin ZBCA in Lungkimpihna vote khiathei ding hongsuak ahih manin Topa geelna lamdang isa mahmah hi.
BWA Khawmpi July 7-12,2019 sung Bahamas gam Nassau khuapi ah tungding a tualai ah ZBCM pen BWA in Fullmembership piakna neiding hi. Biakna vaitawh kisa in leitungbup level ah USA leh Kawlgam pan in ZOMI ten Officially in gam leh minam aitangin thu sungthei , pulaak thei ziahziahding suakta ihih manin Zomi te hong aituambawl Topa tungah ilungdamna lian mahmah hi.
ZBCA pen NABF(North America leh Canada) pan BWA ah kum 2017 in Full member ngah khin ta hi.
ZBCM pen APBF( Asia Pacific Baptist Federation) pan BWA ah kum 2019 ciangin Full member angahding ahihi.
BWA Khawmpi Leitung gam 125 te Mai ah Zomi ten Zola sa in, Zola awi in Zongeina puante silh in Topa min iphattheih hunding hongtung to ta ahih manin Zomi te adingin Topa hunlap mahmah ahihmanin i Lungdamna ipulaak phapha hi.
Lungdampih mahmahna tawh,
Rev. Pau Khan Khai
General Secretary
ZBCA
April 3,2019.
.JPG)
No comments:
Post a Comment
Comments not related to the topic will be removed immediately.