Rev. Dr. Pumzathang | Message

Rev. Dr. Pumzathang in a Nu neu Pi Thuangkhongai si a message apiak pen ahi.

Pi Thuangkhongai ahih leh Thangkhal kual a Missionary Pastor Thawngluan zi ahi hi.

Ka it uh Nu aw. Kha na kiak sim thu ka zakin,  ka Pa Pastor Thawngluan(The Apostle to Thangkhal) in a sih dong a Pathian nna asep laia a sponsor Saptuamte khuapi Philadelpia, Pennsylvania State, USA a Toupa naseema a ka om laitak a ahong hong tun khel khel in dahna leh kipahna(mixed feelings)tak tawh lai kon gelh hi. Bangalore, India a ka omlai uh hileh hongpai ka sawm uh hi-a, tua tuipi gal a kipan a hong pai zoulou ka hihman un poi leh vangsia ka kisa uhi! Tutung Nipikhawl (summer) sungin America ah ka tate & tute toh hun ka zat ban uah, Saptuam mun tuam tuam a thugenna hun ka neih manin ka omlel uhi. Ahihhangin a hon itte I inkuan, insak inkhang, i saptuam leh ka Pa tawh hatlou taka Gospel na puaklut uleh na vahvaihpih minam, Thangkhal Khristian te tawh na hun na nungpen khualzin na zangkhawm thei na hihziakun kipakin, ka lung uh a muang hi. Kon itlua ua, kon mangngilh ngeikei ding uhi. Na leitung kum Pathian hon phalsaktan zang khinta na hihman in khamuangtakin paita in. Ka lungkim na mahmah pen, hatlou taka Tangthupha ka pa tawh Thangkhal kual a na puaklut un gah suanga, Manipur leh India gam sung mun tuamtuam a Thangkhal Saptuam dingta a, amaute'n India mi Hindus & dawi-le-kau biate laka missionary sawl khiata uh chih ka theih a ka muh chiang in,"Toupa  nna nasepgimna uh thawnlou ahih man in" Pathian min ka phat uhi. Toupa'n thupina omkha a om leh Aman uun (tang) siang ta hen. Amen! Ka Nu Thuangkhongai a it asun, atu  ata, a inkuan, insak inkhang, a saptuam EBC, Dorcas Veng leh Thangkhal Saptuamte kiang ah Pathian a pan hehnepna leh kha muanna hongtung kim chiatta hen, chih ka thum na uh ahi. "Nu aw, na it ka pa, Pastor Thawngluan tawh Tangthupha ziak a na kalsuanna sulnung  teng uh: Khazang, Mulam, Khaukual, Mualpi, Mualsan, Panglian, Tanglian, Belbing, Hiangdung, Kullian, Lamzang, Ngawiphai, Gelzang, Mualtam leh Mata nusia in A honsampa, nna muanhuaitaka nasep uh Pa Pathian kiang ah non na paisanta uh a; a khua, amun amual leh na suul na khapte uh MUALTA hi! Ahihhangin nata,natute'n kon itna uleh na Tangthupha puak uleh na gen thute uh MUAL NGEILOU in gahsuah in pallun semsem ding hi! Hibanga Nu leh Pa manpha kon neihziakun hampha kakisa lua uhi." Lungmuangtakin ana paita in, Nu aw, kon itluat uh ka gen na un Paite Puandum in na luang kon tuam uhi..Nou Nupa mah banga Tangthupha gen a kalsuan lel, Na tate Rev Dr Pumzathang & Thanching Tombing, Philadelphia, Pennsylvania State, USA. Chiau I gal ah dawn bang kituakni, muanna Thianmang siang ah." 

Note: Hiai lai na sim khiat khit chiangun Niang Ngaih Lun toh Paite puandum in a luang ana tuam un aw hehpihtakin..

KHALVONTAWI

Information For All Thangkhal

Share: