ZYA BUKPI BLOCK KIPAK THUGENNA

KIPAK THUGENNA

Pi Vunghoih (73 years) m/o Dalsuanmung of Bukpi khua in taksa damlouh na hang a apaisa 16/3/2019 ni a Langgol, Imphal a ahong na mualliam san na tung ah, vangsiat tuak innkuan ten Innmun mah a vuiding lunggulh na ziak in Zomi Youth Association Bukpi Unit leh Zomi Youth Association Bukpi Block ah  buai pih ding a ahong nget bang un pan ana kila a, himah leh Unit leh Block in neihsa bang mah kinei lou ahih na ah Kousik leh tang a pan hong lak pih a Langgol apansa Lamka tan aluang hong puak sak bialtu MLA Pu Vungzagin Valte, Hon'ble Chairman, MTDC tung ah lungdam thu ka puak uhi. Lamka apansa Bukpi tan puak na ding bangkim hong sai sak a gari a khomun tan hong tunpih Zomi Youth Association GHQs te tung ah leng kipak thu ka puak uh hi. Hiai vangsiat na tung a hong buai pih mimal leh pawl tuam tuam anai agam la, U leh Nau, Nu leh Pa, Pi leh Pu na vek ua tung ah ZYA, Bukpi Block sik leh tang in kipak thu ka hong gen uh hi. I biak Pathian in na sephoih na te uh ziak in panpih ngaite panpih zou zawsem din aleh tampi'n hawn vualzawl ta hen.

Sd/-                                       Sd/-

H. Ginlianthang                  T. Kamkhanthang

President                                Secretary

               ZYA BUKPI BLOCK

Share: