Nute khasiat baihna

Napa tawh kakiteen zawh kasungah nangkong paailai in napa in hongvaksansan in keilah guakom nawnlo lungkhamna tawh kakidim den hi.

Kongpaai lai in honglimhaih lua in nasem zolo zahdongin konghaih aa napilehnapu in athadah in hongngaih sun lai hi.

Nasuakding in nasalua kahihman in siahuante in nata damlo ding hi cihkammal honggen aa nanghang in kakhitui tampi luang hi.

Naneulai in dammawhna hihman in zan naih mu nuam kei aa napa tawh kikhel in zanhak in atawi kongkikhel den uh hi.

Naci limnatlua mahmah ahihman in zato kongpuak uh aa sum neilopi in napa in ih inn ih lo ihpong zong in cih kammal tawh kongbawl uh hi.

Khatvei zankhat thu in kongsinsuah dek uh aa napatawh zanthapai ka khitui uh luang hi.

Bangmah neilo ihhihman in anlim an al nezolo ihhihman in nawitui gina zong hongpia zolo in nang kongkhual na hangun leibat tawh kakidim uh hi.

Haksatna tampi katuak uhhang in honggol in honglian leh ihtha hongthek ding aa nulehpa hongvak ding hicih lametna tawh hanciam in hoihtak kong khoi uh hi.

Nagolciang in thumanglo thukhual lo in nongom ciang kakhasiat uh suak baih mahmah hi.

Nukhasia baih hongci kei in tate hangaa nulehpa thuakna hongtheihpih leteh kaut mahmah hi.

Nu kahih man in kasep ding sem ka hi aa tate it ka hih man in haksatna tampi kathuak hangin lawptak in kasem tantan hi.

Nute thuakna gentheihna te phawkpih zel in Nuten tate tungah lametna tampi hongnei ahihman in lametna bangin tate ih ginatloh hunciang Nute khasia baih mahmah hi.

Nu te thuakna leh agentheihna theihpih in na Nu nangtung ah khasai baih mahmah hi.

Source ~ ZOMI NEWS

KHALVONTAWI

Information For All Thangkhal

Share: