LAMKA, 01 JAN 2019 --- Thangkhal Baptist Church (TBC) T. Khajang Thangkhal khua in KHALVONTAWI Social Media Admin Mr. MG Muanlal Thangkhal kiangah Lungdamna Memento khat pia uhi.
Hih pahtawina silpiak ahihleh MG Muanlal Thangkhal in T. Khajang Thangkhal Baptist Church (TBC) Saptuamte a ding a 'Name Plate' a bawl sakna tungah T. Khajang TBC Saptuam Local Church Committee (LCC) in lungdam etsakna in Memento pia uhi.
Muanlal Thangkhal ahihleh Tangnuam a om, Thangkhal Nam leh Saptuam it mahmah khangnou mifel tak khat a theih ahi hi.
1996 October 01 in T. Khajang Thangkhal khua a ana piang hi. Saptuam a ding in TBC Tangnuam ah kum 2016-17 sung Youth & Child (Department) Chairman ana tu a, 2018-19 sung Tangnuam Saptuam mah a Youth Secretary tu hi.
Social lam ah Thangkhal adia mi kipia zou mahmah khat ahi hi.
Tua bek hilou! TSP GHQS a Information & Publicity Secretary lentu hithamlou in Zomi Youth Association (ZYA) General Headquarters a 2018-21 sung Assistant Information Secretary len lai zong ahilai hi.
Hun awng a neih sun sun in KHALVONTAWI WhatsApp Group a ding in pan nasatak in la a, ama ziak in Thangkhal toh kisai thu-le-la Lamka newspaper lak leh Social Media lak ah hong kisuah gige i mu chiat uhi. Tua bek hilou, KV WhatsApp Group ah tawp chih nei lou a thupuaktu muanhuai khat ahi hi.
Thangkhal ham zangh minamte a ding a theitawp sua a pan latu ahi hi. I nam a dia phattuam a ngaina tung ah ettawn tak kisa hi.
Khalnou taangpa MG Muanlal Thangkhal damsawt hen!
~ Editor, KV Online
.jpg)
.png)
.JPG)
No comments:
Post a Comment
Comments not related to the topic will be removed immediately.